Rekstur ÍLS mikið „umhugsunarefni“

"Rekstur og tilvist Íbúðalánasjóðs hlýtur að vera umhugsunarefni fyrir Íslendinga. Alkunna er að sjóðurinn er illa staddur, svo ekki sé meira sagt, hann er rekinn með aðfinnsluverðri ríkisábyrgð, en býður þrátt fyrir það lökust kjör á markaði og það virðist taka sjóðinn heila eilífð að bjóða þær vörur sem markaðurinn kallar eftir,“ segir Helgi Teitur Helgason, framkvæmdastjóri viðskiptabanka hjá Landsbankanum hf., í grein í Fréttablaðinu í dag um starfsemi Íbúðalánasjóðs og þá gagnrýni sem komið hefur frá Sigurði Erlingssyni, framkvæmdastjóra ÍLS, um óverðtryggð lán bankanna.

Fasteignaviðskipti jukust um 19% milli ára í maí

Fasteignaviðskipti jukust um 19.1% á höfuðborgarsvæðinu í maímánuði samanborið við maí í fyrra. Veltan í þessum viðskiptum jókst um 22,1% milli ára.

Tæplega 3.000 íbúðir í eigu lánadrottna

Tæplega 3.000 íbúðir eru nú í eigu lánadrottna, þ.e. Íbúðalánasjóðs, bankanna, sparisjóða og lífeyrissjóða. Þar af á Íbúðalánasjóður um 2.000 íbúðir, Arion banki, Landsbankinn og Íslandsbanki 633 (miðað við stöðuna í lok árs 2011), slitastjórn Frjálsa fjárfestingabankans (Drómi) 217, sparisjóðir 17 íbúðir og lífeyrissjóðir 32.

Enn eitt farþegametið hjá Icelandair

Icelandair setti enn eitt farþegametið í maí s.l. Þá flutti félagið yfir 165 þúsund farþega í millilandaflugi og voru þeir 22% fleiri en í maí á síðasta ári. Sætanýting nam 82,2% og jókst um 5,0 prósentustig á milli ára.

Eignir lífeyrissjóðanna orðnar 2.238 milljarðar

Eignir lífeyrissjóðann halda áfram að aukast. Þær námu 2.238 milljörðum kr. í lok apríl s.l..og hækkuðu um 21,3 milljarða kr. frá mars eða um 1%.

Greiða ekki krónu fyrir kauprétt - fá hundruð milljóna á silfurfati

Lykilstjórnendum Eimskipafélagsins mun bjóðast að eignast hluti í félaginu á umtalsvert lægra gengi en reiknað er með að verði fyrir hendi þegar félagið verður skráð á markað í september. Hlutur þeirra gæti orðið milljarða virði.

Saga Capital í slitameðferð

Saga Capital hf., sem lengi vel var fjárfestingabanki, hefur verið tekið til slitameðferðar og félaginu skipuð slitastjórn. Þetta gerist í kjölfar þess að Héraðsdómur Norðurlands eystra úrskurðaði að krafa Fjármálaeftirlitsins (FME) um að félagið yrði tekið til slitameðferðar væri réttmæt. Kröfulýsingarfrestur er til 24. ágúst næstkomandi. Þetta kemur fram í innköllun sem birtist í Lögbirtingarblaðinu á mánudag. Í slitastjórn voru skipaðir Ástráður Haraldsson, Arnar Sigfússon og Sigrún Guðmundsdóttir.

Keldan kaupir Vaktarann af CLARA ehf.

Keldan ehf., sem á og rekur vefinn Keldan.is ásamt Dagatali Viðskiptalífsins hefur keypt Vaktarann af CLARA ehf.

Fer í nauðasamninga á næstu mánuðum

Kaupþing mun fara í nauðasamningsferli á allra næstu mánuðum. Stefnt er að því að leggja fram nauðasamning eins fljótt og auðið er á þriðja ársfjórðungi ársins 2012. Sá ársfjórðungur hefst 1. júlí næstkomandi. Eftir nauðasamninginn verður Kaupþing íslenskt eignarhaldsfélag í eigu, og undir stjórn, almennra kröfuhafa bankans. Þeir eru að langstærstu leyti erlendir aðilar. Einnig er mögulegt að sérstakt

Ferðamenn eyða minna en árið 2007

Hver einstakur erlendur ferðamaður eyddi jafn miklu hérlendis í fyrra og hann gerði árið 2009. Eyðsla á hvern ferðamann dróst saman um rúm sex prósent frá árinu 2010 ef miðað er við fast verðlag. Eyðsla ferðamanna hefur minnkað frá árinu 2007 ef tekið er tillit til falls krónunnar gagnvart helstu gjaldmiðlum. Þetta kemur fram í tölum um árlega kortaveltu erlendra ferðamanna sem DataMarket tók saman fyrir Markaðinn.

