Fréttir

Fréttamynd

Sjálfstæðismenn á Ísafirði halda prófkjör í febrúar

Sjálfstæðisfélögin í Ísafjarðarbæ hafa ákveðið að halda prófkjör vegna sveitarstjórnarkosninga á komandi vori 11. febrúar. Þetta kemur fram á vef héraðsfréttablaðsins Bæjarins besta. Búið er að semja reglur vegna prófkjörsins, en framboðsfrestur rennur út 21. janúar.

Innlent
Fréttamynd

Met í kaupum á erlendum verðbréfum

Hrein kaup íslenskra fyrirtækja og lífeyrissjóða á erlendum verðbréfum hafa aldrei verið meiri en í október síðastliðnum. Þá námu kaupin tæpum tuttugu og átta milljörðum króna að því er fram kemur í Morgunkornum Greiningardeildar Íslandsbanka.

Innlent
Fréttamynd

Vilja úttekt á símanotkun Ísafjarðarbæjar

Atvinnumálanefnd Ísafjarðarbæjar hefur lagt til að gerð verði úttekt á símanotkun sveitarfélagsins og að á grundvelli hennar verði kannað verð og tilhögun á símaþjónustu með það að leiðarljósi að lækka kostnað sveitarfélagsins. Þetta kemur fram á fréttavef Bæjarins besta á Ísafirði.

Innlent
Fréttamynd

Rottugangur í safnkössum sem ekki eru með vottun frá Svaninum

Rottugang í safnkössum má rekja til þess að fólk kaupir kassa sem ekki eru vottaðir af Norræna umhverfismerkinu Svaninum, segir Stefán Gíslason, verkefnisstjóri Staðardagskrár 21 á Íslandi. Safnkassar með vottun frá Svaninum eilítið dýrari en aðrir og velja því margir ódýrari kostinn. Það getur þó reynst dýrkeypt því slíkir kassar eiga það til gliðna og hleypa inn músum og rottum. Samþykktir kassar eru á hinn bóginn einangraðir og hafa engar rifur sem eru breiðari en 7 millimetrar.

Innlent
Fréttamynd

Segir Mjólkursamsöluna hafa hlunnfarið sig

Bóndi hefur stefnt Mjólkursamsölunni fyrir að hafa hlunnfarið sig við uppgjör á stofnfjársjóði Samsölunnar. Sams konar mál varða um 500 aðra bændur sem samanlagt ættu tugmilljóna króna kröfu á Samsöluna ef dómstólar fallast á kröfu bóndans.

Innlent
Fréttamynd

Heimabankaþjófur aðeins milliliður

Maður á þrítugsaldri hefur verið úrskurðaður í gæsluvarðhald vegna gruns um þjófnað úr heimabanka. Hann mun þó aðeins vera milligöngumaður. Bankar og sparisjóðir hvetja fólk til þess að vera á varðbergi gagnvart þjófnaði sem þessum.

Innlent
Fréttamynd

Þúsundir flýja yfirvofandi eldgos

Þúsundir íbúa á eynni Vanuatu, í Suður-Kyrrahafi, hafa verið fluttir frá heimilum sínum vegna yfirvofandi eldgoss. Óttast er að flytja þurfi alla íbúa eyjarinnar á brott.

Erlent
Fréttamynd

Öll undir sama þak

1.100 fermetra viðbygging við Breiðagerðisskóla í Reykjavík var formlega tekin í notkun í morgun. Með tilkomu nýju viðbyggingarinnar gerist það í fyrsta sinn í allmörg ár að nemendur Breiðagerðisskóla eru allir í sama húsnæði. Undanfarin ár hefur verið kennt í flytjanlegu húsnæði á lóð skólans og í gömlu leikskólahúsnæði.

Innlent
Fréttamynd

Samningar BÍ og SA samþykktir í gær

Nýir kjarasamningar Blaðamannafélags Íslands við Samtök atvinnulífsins vegna Árvakurs og 365 miðla, voru samþykktir í almennri atkvæðagreiðslu í gær. Fylgjandi samningunum voru rúm 73 prósent en andvíg rúm 24 prósent.

