Fréttir

Metur lánstraustið óbreytt

Matsfyrirtækið Standard og Poors metur lánstraust Landsvirkjunar óbreytt miðað við núverandi eignarhald en segir horfurnar neikvæðar vegna boðaðrar einkavæðingar.

Innlent 13.10.2005 18:49

Handtekin fyrir að misþyrma börnum

Lögreglan í Ísrael hefur handtekið barnapíu sem misþyrmdi sjö mánaða tvíburum sem hún átti að gæta. Foreldra barnanna grunaði að ekki væri allt með felldu þegar tvíburarnir urðu sinnulausir og hættu að brosa. Falin myndavél í stofunni staðfesti illan grun; barnapían barði börnin þegar þau trufluðu hana við sjónvarpsgláp. Barnapían játar á sig sakir og ber við ofsafengnum reiðiköstum.

Erlent 13.10.2005 18:49

Bauhaus til Íslands

Þýska lágvöruverslanakeðjan Bauhaus, sem verslar með byggingavörur, ætlar að opna stórverslun hér á landi eftir rúmt ár. Samkvæmt heimildum Morgunblaðsins hefur Bauhaus þegar tryggt sér lóð í Kópavogi fyrir um það bil 20 þúsund fermetra verslunarhús. Keðjan rekur 180 verslanir víða í Evrópu.

Viðskipti innlent 13.10.2005 18:49

Sjötíu prósenta vextir

Í Bretlandi hefur verið sett á markaðinn nýtt kreditkort sem ætlað er sérstaklega efnaminna fólki en sá galli er á gjöf Njarðar að sjötíu prósenta vextir eru á kortinu.

Erlent 13.10.2005 18:49

Beitti úðavopni á afgreiðslukonu

Eigandi Bettís við Borgarholtsbraut í Kópavogi var að vinna í fyrrakvöld þegar dökkklæddur ræningi með úðavopn ruddist inn og heimtaði peninga. Hann spreyjaði úðanum í andlit hennar. Sami ræninginn er talinn hafa verið verki í söluturninum Videospólunni við Holtsgötu í Reykjavík.

Innlent 13.10.2005 18:49

Kennarastarfið er hugsjón

Paloma Ruiz Martinez er nýkjörin í stjórn Félags grunnskólakennara. Hún er fædd og uppalin í Vestmannaeyjum þar sem spænskur faðir hennar og íslensk móðir búa. Paloma ákvað ung að verða kennari og lifir fyrir starfið. Hún segir kennara enn vera að jafna sig eftir verkfallið í vetur.

Innlent 13.10.2005 18:49

Vislandia selur þjónustu

Ilona Wilke, eigandi Vislandia, vísaði á GT verktaka og lögmann þeirra, Martein Magnússon, eða Fyrirtækjaskrána í Lettlandi þegar Fréttablaðið hafði samband við hana í Lettlandi í fyrradag.

Innlent 13.10.2005 18:49

Tvö rán framin í gærkvöld

Tvö rán voru framin á höfuðborgarsvæðinu í gærkvöldi og eru vísbendingar um að sami maður hafi verið á ferð í báðum tilvikum. Rétt fyrir klukkan tíu hótaði maður með hulið andlit afgreiðslustúlku í söluturni við Borgarholtsbraut og sprautaði á hana úr meisúðabrúsa, en úði úr þeim hálfblindar fólk. Síðan hrifsaði hann peninga úr peningakassanum og hljóp á brott.

Innlent 13.10.2005 18:49

Verðlaun fyrir rafræna skráningu

Landlæknisembættið hefur hlotið IcePro-verðlaunin 2005 fyrir innleiðingu rafrænna skráninga bólusetninga frá heilsugæslustöðvum.

Innlent 13.10.2005 18:49

Birtingin gæti verið lögbrot

Svo virðist sem birting myndbands á netinu þar sem ungur maður verður fyrir banvænni líkamsárás samrýmist ekki lögum um persónuvernd og meðferð persónuupplýsinga.

Innlent 13.10.2005 18:49

Gefur falska mynd

Starfsmenn Hagstofunnar reikna húsaleigu vegna eigin húsnæðis til gjalda en ekki tekna í neysluvöruverðsvísitölunni. Þetta veldur því að vísitalan sýnir verðbólgu upp á rúm fjögur prósent þegar hún er í raun aðeins um 2,5 prósent. </font /></b />

Innlent 13.10.2005 18:49

Iðnskólinn fær rausnarleg gjöf

Iðnskóli Reykjavíkur fékk að gjöf raflagnaefni til forritanlegra raflagna að andvirði 400 þúsund króna í tilefni hundrað ára afmæli skólans. Það var GIRA GmbH í Þýskalandi og S. Guðjónsson ehf., umboðsaðili GIRA á Íslandi sem gáfu skólanum gjöfina.

Innlent 13.10.2005 18:49

Ganga nærri mannréttindum

Breska ríkisstjórnin sætir gagnrýni vegna fyrirhugaðrar löggjafar sem veitir lögreglu aukin völd til að handtaka og halda grunuðum hryðjuverkamönnum. Stjórnarandstæðingar segja löggjöfina grafa undan  breska réttarkerfinu auk þess sem þingmönnum gefist ekki tími til að ræða frumvarpið, sem feli í sér grundvallarbreytingar á bresku dómskerfi.

Erlent 13.10.2005 18:49

Segist til í að segja af sér

Omar Karami, forsætisráðherra Líbanons, segist reiðubúinn að verða við kröfum stjórnarandstæðinga um að segja af sér, að því gefnu að þing landsins komist að samkomulagi um nýja stjórn. Fyrst ætlar hann þó að fara þess á leit við þingmenn að þeir greiði atkvæði um traust eða vantraust á stjórnina.

