Situr einn Ís­lendinga eftir á lista For­bes

Tímaritið Forbes gefur út lista yfir ríkasta fólk heims ár hvert. Á listanum þeir sem eiga auðæfi verðmetin á meira en milljarð Bandaríkjadala, 136 milljarða íslenskra króna. Á hverjum degi er listinn uppfærður en nýtt fólk kemst ekki inn á hann nema þegar árlegi listinn kemur.

Síðasta tvö ár höfum við Íslendingar átt tvo fulltrúa á listanum, Björgólf Thor Björgólfsson og Davíð Helgason. Nú fækkar þeim hins vegar um einn og Björgólfur eini fulltrúi okkar þar. 

Björgólfur er númer 1.217 á listanum með auðæfi metin á 2,5 milljarða Bandaríkjadala, 340 milljarða íslenskra króna. Voru þau einnig metin á sömu upphæð fyrir ári síðan. 

Davíð Helgason er einn af stofnendum hugbúnaðarfyrirtækisins Unity en hann komst fyrst á árslista Forbes árið 2021. Þá voru auðæfi hans metin á 1,1 milljarð dollara og árið eftir sléttan milljarð. Nú er hann hins vegar dottinn af listanum. Líklegast er það vegna þess að virði Unity hefur fallið um 68 prósent síðasta árið.

Efstur á listanum í ár er Bernard Arnault, eigandi LVMH, sem á merki á borð við Louis Vuitton og Sephora. Hann færir sig upp um þrjú sæti og hoppar yfir Jeff Bezos og Elon Musk en sá síðarnefndi vermdi toppsætið í fyrra.