Rússar banna útflutning á korni

Yfirvöld í Rússlandi hafa bannað allan útflutning á korni til ársloka. Þetta var ákveðið í kjölfar uppskerubrets vegna skógareldanna þar í landi. Áður höfðu yfirvöld bannað útflutning á hveiti, byggi og rúgi. Á vef breska ríkisútvarpsins kemur fram að bannið kemur til með að bitna helst á íbúum Mið-Austurlanda með hærra brauðverði en þangað selja Rússar megnið af uppskeru sinni.

Staða ráðuneytisstjóra auglýst

Staða ráðuneytisstjóra efnahags- og viðskiptaráðuneytisins hefur verið auglýst laus til umsóknar. Jónína S. Lárusdóttir, fyrrverandi ráðuneytisstjóri, var nýverið ráðin framkvæmdastjóri lögfræðisviðs Arion banka.

Landsframleiðsla jókst um 2,2% í Þýskalandi

Landsframleiðsla í Þýskalandi jókst um 2,2% á öðrum fjórðungi ársins.

IKEA bæklingurinn kemur út í sextugasta sinn

IKEA bæklingurinn kemur út í Skandinavíu um þessar mundir í sextugasta sinn. Fyrsti bæklingurinn kom út árið 1951 og var upplagið þá 250 þúsund eintök. Þá var bæklingurinn níu blaðsíður að lengd.

Almenningur hætti að greiða af lánum

Samtök lánþega hvetja alla lánþega til að hætta að greiða af hvers kyns gengistryggðum skuldbindingum. Ástæðan er meðal annars endurútreikningur Landsbankans á erlendum húsnæðislánum. Ábyrg afstaða, segir talsmaður samtakanna.

Áfengisverðið hefur áhrif á vísitölu og vínmenningu

Verð á áfengi hefur hækkað mikið á síðustu árum. Alþingi samþykkti í fyrra breytingar á áfengisgjöldum, sem gerðu það að verkum að gjöldin hækkuðu um rúm fjörutíu prósent á tólf mánuðum.

Mótkrafa frestar gagnaöflun

„Þessu hefur verið frestað fram á haustið," segir Kim J. Landsman, lögmaður fimm af sex fyrrverandi eigendum og stjórnendum Glitnis, sem slitastjórn Glitnis hefur stefnt fyrir dómstól í New York.

Íslenskir lífeyrissjóðir gáfu lítið fyrir varnaðarorð Buffetts

„Aldrei, aldrei, aldrei fjárfesta í flugfélögum" segir ríkasti og sigursælasti fjárfestir í heimi, Warren Buffett. Þrátt fyrir þessi varnaðarorð ákváðu lífeyrissjóðirnir að fyrsta stóra fjárfestingin eftir hrun yrði í Icelandair Group í gegnum Framtakssjóð Íslands.

Icelandair tapaði 161 milljón

Icelandair Group tapaði 161 milljón eftir skatta á öðrum fjórðungi ársins. Þetta er breyting til batnaðar frá sama tíma í fyrra því að þá nam tapið 1,3 milljörðum króna eftir því sem fram kemur í tilkynningu Icelandair Group til Kauphallarinnar.

Alls 2,5 milljarða viðskipti á skuldabréfamarkaði í dag

Skuldabréfavísitalan GAMMA: GBI lækkaði um 0,1% í dag í 2,5 ma. viðskiptum. GAMMAi: Verðtryggt lækkaði um 0,2% í 1,7 ma. viðskiptum og GAMMAxi: Óverðtryggt lækkaði lítillega í 0,8 ma. viðskiptum.

Tæplega 13 þúsund manns atvinnulausir

Atvinnuleysi í júlí síðastliðnum var 7,5% en að meðaltali voru 12.569 manns atvinnulausir í júlí, samkvæmt tölum Hagstofunnar. Minnkar atvinnuleysi um 3,2% frá júní, eða um 419 manns að meðaltali.

Hlutabréf Icelandair tekin af athugunarlista

Hlutabréf gefin út af Icelandair Group hf. hafa verið færð af athugunarlista Kauphallarinnar með vísan til upplýsinga í tilkynningu frá félaginu í gær.

