Enski boltinn

Enski boltinn

Fréttir, myndbönd og tölfræði úr ensku deildinni.

Leikirnir


    Fréttamynd

    Ferguson: Heinze fer ekki til Liverpool

    Sir Alex Ferguson, stjóri Manchester United, segir útilokað að varnarmaðurinn Gabriel Heinze verði seldur til erkifjendanna Liverpool. Rafa Benitez bauð United 6 milljónir punda í leikmanninn, sem er talið það verð sem United vill fá fyrir hann - en því var neitað umsvifalaust. "Ég get fullvissað alla um að Liverpool fær ekki Gabriel Heinze," sagði Alex Ferguson.

    Enski boltinn
    Fréttamynd

    West Ham svarar Joorabchian

    Forráðamenn West Ham blása á ummæli Kia Joorabchian frá því í gærkvöldi þegar hann sakaði félagið um að hafa svikið gefin loforð í máli framherjans Carlos Tevez. Félagið svaraði hinsvegar fullum hálsi í dag og segir að allir samningar sem Joorabchian hafi gert við West Ham um leikmanninn hafi verið við fyrrum stjórnarmenn félagsins og fullyrða að leikmaðurinn sé að fullu samningsbundinn félaginu.

    Enski boltinn
    Fréttamynd

    John Terry tábrotinn

    Varnarmaðurinn John Terry, fyrirliði Chelsea og enska landsliðsins, tábrotnaði í æfingaleik Chelsea og Suwon Bluewings í fyrrakvöld. Ekki er vitað hvort Terry verður lengi frá vegna þessa, en reiknað er með því að hann verði búinn að ná sér fyrir vináttuleik Þjóðverja og Englendinga þann 22. ágúst.

    Enski boltinn
    Fréttamynd

    Pearce tekur formlega við U-21 liði Englendinga

    Enska knattspyrnusambandið hefur gengið frá formlegum samningi við Stuart Pearce um að þjálfa U-21 árs landslið Englendinga. Pearce var fenginn til að taka við liðinu í hlutastarfi í janúar, en hefur síðan verið rekinn frá Manchester City. Hann stýrði landsliðinu í undanúrslit á Evrópmótinu í síðasta mánuði.

    Enski boltinn
    Fréttamynd

    Lee Hendrie skrifar undir hjá Sheffield United

    Sheffield United hefur tryggt sér Lee Hendrie frá Aston Villa. Leikmaðurinn var með lausan samning og fer því frítt til Sheffield United. Hendrie skrifaði undir þriggja ára samning við félagið, en liðið féll úr Úrvalsdeildinni á síðasta tímabili.

    Enski boltinn
    Fréttamynd

    Ian Wright tilbúinn að halda með Tottenham

    Arsenal goðsögnin Ian Wright segist alveg geta hugsað sér að sitja á White Hart Lane og styðja Tottenham ef sonur hans Shaun Wright-Phillips gengur í raðir liðsins frá Chelsea eins og greint hefur verið frá í bresku blöðunum.

    Enski boltinn
    Fréttamynd

    Fabregas vill verða fyrirliði Arsenal

    Spænski miðjumaðurinn Cesc Fabregas hefur undirstrikað skuldbindingu sína við Arsenal með því að óska eftir því að fá að gerast fyrirliði liðsins í framtíðinni. Fabregas hefur nú lofað að einbeita sér að fullu að Arsenal eftir að hafa verið orðaður við Real Madrid í allt sumar.

    Enski boltinn
    Fréttamynd

    Slúðrið á Englandi í dag

    Arjen Robben hjá Chelsea er eðlilega sá maður sem mest er talað um í slúðrinu á Englandi í dag, enda er talið að hann gangi í raðir Real Madrid á næstu dögum. The Sun segir að Real muni bjóða honum sex ára samning sem muni borga honum 24 milljónir punda í laun.

    Enski boltinn
    Fréttamynd

    City neitaði tilboði Besiktas í Vassell

    Sven-Göran Eriksson og félagar hjá Manchester City neituðu í dag kauptilboði tyrkneska félagsins Besiktas í framherjann Darius Vassell. Þetta er talið benda til þess að Vassell muni spila stórt hlutverk hjá Eriksson á næstu leiktíð, en hann var aðallega notaður sem útherji á síðustu leiktíð og náði sér aldrei á strik í markaskorun fyrir vikið.

    Enski boltinn
    Fréttamynd

    FIFA kallað til í Tevez-deilunni

    David Gill, framkvæmdastjóri Manchester United, hefur ákveðið að kalla á Alþjóða Knattspyrnusambandið til að reyna að fá leyst úr hnútnum sem myndast hefur í máli framherjans Carlos Tevez. Manchester United er að reyna að kaupa leikmanninn frá West Ham, en ef svo fer sem horfir stefnir í að ekki náist að klára kaupin fyrir 31. ágúst sem er síðasti dagur félagaskipta á Englandi.

