Innlán í Sparisjóðinn Afl aukast um 3 milljarða

Í kjölfar bankahrunsins í fyrrahaust hefur Sparisjóðurinn Afl ,sem samanstendur af Sparisjóð Siglufjarðar og Sparisjóð Skagafjarðar, aukið innlán gífurlega. Á einu ári hafa innlánin aukist um 3 milljarða kr. og standa nú í ríflega 8 milljörðum kr.

Straumsmenn kannast ekki við áhuga Eggerts á West Ham

„Við höfum enga vitneskju um það, né hefur hann verið í samstarfi við okkur eða neitt. Enda er klúbburinn þannig lagað ekki í neinum opinberum sölufasa," segir

Íbúðasala ekki jafn léleg í 30 ár í Danmörku

Árið í ár lítur út fyrir að verða það lélegasta í 30 ár hvað varðar sölu íbúða í Danmörku. Þetta kemur fram í nýjum sölutölum frá fasteignasölukeðjunni EDC.

Eggert Magnússon reynir að kaupa West Ham

Eggert Magnússon er með leynd að reyna endurkomu sem nýr eigandi enska útvalsdeildarliðsins West Ham. Þetta er staðhæft í breska blaðinu The Sun í morgun. Eggert er enn búsettur í London.

Jón Steinsson hrópar húrra fyrir auðlindasköttum

Jón Steinsson lektor í hagfræði við Columbia er mjög ánægður með þau áform ríkisstjórnarinnar að koma á auðlinda- og umhverfissköttum. Þetta kemur fram í pistli sem Jón skrifar á vefritið Deiglan þar sem hann fjallar um fjárlagafrumvarp ríkisstjórnarinnar.

Alcoa: Óvæntur hagnaður, hlutabréf hækka um 6%

Bandaríski álrisinn Alcoa skilaði óvæntum hagnaði á þriðja ársfjórðungi. Nam hagnaðurinn 39 milljónum dollara, eða 4,9 milljörðum kr. sem gerir 4 sent á hlutinn. Sérfræðingar höfðu hinsvegar spáð tapi upp á 9 sent á hlutinn. Hlutir í Alcoa hækkuðu um 6% á eftirmarkaði þegar uppgjörið var tilkynnt eftir lokun markaða í gærkvöldi.

Ásókn í innistæðubréf

Öll innistæðubréf Seðlabankans gengu út í útboði bankans í gær. Tilkynnt var um útgáfuna fyrir hálfum mánuði samhliða vaxtaákvörðun bankans en þá var ákveðið að gefa út bréf fyrir fimmtán til 24 milljarða króna í viku hverri.

Stork Fokker fær samning

Hollenska flugiðnaðarfyrirtækið Stork Aerospace hefur enn haft betur í útboði tengdu svonefndu JSF-herþotuverkefni, tengdu F-35 orrustuþotum, frá Lockheed Martin.

TM Software sótti á erlend mið

„Við þróuðum þetta til að leysa vandamál innanhúss hjá okkur. Nú er viðbótin fullbúin og notuð til að leysa vandamálin úti í hinum stóra heimi,“ segir Pétur Ágústsson, hópstjóri hjá TM Software. Fyrirtækið hefur þróað viðbót við Jira-verkbeiðna- og þjónustu­kerfið sem gerir notendum kleift að tengja við tímaskráningar og koma í veg fyrir tvískráningar beiðna og reikninga.

Landsvaki ósammála niðurstöðu héraðsdóms

Landsvaki lýsir sig ósammála niðurstöðu dóms sem féll í dag í máli átján einstaklinga sem stefndu Landsbankanum og Landsvaka, sem var vörsluaðili peningamarkassjóða Landsbankans. Dómurinn sýknaði stefndu af aðalkröfu en féllst að hluta til á varakröfu stefnenda og eru forsvarsmenn Landsvaka ósammála því. Í yfirlýsingu frá Landsvaka segir að samkvæmt dómnum hafi Landsvaka borið að lækka gengi sjóðsins þann 10. september 2008 vegna frétta um að líkur væru á að ábyrgð vegna XL Leisure Group myndi falla á Eimskip.

Persónuafsláttur óbreyttur á næsta ári

Gert er ráð fyrir því í fjárlagafrumvarpinu að persónuafsláttur verði óbreyttur á næsta ári. Gylfi Arnbjörnsson, forseti Alþýðusambandsins, segir að samið hafi verið um hækkun skattleysismarkanna og verðtryggingu. Sambandið samþykki aldrei að skattleysismörkin verði lækkuð að raungildi.

