Stj.mál
Nærri 600 orður
Á árabilinu 1996 til 2005 hefur forseti Íslands veitt 574 heiðursmerki íslensku fálkaorðunnar. Þar af hefur röskur fjórðungur farið til kvenna. Útlendingar eru meirihluti þeirra sem forsetinn hefur heiðrað með þessum hætti.
Tekur hvalurinn æti frá þorski?
Hafa vaxandi hvalastofnar hér við land tekið það mikið úr fæðukeðjunni að þorskurinn fær ekki nægilegt æti? Sjávarútvegsnefnd Alþingis lagði þessa, auk fleiri spurninga, fyrir Hafrannsóknastofnunina á fundi í dag. Farið var yfir nýlega skýrslu Hafró um ástand þorsksstofnsins og forsendur fyrir veiðiráðgjöf stofnunarinnar.
Ferðamennska fremur en hvalveiðar
Grænfriðungar halda áfram að hvetja Íslendinga að hefja ekki hvalveiðar að nýju og benda á að mun meiri tekjur fáist af ferðamennsku og hvalaskoðun en hvalveiðum. Þá vilja þeir að áhrif loftslagsbreytinga á jökla og fiskistofna verði könnuð.
Máttu ekki flytja til skólahald
Ákvörðun Skeiða- og Gnúpverjahrepps um að flytja allt skólahald Þjórsárskóla í Árnes hefur verið felld úr gildi vegna vanhæfis sveitarstjórnarmanna.
Bjóði fram undir eigin nafni
Kjördæmisráð Samfylkingarinnar í Norðvesturkjördæmi hefur skorað á samfylkingarfélaga um allt land að beita sér fyrir því að Samfylkingin bjóði fram í sem flestum sveitarfélögum undir eigin nafni. Fundur kjrödæmisráðsins lýsir þungum áhyggum af þeim sívaxandi vanda sem stafar að atvinnulífinu vegna ruðningsáhrifa stóriðjustefnunnar.
Svik að afnema ekki holræsagjald
Sjálfstæðismenn í borgarstjórn saka Reykjavíkurlistann um kosningasvik með því að afnema ekki holræsagjaldið, sem á sínum tíma var kynnt sem tímabundinn skattur. Þeir segja að R-listinn eigi ekki að hreykja sér af hreinsun strandlengjunnar heldur skammast sín.
Þrjá milljarðar fram úr fjárlögum
Guðni Ágústsson landbúnaðarráðherra hefur farið rúma þrjá milljarða fram úr fjárlögum í ráðherratíð sinni, eða um 650 milljónir króna á ári að meðaltali, sem er vel yfir fjögurra prósenta viðmiðunarmarki fjármálaráðuneytisins.
Þingvellir líka fyrir konur
Um tvö þúsund manns mættu á Þingvallafund sem haldinn var í tilefni af 90 ára afmæli kosningaréttar kvenna. Veðrið setti sinn svip á hátíðina en það rigndi á hátíðargesti.
Heimilin skuli jöfnuð við jörðu
Ísraelar og Palestínumenn hafa komið sér saman um að heimili ísraelskra landnema á Gasa-svæðinu skuli jöfnuð við jörðu þegar þeir flytja þaðan. Condoleezza Rice, utanríkisráðherra Bandaríkjanna, skýrði frá þessu í dag en hún er nú í heimsókn í Miðausturlöndum til þess að þrýsta á Ísraela og Palestínumenn að standa við loforð sín um friðarferlið.
Efnavopna-Ali yfirheyrður
Ali Hassan al-Majid, betur þekktur sem „Efnavopna-Ali“, er á meðal þeirra sem yfirheyrðir hafa verið undanfarna daga í undirbúningnum fyrir réttarhöldin yfir harðstjórn Saddams Husseins í Írak. Ali er sagður hafa verið einn nánasti samstarfsmaður Saddams en hann var síðast yfirheyrður í desember, að því er talsmaður Bandaríkjahers greindi frá í dag.
Strákaklúbburinn ofan á
"Á síðasta ári þegar valdir voru ráðherrar fyrir flokkinn varð strákaklúbburinn ofan á." Þannig kemst Kristinn H. Gunnarsson, þingmaður Framsóknarflokksins, að orði í pistli á heimasíðu sinni á netinu í gær 19. júní.
Ísraelar og Palestínumenn sammála
Utanríkisráðherra Bandaríkjanna, Condoleezza Rice, segir að Ísraelar og Palestínumenn séu sammála um hvernig skuli staðið að brottflutningi gyðinga frá Gaza-svæðinu.
Frekari framúrkeyrsla væntanleg
Af þeim fjórum ráðuneytum sem fóru fram úr fjárlögum á síðasta fjárlagaári stefna að minnsta kosti þrjú þeirra aftur fram úr í keyrslu. Ekki hefur enn náðst í stjórnendur utanríkisráðuneytisins.
Vill meira fé til menntamála
"Það gengur auðvitað ekki að stofnanir fari fram úr fjárlögum," segir Þorgerður Katrín Gunnarsdóttir menntamálaráðherra um framúrkeyrsluna hjá stofnunum menntamálaráðuneytisins. "Við fórum fram úr og það er ekki til fyrirmyndar. En við erum að taka á þessum stofnunum og hjálpa þeim að leysa úr sínum vandamálum."
Hætt við spillingu í lóðaúthlutun?
Síðustu lóðum Kópavogsbæjar við Elliðavatn verður úthlutað í sumar. Í Kópavogi er hvorki lóðaútboð né lotterí, heldur úthlutar bæjarráð lóðunum. Formaður skipulagsnefndar segir þetta fyrirkomulag ekki þurfa að bjóða upp á spillingu - flestir sem vilji byggja í Kópavogi fái á endanum lóð.