    Enski boltinn
    Fréttamynd

    Faubert gæti misst af fyrstu leikjum West Ham

    Franski miðjumaðurinn Julien Faubert hjá West Ham gæti misst af fyrstu leikjum West Ham í ensku úrvalsdeildinni eftir að hafa meiðst illa á ökkla í æfingaleik liðsins í Austurríki í gær. Faubert er 23 ára gamall og átti að verða lykilmaður í liði Alan Curbishley á næstu leiktíð eftir að hann var keyptur á 6,1 milljón punda frá Bordeux.

    Enski boltinn
    Fréttamynd

    Voronin byrjar vel með Liverpool

    Framherjinn Andriy Voronin stal senunni í gær þegar hann skoraði tvö mörk í sigri Liverpool á Werder Bremen í æfingaleik og féllu þeir Fernando Torres og Ryan Babel þar með alveg í skuggann. Michael Owen skoraði sitt fyrsta mark fyrir Newcastle í 19 mánuði þegar liðið lagði Hartlepool 3-1 og Didier Drogba skoraði sigurmark Chelsea í 1-0 sigri á Bluewings frá Kóreu í Kaliforníu.

    Enski boltinn
    Fréttamynd

    Cannavaro neitaði Chelsea

    Ítalski miðvörðurinn Fabio Cannavaro hjá Real Madrid hefur neitað að ganga í raðir Chelsea á Englandi, en honum stóð það til boða á dögunum að sögn umboðsmanns leikmannsins. Cannavaro er 33 ára gamall og þykir framtíð hans hjá Real ótrygg eftir að landi hans Fabio Capello var látinn taka pokann sinn á dögunum.

    Enski boltinn
    Fréttamynd

    Robben hefur samþykkt samningstilboð Real Madrid

    Hollenski landsliðsmaðurinn Arjen Robben hjá Chelsea hefur samþykkt að ganga í raðir Real Madrid og hefur þegar samþykkt samningstilboð frá félaginu. Chelsea og Real Madrid hafa þó enn ekki komist að samkomulagi um kaupverðið. Þetta kemur fram á vef breska sjónvarpsins.

    Enski boltinn
    Fréttamynd

    Santa Cruz vill ólmur fara til Englands

    Framherjinn Roque Santa Cruz hjá Bayern Munchen vill helst af öllu spila í ensku úrvalsdeildinni að sögn umboðsmanns leikmannsins. Santa Cruz gerði gott mót með landsliði sínu á Copa America á dögunum, en hann er ekki inni í myndinni hjá forráðamönnum Bayern á næstu leiktíð.

    Enski boltinn
    Fréttamynd

    Wright-Phillips orðaður við Tottenham

    Nokkur bresku blaðanna halda því fram í dag að kantmaðurinn Shaun Wright-Phillips hjá Chelsea sé á leið til Tottenham fyrir um 12-14 milljónir punda í vikunni. Sagt er að viðræður milli félaganna séu komnar langt á veg, en af þessum kaupum yrði hjá Tottenham myndi það þýða að félagið væri búið að eyða hátt í 50 milljónum punda til leikmannakaupa í sumar.

    Enski boltinn
    Fréttamynd

    Tevez bannað að fara í læknisskoðun

    Argentínumaðurinn Carlos Tevez mun ekki fara í læknisskoðun hjá Manchester United á morgun eftir að West Ham neitað að gefa grænt ljós á að hann færi í skoðunina. Mál Tevez er því enn langt frá því að leysast þar sem United, West Ham, MSI-fyrirtækið og enska úrvalsdeildin deila um fyrirhuguð félagaskipti hans til Manchester.

    Enski boltinn
    Fréttamynd

    Torres spilar sinn fyrsta leik í kvöld

    Spænski framherjinn Fernando Torres hjá Liverpool spilar væntanlega sinn fyrsta leik með liðinu í kvöld þegar liðið mætir Werder Bremen í æfingaleik í Sviss. Torres á raunar við ökklameiðsli að stríða en þau eru ekki talin alvarleg. Til greina kemur að hann verði í framlínunni með öðrum nýjum framherja liðsins, Andriy Voronin.

    Enski boltinn
    Fréttamynd

    Geovanni til Manchester City

    Manchester City gekk í dag frá samningi við brasilíska miðjumanninn Geovanni sem var með lausa samninga hjá Cruzeiro í heimalandi sínu. Geovanni þessi er 27 ára gamall og lék áður með Barcelona og Benfica. Hann á að baki fimm landsleiki og hefur skrifað undir eins árs samning við City. Hann er þriðji maðurinn sem Sven-Göran Eriksson kaupir til félagsins á einni viku auk þeirra Rolando Bianchi og Gelson Fernandes.

