Actavis undirbýr næsta yfirtökuslag

Merck hefur lýst því yfir að samheitalyfjahluti þess sé til sölu. Söluverð hefur ekki verið gefið upp en í erlendum fjölmiðlum hefur upphæðin fjórir til fimm milljarðar evra verið nefnd. Það samsvarar 360 til 450 milljörðum króna. Til samanburðar greiddi bandaríski lyfjarisinn Barr um 2,5 milljarða dala fyrir króatíska samheitalyfjafyrirtækið Pliva, sem Actavis missti af í yfirtökubaráttu í fyrrahaust. Það nemur um 175 milljörðum króna.

Nýir menn í stjórn

Viðskiptaráð áfrýjunarréttar í Amsterdam í Hollandi hefur skipað þrjá nýja menn í stjórn Stork N.V. fyrirtækjasamstæðunnar í kjölfar deilna stjórnarinnar við stærstu hluthafa. Eftir breytinguna verða átta í stjórn í stað fimm og hafa nýju mennirnir úrslitavald í stefnumarkandi ákvörðunum.

Besti árangur í sögu SP-Fjármögnunar

Hagnaður eignarleigufyrirtækisins SP-Fjármögnunar nam tæpum 803 milljónum króna árið 2006 sem er 67 prósenta aukning frá fyrra ári. Þetta er besti árangur í sögu félagsins.

Tillaga um 40% arð í LÍ

Bankastjórn Landsbankans leggur til við aðalfund að yfir 28 þúsund hluthöfum bankans verði greiddur 40 prósenta arður fyrir síðasta ár. Þetta samsvarar alls 4,4 milljörðum króna.

Actavis vill kaupa samheitalyfjahluta Merck KGaA

Actavis ætlar að bjóða í samheitalyfjahluta Merck KGaA. Að sögn Róberts Wessmans, forstjóra Actavis, hefur fjármögnun í verkið þegar verið tryggð með aðkomu þriggja leiðandi alþjóðlegra banka.

Hagnaður Landsbankans umfram væntingar

Hagnaður Landsbankans nam 40,2 milljörðum króna á síðasta ári. Þar af nam hagnaðurinn á fjórða og síðasta fjórðungi liðins árs 14,1 milljarði króna. Þetta er rúmlega tvöfalt meira en greiningaraðilar gerðu ráð fyrir.

Tekjur af erlendri starfsemi í fyrsta sinn meiri

Liðlega helmingur af tekjum Landsbanka Íslands á síðasta ári stöfuðu af umsvifum bankans í útlöndum en þetta er í fyrsta sinn sem tekjur af erlendri starfsemi eru meiri en af innlendri. Hagnaður bankans á síðasta ári var rúmir fjörtíu milljarðar króna eftir skatta en það er 61% aukning frá fyrra ári.

Ákærðu í Baugsmáli sýknuð

Hæstiréttur kvað í gær upp sýknudóm vegna sex ákæruliða í upphaflegu Baugsmáli. Meðal annars þótti ekki hafið yfir vafa að starfsmenn hefðu staðið ranglega að innflutningi á jeppa Jóns Ásgeirs.

Eimskip hækkar afgreiðslugjald um 24 prósent

Gjaldskrá Eimskips fyrir flutninga innanlands hækkar um 4,5 prósent frá 1. febrúar næstkomandi. Landssamband kúabænda bendir á að afgreiðslugjald muni að sama skapi hækka úr 129 krónum í 160 krónur en það jafngildir 24 prósenta hækkun. Það er íþyngjandi þar sem gjaldið er hátt í hlutfalli af heildar flutningskostnaði smávöru, að sögn Landssambands kúabænda.

Kaupþing leiðir kaup á Phase Eight

Kaupþing hefur ásamt hópi fjárfesta keypt bresku tískuvöruverslunina Phase Eight á 51,5 milljónir punda, sem nemur tæpum sjö milljörðum króna. Þetta kemur fram í frétt á vef Times.

Markmiðakvöld í febrúar

Guðjón Bergmann jógakennari ætlar að bjóða upp á Markmiðakvöld 1. febrúar næstkomandi. Á Markmiðakvöldum er einblínt á stefnumótun í ljósi hinna sjö mannlegu þarfa, með stuttum fyrirlestri um mikilvægi markmiða og drauma, þar sem meðal annars verður rætt um fyrirheit og hættur. Markmiðakvöld var haldið síðast undir lok desember í fyrra á Grand Hótel í Reykjavík.