Innlent
Fréttamynd

26 þúsund velja fyrirtæki ársins

Um 26 þúsund manns taka þátt í viðamestu vinnumarkaðskönnun sem framkvæmd hefur verið hér á landi þegar Verzlunarmannafélag Reykjavíkur og SFR, stéttarfélag í almannaþjónustu, sameinast um könnun á ánægju, starfsskilyrðum og líðan fólks á vinnustað í byrjun næsta árs.

Innlent
Fréttamynd

Þeim seku verður refsað

Kínversk stjórnvöld hafa heitið því að refsa þeim sem bera ábyrgð á sprengingu í efnaverksmiðju á dögunum sem varð til þess að hundrað tonn af eiturefnum láku í Songhua-ána og spilltu drykkjarvatni milljóna manna.

Erlent
Fréttamynd

Dæmdur í 11 ára fangelsi fyrir kynferðisglæpi gegn fjölda barna

Finnskur maður á fimmtugsaldri var dæmdur í 11 ára fangelsi fyrir yfir 160 kynferðisglæpi gegn börnum. Dómurinn þykir sérlega þungur en maðurinn, Juoko Petri Jaatinen, framdi fleiri tugi glæpa gegn fjöldamörgum börnum á 10 ára tímabili. Kynferðisglæpirnir, sem flestir voru framdir á taílenskum vændisbörnum, þóttu sérlega grófir og niðurlægjandi í mörgum tilfellum og voru 6 fórnarlamba hans yngri en 10 ára. Samkvæmt finnskum lögum má sækja fólk til saka fyrir barnaníð þótt það hafi framið glæpinn í öðru ríki.

Erlent
Fréttamynd

Mesta veðurhamfaraár sögunnar

Árið 2005 er mesta veðurhamfaraár sem skráð hefur verið samkvæmt skýrslu sem lögð var fram á loftslagsráðstefnu Sameinuðu þjóðanna í Montreal í Kanada.

Erlent
Fréttamynd

Banna pyntingar innan og utan Bandaríkjanna

Bandarísk stjórnvöld hafa bannað öllum bandarískum erindrekum að beita fanga sína grimmd við yfirheyrslur, sagði Condoleezza Rice, utanríkisráðherra Bandaríkjanna í Úkraínu þar sem hún er í opinberri heimsókn.

Erlent
Fréttamynd

Sýknaður af hryðjuverkaákærum

Bandarískur prófessor, Sami al-Arian, sem talað hefur fyrir réttindum Palestínumanna var sýknaður af hryðjuverkaákærum í Flórída í gær. Þetta er talinn mikill ósigur fyrir löggæsluna en bæði al-Arian og þrír aðrir sem tengdust málinu voru úrskurðaðir saklausir. Verjendur Arian segja málið vera fyrst og fremst pólitískt.

Innlent
Fréttamynd

Stríðsglæpir fortíðar skulu ekki hafa áhrif á framtíðina

Japan á að hugsa um þann sársauka sem það hefur valdið Kína og Suður-Kóreu á árum áður en sagan á þó ekki að hindra framtíðarsamstarf, segir japanski utanríkisráðherrann Taro Aso. Samband Japan við Kína og Suður-Kóreu hefur beðið skaða að undanförnu vegna árlegra pílagrímsferða forsætisráðherrans, Junichiro Koizumi, til Yasukuni hofsins í Tókíó sem er tákn liðinna herátaka.

Erlent
Fréttamynd

Allir velkomnir til Karmelsystra

Það eru margir sem heimsækja Karmelsystur í Hafnarfirði fyrir jólin enda taka þær öllum opnum örmum. Í lítilli verslun í klaustrinu gætir ýmissa grasa.

Innlent
Fréttamynd

Hafnar ásökunum um staðreyndavillur

Skýrsla Stjórnhátta hf. um stöðu Byggðastofnunar inniheldur ekki staðreyndavillur eins og stjórn Byggðastofnunar hefur haldið fram segir Sigurður H. Helgason, framkvæmdastjóri Stjórnhátta.