    Enski boltinn
    Fréttamynd

    Wilhelmsson orðaður við Bolton

    Sænskir fjölmiðlar greina frá því í dag að enska úrvalsdeildarfélagið Bolton sé nú líklegast til að landa útherjanum Christian Wilhelmsson frá Nantes í Frakklandi. Landsliðsmaðurinn sænski náði sér aldrei á strik í Frakklandi en átti ágæta leiktíð sem lánsmaður með Roma á síðasta tímabili.

    Enski boltinn
    Fréttamynd

    Heinze sagður á leið til Liverpool

    Argentínski varnarmaðurinn Gabriel Heinze stefnir á að verða fyrsti leikmaðurinn í 43 ár sem seldur er beint milli erkifjendanna Manchester United og Liverpool á Englandi. Sir Alex Ferguson segir að leikmaðurinn muni líklega fara frá United í sumar, en bresku blöðin segja þó að hann vilji ólmur losna við hann frá Englandi í stað þess að sjá hann fara til Liverpool. Heinze er sagður með klausu í samningi sínum sem leyfi honum að fara ef í hann kemur 6 milljón punda tilboð.

    Enski boltinn
    Fréttamynd

    Anelka skoraði tvívegis í sigri Bolton

    Nicolas Anelka var í stuði í dag þegar Bolton tryggði sér sæti í úrslitaleiknum í Friðarbikarnum í Suður-Kóreu með 2-1 sigri á Santander frá Spáni. Spænska liðið náði forystunni í fyrri hálfleik með marki Albendea, en Anelka skoraði tvö mörk á níu mínútna kafla í þeim síðari og tryggði Bolton sigurinn. Tottenham tók þátt í þessu móti fyrir hönd Englendinga í fyrra og sigraði á mótinu.

    Enski boltinn
    Fréttamynd

    Chelsea ætlar að fara varlega með Cole

    Jose Mourinho stjóri Chelsea, segir félagið ætla að fara mjög varlega með bakvörðinn Ashley Cole á næstu vikum eftir að varamaður hans Wayne Bridge meiddist á mjöðm og verður frá í tvo mánuði. Cole er sjálfur að stíga upp úr langvarandi meiðslum.

    Enski boltinn
    Fréttamynd

    Flutningur í vændum hjá Everton?

    Framkvæmdastjóri enska knattspyrnufélagsins Everton segir að félaginu standi til boða tilboð aldarinnar til að byggja nýjan leikvöll sem staðsettur yrði í Kirkby, nokkuð fyrir utan Liverpoolborg. Leikvangurinn yrði að stórum hluta fjármagnaður af Tesco verslunarkeðjunni og tæki 50-55,000 manns í sæti.

    Enski boltinn
    Fréttamynd

    Framtíð Drogba óráðin

    Framherjinn Didier Drogba hefur látið í það skína í viðtölum að hann sé jafnvel að hugsa sér að fara frá Chelsea. Vitað er að hann er eftirsóttur af stórliðum Evrópu og í viðtali við The Sun í dag segir markaskorarinn framtíð sína óráðna með öllu.

    Enski boltinn
    Fréttamynd

    United gerði jafntefli við japönsku meistarana

    Manchester United spilaði í dag æfingaleik við japönsku meistarana í Urawa Reds og lauk leiknum með jafntefli 2-2. Darren Fletcher og Cristiano Ronaldo skoruðu mörk enska liðsins fyrir framan rúmlega 58,000 áhorfendur í Tókíó. Heimamenn jöfnuðu leikinn í 2-2 á 78. mínútu eftir að hafa náð forystu snemma leiks.

    Enski boltinn
    Fréttamynd

    Beckham tæpur gegn Chelsea

    Óvíst er hvort David Beckham geti spilað með LA Galaxy þegar það mætir Chelsea í æfingaleik á laugardaginn. Leiksins hafði verið beðið með mikilli eftirvæntingu í Bandaríkjunum því hann átti að vera frumraun Beckham með liði sínu LA Galaxy. Ökklameiðsli Beckhams hafa tekið sig upp að nýju og hefur hann lítið geta beitt sér á æfingum enn sem komið er.

    Enski boltinn
    Fréttamynd

    Mido hugsanlega á leiðinni til Birmingham

    Egypski framherjinn Mido, er á leiðinni til Birmingham frá Tottenham á láni í eitt ár. Þetta segir hann við vefsíðuna FilGoal í heimalandi sínu. Mido hefur færst aftar í goggunarröðinni hjá Tottenham vegna komu Darren Bent frá Charlton.

    Enski boltinn
    Fréttamynd

    Húsleit hjá Newcastle, Portsmouth og Rangers í morgun

    Lögreglan í Englandi gerði húsleit hjá þremur knattspyrnuliðum, Newcastle, Portsmouth og Rangers í morgun vegna gruns um spillingu. Lögreglan staðfestir að húsleitir hafi verið framkvæmdar í morgun, en tekur fram að málið tengist ekki skýrslu Stevens lávarðs.

    Enski boltinn

    Mest lesið