Framleiðslan mest hér og verðlagið hátt

Verg landsframleiðsla á mann hér er mest, eða 29 prósent yfir meðaltali 25 ríkja Evrópusambandsins. Verðlag er sömuleiðis hlutfallslega hæst hér á landi. Þetta kemur fram í niðurstöðum alþjóðlegs verðsamanburðar árið 2004 ásamt bráðabirgðaniðurstöðum árið 2005.

Peningaskápurinn...

Jón Þór Sturluson hagfræðingur var meðal frummælenda á fundi Félags viðskipta og hagfræðinga um krónuna og evruna. Erindi Jóns Þórs var athyglisvert og tæpt á ýmsum þáttum sem eru verðugt innlegg í þessa mikilvægu umræðu sem eflaust mun halda áfram næstu misserin.

Kreditkorti hf. verður skipt

Ákveðið hefur verið að skipta upp fyrirtækinu Kreditkort hf. og færa útgáfu greiðslukorta og þjónustu við þau yfir í nýtt dótturfélag. Breytingin verður kynnt nánar af hálfu fyrirtækisins í dag.

Glitnir gefur aftur út bréf í Evrópu

Glitnir hefur gengið frá samningum um útgáfu skuldabréfa að upphæð 500 milljónir evra, sem jafngildir tæplega 45 milljörðum íslenskra króna, á föstum vöxtum sem nema 4,375 prósentum, með gjalddaga árið 2010.

Evruhlutabréf eru rökrétt skref

Líklegt má telja að tillaga um að færa allt hlutafé Straums-Burðaráss Fjárfestingabanka úr krónum yfir í evrur verðu lögð fyrir hluthafa á aðalfundi bankans sem haldinn verður í febrúarlok eða byrjun mars.

Gengi AMR fór niður

Gengi hlutabréfa í bandaríska flugrekstrarfélaginu AMR Corp., sem FL Group á 5,98 prósenta hlut í, lækkaði í gær um 8,49 prósent á markaði í dag og var lokagengi dagsins 36,7 dalir á hlut. Greiningardeild Kaupþings segir líklegt að lækkunin skýrist af tilkynningu félagsins á hlutafjáraukningu til niðurgreiðslu skulda og skuldbindinga og kaupa á nýjum flugvélum.

Útlán bankanna tóku kipp undir lok árs

Útlán íslensku bankanna námu rúmum 3.808 milljörðum króna á síðasta ári, samkvæmt tölum frá Seðlabanka Íslands. Lánin stóðu nokkuð í stað frá vordögum liðins ár en hafa vaxið hratt á síðustu mánuðum liðins árs. Skuldir heimilanna gagnvart bankakerfinu jukust um 30 prósent á milli ára. Helsta ástæðan er skuldbreyting húsnæðislána sem aftur minnkaði hlut Íbúðalánasjóðs.

Þingið áhrifalaust varðandi gengismál

Margar stefnumarkandi ákvarðanir í peningamálum þjóðarinnar hafa verið teknar án frumkvæðis eða skilnings stjórnmálamanna, að sögn Vilhjálms Bjarnasonar aðjúnkts við viðskipta- og hagfræðideild Háskóla Íslands.

Fiskverð í hæstu hæðum

Mjög hátt verð fékkst fyrir fisk á fiskmörkuðum landsins í síðustu viku eða 185,75 krónur að meðaltali fyrir kíló sem er 6,52 króna hækkun á milli vikna. Vefur Fiskifrétta segir þetta jafngilda því að aflaverðmæti síðustu viku hafi numið 294 milljónum króna.

Kaupþingi spáð mestum hagnaði félaga árið 2007

Minni hagnaður af sölu eigna dregur heildarafkomu niður á milli ára. Fimm félög skila yfir tuttugu milljörðum í hús og ekkert verður rekið með tapi.

Fyrirhyggja í uppgjöri

Nokkur af stærstu fyrirtækjum landsins hafa ýmist ákveðið að gera bækur sínar upp í evrum eða íhuga að gera slíkt.