Auður Capital kaupir stóran hlut í Gagnavörslunni

AUÐUR I, fagfjárfestasjóður rekinn af Auði Capital, hefur fest kaup á tæplega 22% hlut í Gagnavörslunni ehf.

Norski olíusjóðurinn tapaði tæpum 3.000 milljörðum

Norski olíusjóðurinn fékk á sig mikinn skell á öðrum ársfjórðungi ársins. Tapið af rekstrinum nemur 155 milljörðum norskra kr. eða rétt tæpum 3.000 milljörðum kr. Er þetta fjórða mesta tap á einum ársfjórðungi hjá sjóðnum.

Hagvöxtur í ESB-löndunum mun meiri en vænst var

Hagvöxtur í ESB-löndunum á öðrum ársfjórðungi ársins reyndist mun meiri en vænst var. Vöxturinn reyndist 1% hærri en hann var á fyrsta ársfjórðungi ársins. Sérfræðingar höfðu hinsvegar aðeins reiknað með 0,2% vexti.

Skuldatryggingaálag Íslands fer aftur hækkandi

Skuldatryggingaálag Íslands fer nú aftur hækkandi eftir að hafa lækkað mikið í sumar. Samkvæmt Markit Itraxx vísitölunni er álagið nú komið í 322 punkta en það fór niður í 286 punkta í síðasta mánuði og hafði þá ekki verið lægra síðan í maí á síðasta ári.

Veruleg aukning á hagnaði Landsnets í ár

Hagnaður Landsnets hf. eftir skatta samkvæmt rekstrarreikningi nam 1.034 milljónum kr. fyrir fyrstu sex mánuði ársins samanborið við hagnað að fjárhæð 167 milljónir kr. fyrir sama tímabil fyrra árs. Betri afkoma stafar aðallega af minna gengistapi en árið áður.

Heildaraflinn hefur dregist saman um 13% í ár

Heildarafli íslenskra skipa í nýliðnum júlímánuði, metinn á föstu verði, var 13,2% minni en í júlí 2009. Það sem af er árinu hefur aflinn dregist saman um 13% miðað við sama tímabil 2009, sé hann metinn á föstu verði.

Ferðamannatímabilið ekki eins slæmt og óttast var eftir gosið

Útlit er því fyrir að ferðamannatímabilið í sumar hafi ekki borið þann skaða af eldgosinu í Eyjafjallajökli sem óttast var og eru það gríðarlega jákvæð tíðindi.

Fjöldi fátækra Dana hefur aldrei verið meiri

Fjöldi þeirra sem lifa undir fátækramörkunum í Danmörku hefur aldrei verið meiri í sögunni. Yfir 300.000 Danir teljast nú til fátækra þar í landi.

Hveitiuppskera heimsins rýrnar um 15 milljónir tonna

Bandaríska landbúnaðarráðuneytið hefur verulega dregið úr áætlunum sínum um umfang hveitiuppskeru heimsins í ár.

Hætt við bankakaup eftir hæstaréttardóm

Erlendir fjárfestar misstu áhuga á kaupum á tæpum þrjátíu prósenta hlut í Íslandsbanka eftir að Hæstiréttur dæmdi erlend gengislán ólögmæt í júní. Þeir höfðu sett sig í samband við svissneska risabankann UBS, sem er með hlut skilanefndar Glitnis í bankanum í söluferli, og lýst yfir áhuga á honum.

Atvinnuleysistölur í Bandaríkjunum hækka enn

Atvinnuleysistölur í Bandaríkjunum halda áfram að hækka. Í síðustu viku bættust við 2000 manns á atvinnuleysisskrá. Þá voru atvinnulausir alls 484 þúsund talsins og höfðu ekki verið hærri fleiri í hálft ár, eða síðan í febrúar. Hagfræðingar höfðu hins vegar búist við því að atvinnulausum myndi fækka og voru að gera sér vonir um að talan færi niður í 469 þúsund.

Um 4,7 milljarða viðskipti með skuldabréf

Skuldabréfavísitalan GAMMA: GBI hækkaði um 0,1% í dag í 4,7 ma. viðskiptum. GAMMAi: Verðtryggt hækkaði um 0,1% í 0,5 ma. viðskiptum og GAMMAxi: Óverðtryggt hækkaði um 0,2% í 4,2 ma. viðskiptum.

