Fréttir

17 gefa kost á sér í prófkjöri Samfylkingarinnar í Suðurkjördæmi

17 gefa kost á sér í 5 efstu sætin á lista Samfylkingarinnar fyrir prófkjör flokksins í Suðurkjördæmi. Prófkjörið verður haldið laugardaginn 4. nóvember og er opið öllum kosningabærum mönnum sem eiga lögheimili í kjördæminu á kjördag.

Haniyeh hné niður

Ismail Haniyeh, forsætisráðherra palestínsku heimastjórnarinnar, hné niður þar sem hann flutti ræðu á fjöldafundi í Gaza-borg í dag. Haniyeh, sem er 46 ára, þagnaði í miðri setningu og féll í fang aðstoðarmanna sinna sem stóðu á bak við hann.

Hamas vill reyna til þrautar að mynda stjórn

Varst þetta þú ?

Búist við kjarnorkusprengingu um helgina

Allt eins er búist við því að Norður-Kórea láti verða af því að sprengja kjarnorkusprengju strax nú um helgina.

Sonja B. Jónsdóttir sækist eftir 4. - 5. sæti

Sonja B. Jónsdóttir myndlistarkennari og kvikmyndagerðarmaður býður sig fram í prófkjöri Samfylkingarinnar í Suðvesturkjördæmi þann 4. nóvember n.k. Hún sækist eftir 4.-5. sæti og vill einkum vinna að auknum jöfnuði í samfélaginu, forvarnamálum, bættum hag barna, unglinga, fatlaðra, öryrkja og aldraðra og einnig að fræðslu- og menningarmálum.

Gæslan "stal" tækjunum í herstöðinni

Standa vörð um Íran

Bjarni Harðarson stefnir á 2. sæti

Bjarni Harðarson, fyrrverandi ritstjóri Sunnlenska fréttablaðsins og væntalegur bóksali á Selfossi, hefur aðkveðið að gefa kost á sér í 2. sæti á lista Framsóknarflokksins í Suðurkjördæmi vegna komandi kosninga til Alþingis. fréttavefurinn sudurland.is greinir frá.

Unglingafæla fær friðarverðlaun Ig Nobels

Tæki sem fælir unglinga frá hefur unnið friðarverðlaun Ig Nobels í ár en verðlaunin eru skopútgáfa hinna viðurkenndu Nobel verðlauna. Tækið er hannað af Howard Stapleton og það framleiðir hátíðnihljóð sem fullorðnir nema ekki, en hefur truflandi áhrif á unglinga.

Þúsundir flýja eld í efnaverksmiðju

Rúmur helmingur íbúa í smábæ í Norður-Karólínu ríki í Bandaríkjunum hefur í dag þurft að yfirgefa heimili sín vegna bruna í efnaverksmiðju. Íbúar í bænum Apex, þar sem verksmiðjan er staðsett, eru 28 þúsund og hafa um 16 þúsund þeirra orðið að flytja sig á öruggari svæði. Töluvert af hættulegum efnum og efnaúrgangi er að finna í verksmiðjunni sem stendur nú í ljósum logum.

Carl Bildt utanríkisráðherra

Fredrik Reinfeldt, nýr forsætisráðherra Svíþjóðar, kynnti ríkisstjórn sína í morgun. Athygli vekur að Carl Bildt, fyrrverandi forsætisráðherra verður utanríkisráðherra. Í ræðu á sænska þinginu sagði Reinfeldt að staðið yrði við gefin loforð um skattalækkanir og breytingar á velferðarkerfinu.

Bakkað út úr óbyggðunum

Ökumaður á ferð um óbyggðir Ástralíu á leið til borgarinnar Perth lenti í vandræðum þegar gírkassinn fyrir áfram-gírana bilaði. Maðurinn átti tæplega 500 kílómetra eftir á áfangastað þegar hann ákvað að í staðinn fyrir að hringja á bifvélavirkja, myndi hann bakka á leiðarenda. Hinn 22ja ára ökumaður hafði keyrt um 20 km afturábak þegar hann var stöðvaður af lögreglu á 60 km hraða.

Rummungsþjófar

Sigurbjörg sleppir erninum sínum

Haförninn Sigurörn sem hefur dvalið í Fjölskyldu- og húsdýragarðinum frá því í lok júní sl. fær nú brátt að njóta frelsisins á ný. Örninn hafði steypst ofan í lón en náði að koma sér að landi þar sem Sigurbjörg S. Pétursdóttir, ung stúlka úr Grundarfirði, handsamaði hann og kom honum, með góðri hjálp, undir hendur sérfræðinga.