Stýrivextir bíta í smákólnandi hagkerfi

Aðstæður í alþjóðahagkerfinu eru sagðar hagfelldari en í byrjun síðasta árs og ýtir það undir bjartsýni um þróun mála hér vegna þess að minni líkur eru þá á taugaveiklunarviðbrögðum erlendra fjárfesta þrátt fyrir neikvæðar fréttir.

Íslensk verðbréf skila methagnaði

Íslensk verðbréf hf. á Akureyri skiluðu methagnaði á síðasta ári og einkenndist reksturinn af miklum vexti. Alls nam hagnaður félagsins 403 milljónum króna.

Fyrsta erlenda skráning Glitnis

Næstkomandi mánudag verður Copeinca, fjórði stærsti fiskimjöls- og lýsisframleiðandi Perú, skráð í Kauphöllina í Osló.

Íslensk auglýsing fer víða

Ímyndarauglýsing fyrir Volkswagen Passat sem Hvíta húsið og Saga film gerðu fyrir bifreiðaumboðið Heklu er nú sýnd við góðan orðstír á sjónvarpsstöðvum í Suður-Kóreu og Ungverjalandi. Útlit er fyrir að hróður íslenskrar auglýsingagerðar berist víðar því þegar hefur komið fyrirspurn frá Taívan um afnot af auglýsingunni.

Þegar umsækjendum er hafnað

Mikilvægt er að þeir sem ekki hafa verið valdir til starfa en hafa sótt um starf fái heiðarlegt höfnunarbréf, símtal eða tölvupóst. Þeir umsækjendur sem ekki verða fyrir valinu og fá hvorki skriflegt né munnlegt svar við umsóknum upplifa oft sterka höfnun.

Þvingaðir leikir í hagstjórninni

Skýrsla krónunefndar Viðskipta-ráðs sýnist hafa gefið umræðu um evruna byr undir báða vængi. Ekki síst fékk umræðan aukið vægi og dýpt í ljósi þess að atvinnulífið lýsti efasemdum sínum um framtíð krónunnar með því að stilla krónu og evru upp sem þeim kostum sem Íslendingar þyrftu að velja á milli og setja með því spurningarmerki aftan við framtíð krónunnar. Með skýrslunni hefur atvinnulífið unnið heimavinnu í einu helsta hagsmunamáli sínu.

SPV má eiga þriðjung í SP

Fjármálaeftirlitið hefur heimilað Sparisjóði Vélstjóraað fara með virkan eignarhlut, allt að 33 prósentum í SP-Fjármögnun hf.

Félagsþjónusta auðmanna

Það var glatt á hjalla hjá kunningja Aurasálarinnar um helgina. Eins og venjulega var úr nógu félagslífi að velja. Bankarnir buðu allir í partí og kvöldmat, nokkur stórfyrirtæki voru með veislur og svo var vini Aurasálarinnar vitaskuld boðið á leiki hjá íslenska handboltalandsliðinu, West Ham, Chelsea og Barcelona.

Evrubókhald hluti áhættustýringar

Möguleg tilfærsla bankanna á eigin fé sínu úr krónum í evrur er hluti af áhættustýringu þeirra og í raun óviðkomandi umræðu um framtíð krónunnar sem gjaldmiðils þjóðarinnar. Þetta segir Björn Rúnar Guðmundsson, sérfræðingur greiningardeildar Landsbankans, og kveður bankana hljóta að stíga þetta skref fljótlega.

Úr verkfræði í ræðismennsku

Margt hefur breyst á Íslandi á þeim tuttugu og átta árum sem María Priscilla Zanoria hefur verið búsett á Íslandi. Árið 1979 kom hún hingað til lands, þá 24 ára gömul. Fyrir voru fjórir Filippseyingar á Íslandi. Hún minnist þess sérstaklega að margt eldra fólk virtist aldrei hafa séð dökka manneskju áður og varð því oftar en ekki star­sýnt á hana.

Kaupmáttur eykst um tæp 3 prósent

Launavísitala í desember í fyrra lækkaði um 0,1 prósentustig á milli mánaða. Lækkunin skýrist af því að áhrifa gætir ekki lengur af 26.000 króna eingreiðslu sem kom til við endurskoðun kjarasamninga Alþýðusambands Íslands og Samtaka atvinnulífsins á almennum vinnumarkaði sem greidd var í árslok 2005, að sögn Hagstofu Íslands.