Gistinóttum fjölgaði um 10% milli ára í apríl

Gistinætur á hótelum í apríl voru um 120.700 samanborið við 109.300 í apríl í fyrra. Þetta er aukning um 10% milli ára.

Björgólfur Thor ætlar að taka þátt

LSR selur í Bakkavör vegna óánægju

Lífeyrissjóður starfsmanna ríkisins, LSR, hefur selt allan eignarhlut sinn í Bakkavör Group. Barst LSR tilboð í eignarhlutinn eftir að hugmyndir um hlutafjáraukningu Bakkavarar voru kynntar en LSR lagðist gegn samþykkt á hluthafasamkomulagi sem byggði á hugmyndunum og var samþykkt á hluthafafundi 23. maí. LSR hafði þó þegar selt hlutinn þegar fundurinn fór fram.

Greining Íslandsbanka ráðleggur sölu á Hagabréfum

Greining Íslandsbanka ráðleggur fjárfestum að selja hlutabréf í Högum, rekstraraðila Bónus og Hagkaupa, í greiningu frá 25. maí sl. Í fyrirtækjagreiningu bankans á Högum á þeim tíma kemur fram að verðmatsgengið í greiningunni á félaginu sé 17, en í lok dags 25. maí var gengið 18,95. Ráðgjöfin til fjárfesta er því að selja bréfin.

Tækifærin fólgin í að fá ferðamenn til þess að eyða meira

Háannatímabil ferðaþjónustunnar er nú að hefjast en næstum helmingur allra ferðamanna sem heimsækir Ísland ár hvert kemur til landsins yfir sumarmánuðina. Gögn frá Datamarket sýna að tækifærin í ferðaþjónustunni séu ekki endilega fólgin fjölgun ferðamanna, heldur frekar að fá þá til þess að eyða meiru.

Óákveðið hverjir fá kauprétt hjá Eimskip

Ekki hefur endanlega verið ákveðið hvaða lykilstjórnendur Eimskipafélagsins munu fá kauprétt á hlutum í félaginu. Virði þessa fornfrægafélags er metið á tugi milljarða, ríflega þremur mánuðum áður en það verður skráð á markað.

FME samþykkir ferli WDI um kaup á hlutafé Össurar hf.

Fjármálaeftirlitið (FME) hefur samþykkt það ferli sem danska félagið William Demant Invest (WDI) ætlar að nota til að gera öðrum hluthöfum í Össuri hf. valfrjálst tilboð í alla hluti þeirra.

Afgangur af vöruskiptum hrundi í maí

Afgangur af vöruskiptum landsins hrundi í maí s.l. Afgangurinn nam aðeins 200 milljónum króna en í maí í fyrra nam hann 6,8 milljörðum króna. Frá hruni hefur afgangur af vöruskiptum ætíð mælst í milljörðum en ekki milljónum í hverjum mánuði.

Valitor vísitalan hækkaði um 5,2% milli ára í maí

Valitor vísitalan hækkaði um 5,2% í maí s.l. samanborið við maí í fyrra. Valitor birtir mánaðarlega samanburð á veltutölum milli ára sem sýna breytingar á tilteknu tímabili á notkun íslenskra Visa kreditkorta.

Landsbankinn selur 2% hlut í Hampiðjunni

Landsbankinn hefur selt 2% hlut í Hampiðjunni að undangengnu útboði sem lauk í gærdag að því er segir í tilkynningu til Kauphallarinnar.

Gjaldeyrisveltan tæpir 15 milljarðar í maí

Velta á millibankamarkaði með gjaldeyri nam nær 14,8 milljörðum kr. í maí s.l. sem er 145,6% aukning frá fyrra mánuði.

91 samningi þinglýst á viku

Alls var 91 kaupsamningi þinglýst á höfuðborgarsvæðinu á milli 25. og 31. maí. Á vef Þjóðskrár segir að 65 samningar hafi verið um eignir í fjölbýli, 23 um sérbýli og þrír um aðrar eignir en íbúðarhúsnæði.

Lagaleg umgjörð endurskoðunar óljós

Lagaleg staða endurskoðunar er um margt óljós þar sem alþjóðlegir endurskoðunarstaðlar hafa ekki verið innleiddir í íslensk lög. ,,Þetta er óheppilegt, svo vægt sé til orða tekið," sagði Óttar Pálsson hæstaréttarlögmaður á fundi um ábyrgð endurskoðenda á föstudag.