Gefur kost á sér í formennsku SUS
Borgar Þór Einarsson lögfræðingur hefur ákveðið að gefa kost á sér til formennsku Sambands ungra sjálfstæðismanna.
Stjórnmálamenn óhultir fyrir ETA
ETA, aðskilnaðarsamtök Baska, segjst hætt að myrða stjórnmálamenn. Tilkynningin kemur í kjölfar þess að spænska ríkisstjórnin sagðist á dögunum vera reiðubúin til samningaviðræðna ef ETA myndi leggja niður vopn.
Skýrði ekki frá öllum hlutnum
Halldór Ásgrímsson forsætisráðherra sagði á blaðamannafundi síðastliðinn mánudag að hann og fjölskylda hans ættu 25 prósenta hlut í Skinney-Þinganesi. Á fundi fjárlaganefndar þremur dögum síðar kom fram að hlutur fjölskyldunnar í fyrirtækinu er níu prósentustigum hærri, eða 34 prósent.
Rice í Miðausturlöndum
Condoleezza Rice, utanríkisráðherra Bandaríkjanna, er komin til Miðausturlanda til þess að reyna að ýta við Ísraelum og Palestínumönnum að standa við skuldbindingar sínar um frið. Rice sagði við fréttamenn að Palestínumenn yrðu að halda vopnahlé sitt sem oft hefur verið rofið undanfarnar vikur.
Enginn með hreinan meirihluta
Ljóst er að enginn frambjóðandi hefur fengið tilskilin fimmtíu prósent atkvæða í forsetakosningunum í Íran. Frambjóðendur eru sjö. Eftir að búið var að telja tuttugu og tvær milljónir atkvæða af þeim þrjátíu og tveim milljónum sem bárust var Akbar Hashemi Rafsanjani efstur með rúmlega 21% atkvæða.
Framlög val fyrirtækja og banka
Það sem fyrirtæki leggja í samfélagsleg verkefni umfram skýrar kröfur og skyldur verður að vera á frjálsum grundvelli og ráðast af vilja einstakra fyrirtækja, segir framkvæmdastjóri Samtaka atvinnulífsins. Stjórnarformaður KB banka, segir bankana hafa tekið öflugan þátt í vexti og viðgangi þeirra fyrirtækja sem hvað mest hafa vaxið undanfarið í íslensku atvinnulífi.
Uppreisnum svarað af hörku
Ríkisstjórnin í Kirgistan tilkynnti í dag að öllum tilraunum til uppreisnar í landinu yrði svarað af hörku. Tilkynningin kemur í kjölfar þess að hópur fólks ruddist inn í byggingu sem stjórnin hefur aðsetur sitt í í gær.
Sammála en greinir á um aðferðir
Stjórnarandstaðan er sammála forsætisráðherra um að tímabært sé að stokka upp í stjórnsýslunni. Samfylkingin leggur til fækkun úr þrettán ráðuneytum í níu en Vinstri-grænir telja réttast að hver ríkisstjórn ráði því hvernig starfsfólki og ráðuneytum sé raðað niður hverju sinni.
Lítill árangur af viðræðunum
Lítið virðist hafa komið út úr viðræðum Condoleezzu Rice, utanríkisráðherra Bandaríkjanna, og Mahmoud Abbas, forseta Palestínu, sem fram fóru í Ramallah á Vesturbakkanum í dag. Á blaðamannafundi að viðræðunum loknum sagði Rice að Ísraelar og Palestínumenn yrðu að vinna saman að farsælli lausn á brottflutningi herliðs Ísraelsmanna frá Gasa. </font />
Taka gagnrýninni ekki illa
Það sem fyrirtæki leggja til samfélagsins, fyrir utan skatta og skyldur og að fara eftir lögum og reglum, verður að vera á sjálfviljugum grundvelli, segir Ari Edwald, framkvæmdastjóri Samtaka atvinnulífsins. Hann segir forsætisráðherra hafa orðað hlutina á sinn hátt í hátíðarræðu sinni í gær og að samtökin hafi ekkert við það að athuga.
Heldur hlífiskildi yfir Mugabe
Breskur þingmaður hefur gagnrýnt forseta Suður-Afríku harkalega fyrir að halda hlífiskildi yfir Robert Mugabe, forseta Simbabves. Þingmaðurinn er nýkomin úr leynilegri heimsókn til Simbabves og segir Mugabe vera í stríði við eigin þjóð.
Chirac samþykkir frestun
Jacques Chirac, forseti Frakklands, sagði fyrir stundu að hann væri reiðubúinn að fresta atkvæðagreiðslu um tillögu þess efnis að Bretar fái ekki lengur afslátt af gjöldum Evrópusambandsins, gegn því að það verði til þess að breyting verði á fjárframlögum til sambandsins í heild.
Miklar deilur á leiðtogafundi ESB
Það logar stafna á milli á leiðtogafundi Evrópusambandins sem hófst í Brussel í gær. Samþykkt stjórnarskrársáttmála sambandsins hefur verið slegið á frest um óákveðinn tíma og nú er hart tekist á um fjárframlög þjóðanna í sameiginlega sjóði.
Sláum því á frest
„Sláum því á frest“ er helsta niðurstaða leiðtogafundar Evrópusambandsþjóðanna um sameiginlega stjórnarskrá sem lýkur í Brussel í kvöld. Þá var hart deilt um frjárframlög í sameiginlega sjóði.
Ráðherrann gagnrýnir Schröder
Forsætisráðherra Tyrklands gagnrýndi Gerhard Schröder, kanslara Þýskalands, í morgun í kjölfar þess að þýska þingið harmaði meint þjóðarmorð Tyrkja á Armenum í fyrri heimsstyrjöld.