Erlendar eignir lífeyrissjóða fari í helming heildareigna

Erlendar eignir lífeyrissjóðanna hafa á áratug farið úr þremur prósentum í tæp þrjátíu af hreinni eign þeirra. Einkum er fjárfest í alþjóðlegum hlutabréfasjóðum.

Samstarf á sviði gagnaöryggismála

Tryggingamiðstöðin og Tölvuþjónustan SecurStore hafa ákveðið að hefja samstarf á sviði forvarna- og fræðslumála í tengslum við verndun tölvugagna.

LSE styrkir varnirnar gegn Nasdaq

Breska kauphöllin í Lundúnum (LSE) býst við 180 prósenta aukningu hlutabréfaveltu á markaðnum allt fram til loka næsta árs. Enn fremur ætlar kauphöllin að verja sem nemur 250 milljónum punda, sem svarar til 34,5 milljarða íslenskra króna, til kaupa á eigin bréfum með það fyrir augum að hindra hugsanlega yfirtöku bandaríska hlutabréfamarkaðarins Nasdaq á kauphöllinni.

Lúterskir leiðindapúkar

Stundum verður maður ótrúlega þreyttur á hvað þessi þjóð er lútersk og leiðinleg. Sammælist um að gera hvunndaginn að endalausum táradal og ef einhver vogar sér í grámyglu skamm-degisins að gera sér glaðan dag þá rjúka allir harðlífismenn þjóðarinnar upp til handa og fóta og hneykslast.

Líkur á frekari stýrivaxtahækkun

Nokkurrar óánægju gætti í Bretlandi þegar Englandsbanki ákvað að hækka stýrivexti um fjórðung úr prósenti í 5,25 prósent fyrir um hálfum mánuði enda höfðu flestir gert ráð fyrir óbreyttum vöxtum næsta mánuðinn eða svo.

Vaxtalækkun fyrir kosningar?

Fleiri og fleiri eru að komast á þá skoðun að ekki verði tilefni fyrir Seðlabankann að lækka vexti fyrr en um mitt sumar. Ástæðan er að allt er á fullu svingi enn sem komið er í hagkerfinu og kólnunareinkennin láta lítið á sér kræla.

Handtölvur stækka

Handtölvur ehf. hafa fest kaup á Gagnatækni ehf. Með kaupunum verður til Handtölvur–Gagnatækni, sem verður vel í stakk búið að veita heildarlausnir varðandi vélbúnað, hugbúnað og þjónustu til viðskiptavina sinna.

Gjaldeyrir skilaði mestu 2006

Innlendir gjaldeyrisreikningar skiluðu hæstri nafnávöxtun innlánsreikninga á síðasta ári samkvæmt Viðskiptablaði Morgunblaðsins. Gengislækkun krónunnar var mikil í fyrra, öfugt við árið 2005 þegar neikvæð nafnávöxtun varð á gjaldeyrisreikningum.

Stríðslán uppgreitt

Um áramótin síðustu greiddu Bretar Bandaríkjamönnum lokagreiðslu af láni sem tekið var í lok seinni heimsstyrjaldarinnar. Bretar fengu á stríðsárunum um 30 milljarða Bandaríkjadala í formi efnahagsaðstoðar Franklins D. Roosevelt Bandaríkjaforseta til bandamanna.

Viðgerð frestað á Cantat-3

Viðgerðarskipið CS Pacific Guardian sem átti að gera við Ameríkulegg Cantat-3 sæstrengsins hefur verið sent aftur í heimahöfn á Bermúda og viðgerð frestað um óákveðinn tíma.

Straumur í Nordea

Straumur-Burðarás er sagður vera einn þeirra fjárfesta sem hafa keypt hlutabréf í Nordea, stærsta fjármálafyrirtæki Norðurlanda, að sögn Dagens Industri. Stefnt er að sölu á fimmtungshlut ríkisins í Nordea og er talið líklegt að finnska félagið Sampo, sem hefur keypt bréf í Nordea í stórum stíl, og Investor, stærsti hluthafinn í SEB, vilji eignast þann hlut.

Glitnir gefur út skuldabréf í evrum fyrir 45 milljarða króna

Glitnir hefur samið um útgáfu skuldabréfa að upphæð 500 milljónir evra eða sem jafngildir 45 milljörðum íslenskra króna. Skuldabréfin eru á föstum 4,375% vöxtum en gjalddagi þeirra er á árinu 2010.