Lykilstjórnendur fá hundruð milljóna í vasann

Lykilstjórnendur Eimskipafélagsins fá kauprétt að hlut í félaginu sem nemur þremur og hálfu prósenti af heildarhlutafé félagsins. Virði þess hlutar hleypur a.m.k. á hundruðum milljóna króna, en til stendur að skrá félagið á markað síðar á þessu ári.

Umboðsmaður skuldara myndi fagna breytingum sem hraða málum

"Að sjálfsögðu vildi ég sjálf að þetta gengi hraðar fyrir sig," segir Ásta Sigrún Helgadóttir, umboðsmaður skuldara um verkefni embættisins. Jóhanna Sigurðardóttir lýsti yfir ákveðnum vonbrigðum með hægagang hjá umboðsmanni skuldara á Alþingi í dag og taldi fulla ástæðu til að kanna hvort mætti endurskoða starfsemi embættisins.

Friðfinnur Ragnar neitar sök í innherjamáli

Friðfinnur Ragnar Sigurðsson, fyrrverandi framkvæmdastjóri fjárstýringar Glitnis, lýsti yfir sakleysi sínu í dag, þegar mál sérstaks saksóknara gegn honum var þingfest í Héraðsdómi Reykjaness. Friðfinnur er ákærður fyrir innherjasvik, en honum er gefið að sök í ákæru að hafa selt hlutabréf sín í Glitni fyrir um 20 milljónir, er hann vissi um að bága stöðu bankans.

ÍLS býður upp á óverðtryggð lán síðsumars

Íbúðalánasjóður hyggst hefja lánveitingar á óverðtryggðum lánum í lok sumars, en endanleg útfærsla á þeim lánum liggur ekki fyrir. Framkvæmdastjóri sjóðsins segir að fólk þurfi að vera meðvitað um að óverðtryggð geti reynst þung í skauti fyrir þá sem hafa spennt bogann hátt.

Skúli: Bensínlækkunin skref í rétta átt

Íslensk olíufélög hafa lækkað verð á bensínu um allt að 5 krónur síðan fyrir helgi. "Það er skref í rétta átt, en þetta brúar engan veginn það bil sem ég var að tala um," segir Skúli Helgason, þingmaður Samfylkingar, sem hefur bent á að álagning íslenskra olíufélaga sé allt að tvöfalt hærri en þekkist á norðurlöndunum.

Endurskipulagning hjá Fasteign, leiga lækkar um 50%

Hluthafafundur Eignarhaldsfélagsins Fasteignar hf. hefur samþykkt samkomulag milli félagsins og kröfuhafa þess er varðar fjárhagslega endurskipulagningu. Leigugreiðslur munu lækka um allt að 50% fyrstu árin eftir Þessa endurskipulagningu.

Iceland Express á réttum tíma

Allar ferðir Iceland Express voru á réttum tíma í fyrri hluta maímánaðar. Seinni tvær vikurnar voru allar brottfarir á tíma og aðeins einni komu seinkaði, eftir því sem fram kemur á vef Túrista.

SUS vill að ríkið selji Landsvirkjun

Stjórn Sambands ungra sjálfstæðismanna (SUS) vill að ríkið selji Landsvirkjun og hætti ekki frekari skattpeningum í áhættusamar fjárfestingar í orkugeiranum.

Kýpur í miklum efnahagsvanda

Kýpur er í miklum efnahagsvanda og færist nær því að þiggja hjálp úr björungarsjóðum Evrópusambandsins og Alþjóðagjaldeyrissjóðsins, að því er greint var á vefsíðu breska ríkisútvarpsins BBC.

Samningaviðræður um dýrasta hótel landsins langt komnar

Samningaviðræður við forsvarsmenn svissnesks fjárfestingafélags um byggingu hótelbyggingar við tónlistar- og ráðstefnuhúsið Hörpu eru langt komnar, en Marriot-hótelið sem rísa mun á svæðinu, verður langdýrasta hótel landsins.

Íbúðalánasjóður á hausinn ef húsnæðislán verða lækkuð um 20 prósent

Íbúðalánasjóður yrði gjaldþrota og ríkið þyrfti að leggja sjóðnum til meira en hundrað milljarða ef húsnæðislán yrðu lækkuð um tuttugu prósent.

Skúli og Baldur ætla að þjóna farþegum

Tveir helstu stjórnendur WOW Air, Skúli Mogensen stjórnarformaður og Baldur Oddur Baldursson forstjóri, þjónuðu flugfarþegum í jómfrúarflugi félagsins til Parísar á fimmtudagsmorgun.