Rólegt í kauphöllinni

Dagurinn var á rólegu nótunum í kauphöllinni í dag. Úrvalsvísitalan hækkað um tæpt prósent og stendur í 820 stigum.

Skuldatryggingaálag ríkissjóðs fer nú hækkandi á ný

Skuldatryggingaálag ríkissjóðs fer nú hækkandi á ný eftir að hafa lækkað stöðugt allt sumarið og haustið. Á mánudag var það komið niður í rúma 350 punkta en í dag stendur það í rúmum 390 punktum samkvæmt lista CMA Datavision yfir þau 10 lönd sem taldin eru í mestri hættu á þjóðargjaldþroti.

Kreppan leikur Finna grátt

Finnar upplifa nú mestu niðursveiflu í efnahagslífi sínu síðan að kreppan þar hófst á síðasta ári. Samkvæmt nýjum tölum frá hagstofu Finnlands dróst efnahagslíf landsins saman um 11,6% í júlí miðað við sama mánuð í fyrra.

Alcoa: Reiknað með minnsta ársfjórðungstapi ársins

Bandaríski álrisinn Alcoa birtir uppgjör sitt fyrir þriðja ársfjórðung í dag eftir lokun markaða vestan hafs. Sérfræðingar reikna með minnsta ársfjórðungstapi ársins hjá Alco að þessu sinni að því er segir á Bloomberg fréttaveitunni.

Fallist á varakröfu í Landsvakamálinu upp að vissu marki

Héraðsdómur féllst í dag á kröfu handhafa hlutdeildarskírteina hjá Landsvaka, peningamarkaðssjóðs Landsbankans. Landsbankinn var sýknaður af aðalkröfu stefnandans en dómurinn féllst á varakröfu stefnenda, upp að vissu marki.

Gengi krónunnar fellur

Gengi krónunnar hefur fallið um tæplega 0,8% í dag. Stendur gengisvísitalan í 235,5 stigum og hefur ekki verið hærra í meir en mánuð.

Dæmt í peningamarkaðssjóðsmálum í dag

Fyrstu dómarnir í máli gegn einum af gömlu bönkunum verða kveðnir upp í Héraðsdómi Reykjavíkur í dag. Niðurstaðan mun hafa fordæmisgildi.

September sá næststærsti í ferðamennsku frá upphafi

Erlendir ferðamenn voru 3,3% færri í septembermánuði samanborið við sama tíma í fyrra, en alls fóru ríflega 42 þúsund erlendir gestir frá landinu um Leifsstöð. Þrátt fyrir þessa fækkun erlendra gesta er þetta annar stærsti septembermánuður frá upphafi talningar samkvæmt tölum sem Ferðamálastofa birti í morgun.

ÍLS lækkar áætlun sína um útgáfu íbúðabréfa á árinu

Íbúðalánasjóður (ÍLS) hefur lækkað áætlun sína um útgáfu íbúðabréfa til fjármögnunar nýrra útlána um 9 til 11 milljarða kr. frá fyrri áætlun sem gefin var út í júlí. Í endurskoðaðri útgáfuáætlun, sem sjóðurinn birti í morgun, er gert ráð fyrir 6 til 8 milljarða kr. útgáfu íbúðabréfa á seinasta fjórðungi ársins.

Fyrsta skuldabréfaútgáfa skráðs félags frá bankahruninu

Marel er fyrsta félagið, sem skráð er í kauphöllinni, til að setja skuldabréf á markaðinn frá bankahruninu s.l. haust. Í morgun var tekinn til viðskipta nýr skuldabréfaflokkur frá Marel að upphæð 3,6 milljarðar kr.

Stóriðja hefur lækkað raforkuverð heimila um 30%

Stærra raforkukerfi með meiri sölu til orkufreks iðnaðar hefur leitt til 30% lækkunar á raforku á almenna innlenda markaðinum.

Gætum lent í greiðslufalli ef AGS fer úr landinu

Þorvaldur Gylfason prófessor segir að þeir sem vilji sparka Alþjóðagjaldeyrirssjóðnum úr landinu séu að leika sér að eldinum. „Við gætum vel þurft á láni AGS að halda til að forða því að Ísland lendi í greiðslufalli," segir Þorvaldur. „Slíkt yrði mikil auðmýking fyrir landið og þjóðina."