Kjarnorkutilraun mun breyta 21.öldinni

Framkvæmi Norður Kóreumenn kjarnorkutilraunir mun það breyta 21. öldinni eins og við þekkjum hana segir Donald Rumsfeld varnarmálaráðherra Bandaríkjanna. Hann segir að ef verði af kjarnorku tilrauninni sýni það gagnleysi og veikleika alþjóðasamfélagsins og þess yrði ekki langt að bíða að önnur lönd komi sér upp kjarnavopnum.

Fimmta stúlkan jarðsett í dag

Fjórar stúlknanna sem skotnar voru af byssumanni í Amish skóla í Bandaríkjunum voru jarðsettar í gær. Götum í þorpinu Nickel Mines var lokað fyrir almennri umferð á meðan líkfylgdin fór um bæinn. Hún fór meðal annars framhjá heimili morðingjans Charles Roberts, en Amish fólkið hefur sýnt konu hans og börnum mikinn stuðning.

ÍE gerir hlé á lyfjaprófunum

Íslensk erfðagreining hefur ákveðið að gera hlé á prófunum á tilraunalyfi meðal bandarískra hjartasjúklinga, þar sem bæta þurfi framleiðsluferlið. ÍE hefur kynnt málið fyrir Bandaríska matvæla- og lyfjaeftirlitinu og vinnur nú að endurbótum á framleiðsluferli taflnanna.

Flugfélag Íslands til Eyja?

Vegagerðin á í samningaviðræðum við Flugfélag Íslands um að það taki að sér ríkisstyrkt flug milli Reykjavíkur og Vestmannaeyja. Landsflug hætti áætlunarflugi á leiðinni nýverið. Flugfélag Íslands sinnti flugleiðinni um árabil, eða þar til fyrir fimm árum þegar taprekstur varð til að því var hætt. Meginorsakir tapsins voru taldar samkeppni frá ríkisstyrktum ferjusiglingum milli lands og Eyja.

Rice átelur Íraka fyrir stjórnmálaágreining

Utanríkisráðherra Bandaríkjanna, Condoleezza Rice, varaði Írösk stjórnvöld við því í gær að þau yrðu nú þegar að finna lausn á stjórnmálaágreiningi sínum til að hemja aukið ofbeldið í landinu. Rice flaug óvænt til Íraks eftir heimsókn með ísraelskum ráðamönnum í Jerúsalem. Í Baghdad hitti hún forsætisráðherra landsins Nouri al-Maliki og aðra háttsetta menn úr stjórn hans.

Hastert biðst afsökunar

Dennis Hastert forseti bandarísku fulltrúadeildarinnar hefur beðist afsökunar vegna kynlífshneykslis fyrrum þingmanns Repúblikana, Marks Foleys. Hann segist hins vegar ekki ætla að segja af sér. Hastert neitar fréttum þess efnis að hann hafi vitað af kynlífsskilaboðum Foleys en ekki gripið í taumana. Hann segist fyrst hafa fengið vitneskju um málið á föstudag.

Möguleg virkjun í Skagafirði samþykkt

Gert verður ráð fyrir virkjun Héraðsvatna við Skatastaði og Villinganes í aðalskipulagi sveitarfélagsins sem samþykkt var af meirihluta sveitarstjórnar Skagafjarðar í gærkvöldi. Meirihlutann skipa fulltrúar Samfylkingarinnar og Framsóknarmanna. Minnihlutinn, Sjálfstæðsimenn og Vinstri grænir, greiddu atkvæði gegn tillögunni.

Nyhedsavisen: Upplagið aðeins hálft

Fréttablað Dagsbrúnar Nyhedsavisen kom út í fyrsta sinn í Danmörku í morgun og var upplagið hálf milljón. Blaðinu er dreift frítt í helstu borgum landsins. Fjölmiðlafræðingur sem dagblaðið Politiken fékk til að leggja mat á fyrsta eintakið gaf blaðinu einkunina 8 frá faglegu sjónarmiði. Honum fannst það þó heldur leiðinlegt.

ÍE gerir hlé á prófunum á tilraunalyfi

Íslensk erfðagreining hefur ákveðið að gera hlé á prófunum á tilraunalyfi meðal bandarískra hjartasjúklinga. Við reglubundnar leysnimælingar hafi komið í ljós að tíminn sem það tekur fyrir lyfið að losna úr töflum hafi lengst. Í tilkynningu frá félaginu segir að ekkert bendi til þess að þetta hafi haft áhrif á upptöku lyfsins hjá þátttakendum í rannsókninni, né á öryggi lyfsins.