Vafi á fordæmisgildi gengislánadóms Hæstaréttar eykst

Héraðsdómur Vesturlands komst 22. maí síðastliðinn að þeirri niðurstöðu að Arion banka hefði verið heimilt að endurreikna gengislán aftur í tímann samkvæmt vöxtum Seðlabankans þrátt fyrir að fullnaðarkvittanir hafi legið fyrir vegna afborgana.

Kannast ekki við íhlutun ESB

Efnahags- og viðskiptaráðuneyti kannast ekki við að ESB hafi blandað sér með beinum hætti "með fjármunum og þátttöku sendiherra og sendiráðs“ í umræður um áhrif ESB-aðildar í hans málaflokkum.

19 milljónir í ESB umfjöllun

EvrópumálAlþingi hefur úthlutað styrkjum að upphæð 19 milljónir króna til að stuðla að „opinberri og upplýstri umræðu og fræðslu" um ESB. Styrkjum er skipt jafnt milli ESB-sinna og ESB-andstæðinga.

Hættir milligöngu um meðlagsgreiðslur

Tryggingastofnun ríkisins mun ekki lengur hafa milligöngu um greiðslu meðlags til einstaklinga sem eru búsettir í öðrum EES-ríkjum. Í frétt á vef Tryggingastofnunar segir að um 45 einstaklinga sé að ræða.

Undrandi á að ullin sé send út til Kína

Þórir N. Kjartansson fráfarandi framkvæmdastjóri Víkurprjóns er undrandi á því að íslensk ull sé send til útlanda til framleiðslu á lopapeysum. „Það er ekki vöntun á handprjónuðum lopapeysum á Íslandi,“ segir Þórir. Þórir telur að gróðavon og græðgi stjórni því að menn flytji ullina til útlanda til framleiðslu:

Allir vildu hækka vexti

Samhljómur var í peningastefnunefnd Seðlabankans um að myndarleg hækkun vaxta væri nauðsynleg við síðustu vaxtaákvörðun nefndarinnar þann 16. maí. Einn nefndarmaður vildi hækka vexti um 0,75 prósentur en fjórir um 0,5 prósentur. Þetta kemur fram í fundargerð nefndarinnar vegna vaxtaákvörðunarinnar. Í fundargerðinni kemur einnig fram að versnandi verðbólguhorfur voru meginrökin fyrir hækkun vaxta. Hækkun myndi styðja við gengi krónunnar og stemma stigu við verðbólguþrýstingi frá vinnumarkaði.- mþl

Ábyrgur vegna skuldar - ekki kynnt greiðslumat

Héraðsdómur Reykjavíkur komst í dag að þeirri niðurstöðu að fasteignarveðsetning ábyrgðarmanns vegna skuldar fyrrverandi tengdarsonar síns væri ekki ógild þrátt fyrir að ábyrgðarmanninum hefði ekki verið kynnt greiðslumat á skuldara.

Hiti á alþingi vegna kvótamálsins

Þingmenn stjórnarandstöðunnar sökuðu stjórnarliða um forkastanleg vinnubrögð í kvótamálinu á alþingi í morgun. Önnur umræða um frumvarp um breytingar á veiðigjöldum hófst í dag þrátt fyrir mótmæli framsóknar- og sjálfstæðismanna. Atvinnuveganefnd Alþingis afgreiddi frumvarp um breytingar á veiðgjöldum úr nefnd á þriðjudag. Önnur umræða um málið hófst svo á þriðja tímanum í dag.

Jarðgangaframkvæmdum verði flýtt í krafti veiðigjalda

Miðað við samgönguáætlun sem nú er til afgreiðslu á Alþingi verður framkvæmdum við Norðfjarðargöng flýtt um eitt og hálft ár og Dýrafjarðargöngum um tvö og hálft ár. Þetta verður mögulegt þar sem hluta sérstaks veiðigjalds verður varið til samgöngumála, nánar tiltekið 2,5 milljörðum króna á ári allt fram til ársins 2022.

"Mótum framtíðina" - Kauphöllin opnar nýja vefsíðu

Kauphöllin (NASDAQ OMX Iceland) hefur opnað nýja vefsíðu á bæði íslensku og ensku. Vefsíðan eru hluti af átakinu "Mótum framtíðina" en hún er ætluð sem upplýsingasíða fyrir innlenda sem erlenda fjárfesta, fyrirtæki og áhugafólk um íslenska markaðinn.