Kýpur í miklum efnahagsvanda

Kýpur er í miklum efnahagsvanda og færist nær því að þiggja hjálp úr björungarsjóðum Evrópusambandsins og Alþjóðagjaldeyrissjóðsins, að því er greint var á vefsíðu breska ríkisútvarpsins BBC.

Forseti Kýpur, Demetris Christofias, sagði í viðtölum um helgina að mögulega þyrfti Kýpur að leita hjálpar vegna vaxandi erfiðleika, vegna mikilla skulda og slaka í hagkerfinu. Þá er fjármálakerfi landsins fallvalt vegna mikillar áhættu sem tengd er Grikklandi, en lán banka í Kýpur til Grikklands nema um 23 milljörðum evra, eða sem nemur ríflega 3.700 milljörðum króna. Rílega 1,1 milljóna manna býr í Kýpur, og því er áhættan sem tengist Grikklandi hlutfallslega mjög mikil.

Sjá má umfjöllun BBC um vanda Kýpur hér.