Fjárhagslegri endurskipulagningu Icelandair lokið

Icelandair Group hf. tilkynnti 14. og 15. júní 2010 að Framtakssjóður Íslands (FSÍ) og Lífeyrissjóður Verzlunarmanna (LV) hefðu gert bindandi samkomulag við félagið þess efnis að sjóðirnir myndu fjárfesta í Icelandair Group hf. fyrir 4 milljarða króna á genginu 2,5.

Nýr aðstoðarframkvæmdastjóri Viðskiptaráðs

Haraldur I. Birgisson hefur tekið við starfi aðstoðarframkvæmdastjóri Viðskiptaráðs, en áður gegndi hann starfi yfirlögfræðings ráðsins. Fráfarandi aðstoðarframkvæmdastjóri, Frosti Ólafsson, hverfur nú til náms erlendis en hann hefur starfað hjá Viðskiptaráði frá árinu 2006, fyrst sem hagfræðingur ráðsins, að því er fram kemur á heimasíðu Viðskiptaráðs.

Verðhækkanir á byggi valda hækkun bjórverðs

Heimsmarkaðsverð á byggi hefur meir en tvöfaldast á síðustu mánuðum og eru þær hækkanir í samræmi við hækkanir á hveiti og öðrum kornvörum. Sökum þessa má reikna með að verð á bjór muni hækka töluvert á næsta ári.

FIH bankinn eykur væntingar um hagnað ársins

FIH bankinn í Danmörku, sem er í íslenskri eigu, hefur aukið við væntingar sínar um hagnaðinn á þessu ári. Nú gerir bankinn ráð fyrir að hagnaðurinn nemi 450 milljónum danskra kr. eða rúmlega níu milljarða kr. eftir skatta.

FME veitir undanþágu frá yfirtökuskyldu á Icelandair

Fjármálaeftirlitið (FME) hefur ákveðið að Framtakssjóði Íslands skuli veitt skilyrt undanþága frá tilboðskyldu samkvæmt lögum um verðbréfaviðskipti til að fara með allt að 32,5% hlutafjár í Icelandair vegna þátttöku Framtakssjóðsins í fjárhagslegri endurskipulagningu Icelandair.

Erlendar skuldir þjóðarbúsins lækka mælt í krónum

Erlendar skuldir þjóðarbúsins hafa lækkað það sem af er ári mælt í krónum enda hefur krónan styrkst talsvert eða um nær 11% frá áramótum. Þannig voru erlendu skuldirnar komnar í 3.027 milljarða kr. í lok fyrsta ársfjórðungs samkvæmt upplýsingum frá Seðlabankanum og eru eflaust enn lægri nú.

Mikil auking á kortaveltu Íslendinga í útlöndum

Kreditkortavelta landans á erlendri grundu sýnir svo ekki verður um villst að Íslendingar eru byrjaðir að taka upp veskið á nýjan leik í útlöndum enda hefur kaupmáttur landans á erlendri grundu aukist undanfarið með styrkingu krónunnar.

Fleiri farþegar með Icelandair

Hagfræðiprófessor fullyrðir að Bandaríkin séu gjaldþrota

Bandarískur hagfræðiprófessor fullyrðir að Bandaríkin séu í raun gjaldþrota. Skattar þurfi að tvöfaldast til þess að hægt sé að ná tökum á skuldastöðu ríkisins.

Ársæll og Heiðar vinna að tilboði með stærri fjárfestum

Hagfræðingarnir Heiðar Már Guðjónsson og Ársæll Valfells eru í hópi þeirra sem standa að baki tilboði í hlut í Sjóvá. Þetta kemur fram í Viðskiptablaðinu sem kemur út í fyrramálið. Heiðar Már hefur hingað til komið fram fyrir hönd hópsins, en félagið hefur verið í söluferli í umtalsverðan tíma. Viðskiptablaðið segir að söluferli á um 40% hlut í félaginu sé langt komið.

Stærsta lyfjafyrirtæki í heimi stefnir Actavis

Pfizer lyfjafyrirtækið, stærsta lyfjafyrirtæki heims, hefur stefnt Actavis lyfjafyrirtækinu og vill að dómari úrskurði um að fyrirtækið markaðssetni ekki tiltekið hjartalyf þar til einkaleyfi Pfizers á framleiðslu lyfsins rennur út árið 2017.