Erlent 13.10.2005 18:49

Hass og smygl á Reyðarfirði

Lögreglan á Eskifirði lagði í gær hald á fíkniefni og smyglvarning í vöruskemmu á Reyðarfirði um hádegisbilið í gær.

Innlent 13.10.2005 18:49

Skýrslutaka fyrir sunnan

Stjórnendur GT verktaka verða á næstunni kallaðir til skýrslutöku á vegum Sýslumannsins á Seyðisfirði.

Innlent 13.10.2005 18:49

Líkir fóstureyðingum við helför

Jóhannes Páll II páfi, sem þekktur er fyrir andstöðu sína við fóstureyðingar, líkir þeim við helför gyðinga í nýrri bók sem hann hefur sent frá sér. Hann segir að hvort tveggja séu afleiðingar þess að stjórnvöld setji sig upp á móti guðdómlegri forskrift, í báðum tilfellum undir merkjum lýðræðis.

Erlent 13.10.2005 18:49

Grimmdarverk í Austur-Kongó

Uppreisnarmenn myrtu rúmlega 60 manns, nauðguðu tugum og kveiktu í hundruðum húsa bænum Nyabiondo í Austur-Kongó seint á síðasta ári. Sendinefnd á vegum Sameinuðu þjóðanna greindi frá þessu í dag, en grimmdarverkin voru hluti af margra vikna deilum og ringulreið sem ríkti landinu.

Erlent 13.10.2005 18:49

Fargjald til Keflavíkur lækkar

Leigubílafargjaldið milli Reykjavíkur og Keflavíkur lækkar um rúmlega tvö þúsund krónur í haust þegar bílstjórar fá leyfi til að aka báðar leiðir með farþega.

Innlent 13.10.2005 18:49

Innrásin í Írak ólögleg

Ríkissaksóknari Bretlands varaði við því tveimur vikum áður en ráðist var inn í Írak að innrásin væri að öllum líkindum ólögleg og breska ríkið gæti verið ákært fyrir vikið.

Erlent 13.10.2005 18:49

Fjölmargir gabbaðir á Netinu

Fjöldi Íslendinga hefur orðið fórnarlamb skipulagðrar, alþjóðlegrar glæpastarfsemi, með því einu að láta gabba sig á Netinu.

Erlent 13.10.2005 18:49

Ræningi enn ófundinn

Tvö rán voru framin á höfuðborgarsvæðinu í gærkvöldi og eru vísbendingar um að sami maður hafi verið á ferð í báðum tilvikum. Hann er ófundinn þrátt fyrir mikla leit.

Innlent 13.10.2005 18:49

Snjóhvít jörð í Madríd

Borgaryfirvöld í Madríd á Spáni lýstu yfir neyðarástandi í gærmorgun en þá vöknuðu borgarbúar við að þykk snjóalög lágu yfir borginni og var varað við mikilli hálku á helstu þjóðvegum til og frá Madríd. Reyndist 15 sentimetra jafnfallinn snjór hafa lagst yfir stór svæði í fyrrinótt en slíkt er sjaldgæft þó ekki sé það einsdæmi.

Erlent 13.10.2005 18:49

Ormahreinsun, gelding og örmerking

Umhverfisráð Reykjavíkur hefur samþykkt reglur um kattahald og annað gæludýrahald.

Innlent 13.10.2005 18:49

Reyna að bjarga ungum dreng

Ástandið í Afganistan er grátlegt en þaðan berast þó stöku sinnum jákvæðar fréttir og hér er ein slík. Qudrat Ullah er fjórtán mánaða. Hann er með banvænan hjartagalla og foreldrar hans, sem búa við kröpp kjör í tjaldi í flóttamannabúðum í Kabúl, eygðu enga von um að bjarga lífi hans.

Erlent 13.10.2005 18:49

Segir sönnunarbyrði óeðlilega

Klúður í rannsókn lögreglu varð til þess að maður, sem sakaður var um manndrápstilraun var sýknaður í dag. Óeðlileg sönnunarbyrði, segir varalögreglustjóri.

Innlent 13.10.2005 18:49

Leitað að lífsmarki í rústum

Björgunarsveitarmenn leita nú í óða önn að lífsmarki í rústum eftir jarðskjálftann sem varð meira en fimm hundruð manns að bana í Íran í gær. Enn hafa ekki verið gefnar út tölur um mannfall í þrem afskekktustu þorpunum sem lentu í skjálftanum og því hætt við því að tala látinna muni hækka töluvert.

Erlent 13.10.2005 18:49

Sakar R-listann um lóðabrask

Guðlaugur Þór Þórðarsson, þingmaður Sjálfstæðisflokksins, sakaði Reykjavíkurlistann um að hagnast á lóðabraski í borginni við utandagskrárumræður um þróun íbúðaverðs.

Innlent 13.10.2005 18:49

Lækka ekki áfengisgjald

Sænska stjórnin frestaði að lækka áfengisgjaldið og hyggst ekki taka afstöðu til þess fyrr en í haust. Í fyrra gáfu stjórnvöld fyrirheit um að lækka áfengisgjaldið um 40 prósent í ár og hugðust með því draga úr innflutningi áfengis frá löndum þar sem áfengisverð er lægra en í Svíþjóð.

Erlent 13.10.2005 18:49

Allawi vill halda embættinu

Iyad Allawi, forsætisráðherra írösku bráðabirgðastjórnarinnar, tilkynnti í gær að hann hefði myndað nýtt bandalag sem berðist fyrir því að hann yrði áfram forsætisráðherra. Hann sagði markmið bandalagsins að berjast fyrir að við tæki ríkisstjórn sem hefði fulla trú á Írak og þeim viðhorfum sem það byggi á.

Erlent 13.10.2005 18:49