Innlent
Fréttamynd

Pakistanar búa sig undir veturinn

Hundruð þúsunda Pakistana undirbúa sig nú fyrir kaldasta tíma vetrarins sem senn gengur í garð. Lítil sem engin hjálp hefur borist stórum hluta þessa fólks eftir jarðskjálftana í síðasta mánuði sem urðu um sjötíu þúsund manns að bana.

Erlent
Fréttamynd

Stefna á framboð í sex sveitarfélögum

Frjálslyndir stefna á framboð í minnst sex sveitarfélögum næsta vor. Í síðustu sveitarstjórnarkosningum buðu þeir fram lista í þremur sveitarfélögum og komu manni í bæjar- eða borgarstjórn í tveimur þeirra.

Innlent
Fréttamynd

Telur sig hafa fundið flakið af Goðafossi

Tómas J. Knútsson sportkafari telur sig hafa fundið flakið af Goðafossi sem þýskur kafbátur grandaði á Faxaflóa í síðari heimsstyrjöldinni. Með skipinu fórust margir farþegar og skipverjar en nokkrir björguðust.

Innlent
Fréttamynd

Fundað vegna fréttar af heimabankaþjófnaði

Fulltrúar banka og sparisjóða sitja nú á fundi til að fara yfir öryggismál vegna fréttar Fréttablaðsins í morgun af þjófnaði úr heimabönkum. 25 ára karlmaður var úrskurðaður í gæsluvarðhald í gær vegna gruns um að hafa millifært milljónir króna úr heimabönkum fólks inn á eigin reikning og að sögn Fréttablaðins eru fjögur einstök þjófnaðarmál úr heimabönkum til rannsóknar hjá lögreglu.

Innlent
Fréttamynd

Sterkur ríkissjóður eða lök hagstjórn

Gert er ráð fyrir nítján milljarða króna afgangi á ríkissjóði í fjárlagafrumvarpi ríkisstjórnarinnar sem verður að lögum í dag. Stjórnarliða og stjórnarandstæðinga greinir þó á um hvort þau séu til marks um sterka stöðu ríkissjóðs eða að ekki sé tekið á óróa í efnahagslífinu.

Innlent
Fréttamynd

Lögregla leitar enn manns sem beraði sig

Lögreglan í Reykjavík leitar enn að manni sem beraði sig framan nokkrar stúlkur við Grímsbæ við Bústaðaveg í fyrrakvöld. Stúlkurnar hlupu dauðskelkaðar heim og hringdu á lögreglu en maðurinn forðaði sér og hefur ekki fundist þrátt fyrir leit og eftirgrennslan.

Innlent
Fréttamynd

Maraþonumræða um fjárhagsáætlun í gær

Maraþonumræðu um fjárhagsáætlun borgarinnar lauk ekki fyrr en undir miðnætti en hún hófst klukkan tvö í gær. Þar kynnti R-listinn meðal annars áform um að flýta næsta skrefi í átt að gjaldfrjálsum leikskóla.

Innlent
Fréttamynd

Í gæsluvarðhald vegna innbrota í heimabanka

25 ára karlmaður var úrskurðaður í gærluvarðhald í gær vegna gruns um að hafa millifært milljónir króna úr heimabönkum fólks inn á eigin reikning. Að sögn Fréttablaðsins var maðurinn handtekinn í fyrrakvöld og snýst rannsóknin um að minnsta kosti fjóra þjófnaði með þessum hætti, allt upp í hálfa aðra milljón í einu tilvikanna.

Innlent
Fréttamynd

Mikil sorg í Íran eftir flugslys

Mikil sorg ríkir nú í Íran eftir að flugvél skall á íbúðarbyggingu í suðurhluta Teheran, höfuðborg landsins, í gær með þeim afleiðingum að 130 manns fórust. Flugvélin var nýtekin á loft þegar bilunar varð vart og ætlaði flugstjórinn að reyna nauðlendingu.

Erlent

Mest lesið