Fréttir

Þrír dæmdir fyrir líkamsárásir

Þrír menn um tvítugt voru í Héraðsdómi Reykjavíkur í dag dæmdir í þriggja mánaða skilorðsbundið fangelsi fyrir líkamsárásir. Mennirnir voru sakfelldir fyrir að ráðast að tveimur mönnum í miðbæ Reykjavíkur með spörkum og höggum. Annar þolendanna nefbrotnaði og marðist illa en hinn hlaut heilahristing og tognaði á kjálka, auk annarra áverka.

Innlent 13.10.2005 18:51

Breti fær fjórfaldan lífstíðardóm

Brennuvargur sem kveikti í hóteli í Birmingham í Englandi á páskum í fyrra, með þeim afleiðingum að fjórir gestanna, þrír karlar og ein kona, brunnu inni, var í dag dæmdur í fjórfalt lífstíðarfangelsi. Dómarinn sagði við brennuvarginn, sem er 31 árs fyrrverandi eiturlyfjaneytandi, að hann þyrfti að afplána að minnsta kosti 28 ár áður en hann gæti sótt um reynslulausn.

Erlent 13.10.2005 18:51

Bóluefni gegn reykingum

Bóluefni gegn reykingum hefur gefið betri raun en lyfleysa í frumrannsóknum breska líftæknifyrirtækisins Xenoxa Group. Næsta stig rannsókna á bóluefninu hefst á þessu ári.

Innlent 13.10.2005 18:51

Fylgi sjálfstæðismanna og Vg eykst

Fylgi Sjálfstæðisflokksins og Vinstri grænna eykst en fylgi annarra flokka minnkar, samkvæmt nýrri þjóðmálakönnun Félagsvísindastofnunar sem unnin var fyrir Morgunblaðið og birt er í blaðinu í dag. Fylgi Sjálfstæðisflokksins mælist nú 39,3%, en var tæplega 34% í síðustu alþingiskosningum. Fylgi Vinstri grænna eykst um nær helming og er nú 16,5%.

Innlent 13.10.2005 18:51

15,7% þingmanna heimsins konur

15,7% þingmanna heimsins eru konur. Það er fjórum prósentustigum meira en fyrir áratug en þróunin er alltof hæg. Þetta kemur fram í nýrri skýrslu alþjóðasamtaka þjóðþinga.

Innlent 13.10.2005 18:51

Lentu undir skriðdreka

Hjónin Knut og Elise Okkenhaug prísuðu sig sæl að komast heil frá því er skriðdreka var ekið yfir bíl þeirra á miðvikudagskvöld.

Erlent 13.10.2005 18:51

Tíðni húðæxla hefur tvöfaldast

Undanfarinn áratug hefur tíðni húðæxla tvöfaldast hér á landi. Foreldrum og forráðamönnum fermingarbarna hefur verið sent póstkort þar sem bent er á hætturnar sem fylgja því að ungt fólk fari í ljósabekki.

Innlent 13.10.2005 18:51

Gæsluvarðhald framlengt

Gæsluvarðhald yfir tveimur mönnum var framlengt í Héraðsdómi Reykjavíkur fyrir stundu. Mennirnir eru báðir grunaðir um aðild að stórum fíkniefnamálum.

Innlent 13.10.2005 18:51

Fyrrum framkvæmdastjóri dæmdur

Hæstiréttur hefur staðfest dóm Héraðsdóms Reykjavíkur yfir Karli Benediktssyni, fyrrverandi framkvæmdastjóra lífeyrissjóðsins Framsýnar. Karl er dæmdur í tíu mánaða skilorðsbundið fangelsi fyrir að hafa misnotað aðstöðu sína og stefnt fé sjóðsins í stórfellda hættu.

Innlent 13.10.2005 18:51

Dæmdur fyrir Balí-árásina

Múslímaklerkurinn Abu Bakhar Bashir var í nótt dæmdur í tveggja og hálfs árs fangelsi fyrir aðild sína að sprengjuárás í næturklúbbi á Balí árið 2002 sem varð 202 að bana. Bashir var hins vegar sýknaður af ákæru um að hafa skipulagt árásina.

Erlent 13.10.2005 18:51

Eldur í íbúðarhúsi á Kirkjubóli

Eldur kviknaði í íbúðarhúsinu á Kirkjubóli við Steingrímsfjörð rétt fyrir klukkan sjö í gærkvöldi. Slökkvilið Hólmavíkur var kallað út og tókst að slökkva eldinn á skömmum tíma. Talsverðar skemmdir urðu á innanstokksmunum vegna sóts og vatns.

Innlent 13.10.2005 18:51

66 manns fyrir rétti

Réttarhöld hófust í dag yfir sextíu og sex mannns í Angers í Frakklandi í einu stærsta kynferðisbrotamáli í sögu Frakklands. Hinir ákærðu, 39 karlar og 27 konur, eru sakaðir um allt frá því að hafa selt börn í vændi til barnanauðgana. 45 börn tengjast þessu máli.

Erlent 13.10.2005 18:51

Samskip í hóp hinna stærstu

"Þetta er vissulega afar stórt skref fyrir Samskip og stór biti að kyngja fjárhagslega en við erum fullir bjartsýni og teljum okkur hafa gert góð kaup," segir Ásbjörn Gíslason, forstjóri Samskipa erlendis, eftir að tilkynnt var að félagið hefði keypt hollenska gámafyrirtækið Geest North Sea Line.