Skilanefnd og slitastjórn á ofurlaunum

Launakostnaður þrotabús Glitnis fyrstu þrjá mánuði þessa árs vegna 5 starfsmanna skilanefndar- og slitastjórnar nemur 103 milljónum króna. Það gera rúmlega tuttugu milljónir á mann, þar sem hver hefur að jafnaði um sjö milljónir króna á mánuði.

Glitnir stofnar dótturfélag í Lúxemborg

Glitnir í Lúxemborg hefur stofnað dótturfélagið Reviva Capital til að annast umsýslu og reksturs eignasafns bankans. Reviva Capital hefur hlotið starfsleyfi frá yfirvöldum og fjármálaeftirliti Lúxemborgar til að annast innheimtu- og eignaumsýslustarfsemi og hyggst félagið jafnframt bjóða

Gamma lækkaði lítillega

Skuldabréfavísitalan GAMMA: GBI lækkaði lítillega í dag í 6,9 ma. viðskiptum. GAMMAi: Verðtryggt lækkaði um 0,1% í 1,4 ma. viðskiptum og GAMMAxi: Óverðtryggt hækkaði um 0,1% í 5,5 ma. viðskiptum.

SMS skeytasendingar í Eyjum sexfölduðust

Síminn hefur tekið saman fjölda SMS skeyta sem fóru um GSM og 3G senda Símans í Vestmannaeyjum um verslunarmannahelgina. Í tilkynningu frá félaginu segir að SMS sendingar hafi sexfaldast samanborið við venjulega helgi en ef sunnudagurinn er skoðaður sérstaklega má sjá að fjöldi sendra SMS skeyta nífaldaðist miðað við venjulegan sunnudag.

Gefa út viðmiðunarverð á kindakjöti

Stjórn Landssamtaka sauðfjárbænda ákvað á fundi á mánudag að nýta heimild sína til að gefa út viðmiðunarverð á kindakjöti. Verðið gildir fyrir komandi sláturtíð. Verðskráin hækkar um 5% frá fyrra ári sem er nánast það sama og hækkun vísitölu neysluverðs á tímabilinu, að því er fram kemur í fréttatilkynningu frá samtökunum. Verðlagning á kindakjöti er frjáls en Landssamtök sauðfjárbænda hefur heimild í búvörulögum til að gefa út viðmiðunarverð til bænda.

Virðulegur en á sér villta hlið

Leiti maður að notuðum forstjórabíl er vandfundinn vænlegri kandídat en Lexus GS430 Luxury. Bíllinn er af 2005 árgerð, en í raun eins og nýr, enda ekki ekinn nema tæpa 36 þúsund kílómetra.

Microsoft heiðrar Maritech

Maritech hefur hlotið verðlaunin „Samstarfsaðili ársins 2010" hjá Microsoft á alþjóðlegri ráðstefnu Microsoft, WPC 2010, Microsoft Worldwide Partner Conference, sem haldin var í Washington D.C. um miðjan júlí.

Hlutir í N1 eru ekki til sölu

Fjöldi fjárfesta hefur sýnt áhuga á að gerast hluthafi í olíuversluninni N1 en orðið lítið ágengt. Þar á meðal er erlendur fjárfestir, samkvæmt heimildum Fréttablaðsins. Hermann Guðmundsson, forstjóri fyrirtækisins, segir hlut í félaginu ekki til sölu og hafi engin breyting orðið á eignarhaldi þess síðastliðin fjögur ár.

Útlán ÍLS hafa dregist saman um 5 milljarða í ár

Heildarútlán Íbúðalánasjóðs (ÍLS) námu tæpum 2,8 milljörðum króna í júlí en þar af voru um 1,8 milljarðar króna vegna almennra lána. Samtals námu útlán á fyrstu sjö mánuðum ársins 2010 tæpum 14,8 milljörðum króna samanborið við tæplega 19,9 milljarða yfir sama tímabil ársins 2009.

Heildarvelta kreditkorta jókst um 7,3% milli ára í júlí

Heildarvelta kreditkorta í júlímánuði var 25,4 milljarðar kr. og er þetta 7,3% aukning miðað við júlí 2009 en 3,7% samdráttur miðað við júní 2010.