Viðskipti innlent 13.10.2005 18:51

Gæslan æfir með dönsku varðskipi

Áhöfn danska varðskipsins Triton hélt sameiginlega æfingu með flugdeild Landhelgisgæslunnar á dögunum. Báðar þyrlur Landhelgisgæslunnar tóku þátt í æfingunni en sjaldgæft er að þær náist báðar á flugi í einu á mynd.

Innlent 13.10.2005 18:51

Reglurnar endurskoðaðar

Tollstjórinn í Reykjavík, Snorri Olsen, segir að það verði látið óáreitt að stjórnendur fyrirtækja og opinberra stofnana eigi olíuviðskipti erlendis án þess að borga opinber gjöld meðan olíunni er ekki dælt milli skipa eða í land.

Innlent 13.10.2005 18:51

Zippo-kveikjarar bannaðir í flugi

Bandarísk flugmálayfirvöld hafa bannað flugfarþegum að ferðast með Zippo-kveikjara. Talsmenn fyrirtækisins segjast miður sín.

Erlent 13.10.2005 18:51

Bílainnflutningur eykst um 30%

Innflutningur bifreiða jókst um rúm 30 prósent í fyrra miðað við árið 2003. Samkvæmt upplýsingum Umferðarstofu voru 16.500 bílar fluttir til landsins í fyrra en árið á undan voru 12.600 bílar fluttir til landsins.

Viðskipti innlent 13.10.2005 18:51

Vilja skjóta kóalabirni

Kóalabirnir og kengúrur eru sjálfsagt þekktustu dýrategundir Ástralíu. Íbúar Kengúrueyju hafa þó fengið nóg af kóalabjörnum og krefjast þess að fá að skjóta þá.

Erlent 13.10.2005 18:51

Ekki í stríð við olíufélögin

Landhelgisgæslan á að kaupa eldsneyti af Skeljungi og getur gert það í Reykjavík, á Austfjörðum og í Færeyjum. Þetta er í samræmi við rammasamning um eldsneytiskaup Landhelgisgæslunnar, Hafrannnsóknastofnunar og Flugmálastjórnar sem tók gildi 1. nóvember.

Innlent 13.10.2005 18:51

Ráðinn forstjóri Húsasmiðjunnar

Steinn Logi Björnsson, framkvæmdastjóri markaðs-og sölusviðs Flugleiða eða Icelandair, hefur verið ráðinn forstjóri Húsasmiðjunnar í stað Árna Haukssonar. Steinn Logi hefur störf 11. mars næstkomandi. Hann segist hlakka til að takast á við nýja starfið og segir fyrirtækið öflugt og eigendur þess metnaðarfulla.

Viðskipti innlent 13.10.2005 18:51

Samkeppnisstofnun varaði við sölu

Samkeppnisstofnun varaði við áhrifum af sölu grunnnets Landssímans fyrir fjórum árum. Stofnunin taldi það hafa alvarlegar afleiðingar ef ekki yrði gripið til hliðaraðgerða vegna símasölunnar.

Innlent 13.10.2005 18:51

Umsóknin ekki dregin til baka

Breska verslanakeðjan Iceland hefur ekki enn dregið umsókn sína til baka um einkaleyfi á orðinu Iceland í löndum Evrópusambandsins. Stjórnarformaður Iceland segir að það verði gert en lögmaður íslenskra hagsmunaaðila segist ekki hafa fengið staðfestingu á þessu hjá fyrirtækinu, þó svo að eftir því hafi verið leitað.

Innlent 13.10.2005 18:51

Fossett setti heimsmet

Auðkýfingurinn Steve Fossett setti heimsmet í gærkvöld þegar hann varð fyrsti maðurinn til að fljúga hnattflug einsamall, viðstöðulaust og án millilendingar eða eldsneytisáfyllingar. Richard Branson, stofnandi Virgin-samsteypunnar og félagi Fossetts í ævintýramennskunni, fjármagnaði flugið.

Erlent 13.10.2005 18:51

18 mánaða börn greind einhverf

Hægt er að greina einhverfu í börnum allt niður í átján mánaða aldur. Einn helsti sérfræðingur heims á þessu sviði segir það skipta gríðarlegu máli að börnin greinist sem fyrst.

Innlent 13.10.2005 18:51

Fossett að takast ætlunarverkið

Búist er við að flugkappinn og skátinn Steve Fossett lendi í Kansas í Bandaríkjunum eftir stutta stund. Takist það verður hann fyrstur manna til að fljúga einn í kringum hnöttinn án þess að millilenda.

Erlent 13.10.2005 18:51

Mjöll Frigg uppfyllir skilyrði

Klórverksmiðja Mjallar Friggjar á Akureyri uppfyllir í grunnatriðum kröfur og skilyrði sem sett eru, segir Alfreð Schiöth, sviðstjóri mengunarvarnasviðs Heilbrigðiseftirlits Norðurlands eystra. Verksmiðjan hefur verið flutt frá Kópavogi, þar sem ekki fékkst starfsleyfi, til Akureyrar.

Innlent 13.10.2005 18:51

Mest lesið