Gætu tapað hundruðum milljarða á nýrri löggjöf í Lettlandi

Sænskir og danskir bankar gætu tapað hundruðum milljarða kr. ef áform stjórnvalda í Lettlandi um nýja löggjöf fyrir íbúðaeigendur þar í landi verður að veruleika. Löggjöfin, sem nú er til umræðu á lettneska þinginu gengur út á að takmarka mjög möguleika bankanna á að fá íbúðalán sín endurgreidd.

Verðbólgumarkmið leiðir ekki til óhóflegra gengissveiflna

Dr. Þórarinn G. Pétursson aðalhagfræðingur Seðlabankans kemst að þeirri niðurstöðu í nýrri rannsóknarritgerð að verðbólgumarkmið leiði ekki til óhóflegra gengissveiflna. Ritgerðin er aðgengileg á vefsíðu bankans.

Tölvur og nettenging á 90% heimila landsins

Tölvur eru á 92% íslenskra heimila og 90% eru með nettengingu. Helmingur íslenskra heimila er með tvö sjónvarpstæki eða fleiri og 48% eru með flatskjá. Nær öll nettengd heimili eru með háhraðatengingu, eða 97%.

Eik tekur á sig 200 milljónir vegna Húsasmiðjunnar

Í kjölfar yfirtöku Landsbankans á Húsasmiðjunni hefur Eik fasteignafélag ákveðið að hleypa Húsasmiðjunni úr einum leigusamning þar sem enginn rekstur er.

Gjaldeyrisforðinn rýrnaði um 14,5 milljarða í september

Gjaldeyrisforði Seðlabankans rýrnaði um 14,5 milljarða kr. í september. Þetta kemur fram í efnahagsreikningi bankans. Í lok ágúst nam forðinn 449,2 milljörðum kr. en var 434,7 milljarðar kr. í lok september.

Enska kirkjan til varnar vogunarsjóðum

Leiðtogar kirkjunnar í Englandi hafa komið vogunarsjóðum til varnar og vilja ekki að um of sé þrengt að sjóðunum með reglugerðum og lögum. Þetta sjónarmið kemur fram tæplega hálfum mánuði eftir að kirkjan líki fjármálahverfinu The City við víxlarana í musterinu í biblíunni.

Ríkið mögulega að fara á mis við milljarða

Mögulegt er að ríkið hafi farið á mis við tugi milljarða króna vegna þess að fyrirtæki hafi frestað skattgreiðslum vegna hagnaðar af sölu hlutabréfa án heimildar.

Fleiri uppsagnir hjá British Airways

Breska flugfélagið British Airways boðar uppsagnir enn á ný. Í þetta sinn var tilkynnt að 1.700 flugliðar, það er að segja starfsfólk í farþegarými, ættu von á bréfinu.

Hvað varð um galdrakarlana í Oz?

Fyrir tæpum tuttugu árum var íslensk upplýsingatækni enn í bleyju. Þeir sem vildu skera sig úr burðuðust stoltir um með nokkurra kílóa fokdýran farsímahlunk og þeir framsýnustu lumuðu á upphringimótöldum sem gerðu þeim kleift að tengjast háskólanetum á nokkrum mínútum. Þar var þó lítið að gera nema fyrir innvígða.

Fyrsta TEDx-ráðstefnan fjölsótt og vel heppnuð

Fjölmargir sóttu fyrstu TEDx-ráðstefnuna sem var haldin í Reykjavík í gær. Íslenskir fyrirlesarar komu fram og fluttu innblásnar ræður um hin ýmsu efni sem tengjast því sem TEDx stendur fyrir, Technology, Entertainment, Design; eða tækni, skemmtun og hönnun á íslensku. Auk þess var örfyrirlestrum varpað á skjá, svokölluðum TED-TAlk, eftir hina ýmsu athafnamenn og konur.

Verðlaunabikar

Harla ólíklegt þykir að Ármann Þorvaldsson, fyrrverandi bankastjóri Kaupthing Singer & Friedlander, banka í eigu Kaupþings í Bretlandi, verði tekinn á beinið fyrir að leka innherjaupplýsingum í bók sinni Ævintýraeyjan.

Kraftmikill bankastjóri

Keppinautar Kaupþings fá ekki síðri útreið en meðreiðarsveinar Ármanns hjá bankanum. Sigurjón Þ. Árnason, fyrrverandi bankastjóri Landsbankans, segir Ármann bera það með sér að hafa snætt í tvígang með jafn mörgum viðskiptavinum í hádeginu á hverjum degi.

Breska fjármálaeftirlitið: Vill harðari reglur vegna íslenska bankahrunsins

Stjórnarformaður breska fjármálaeftirlitsins (FSA), Lord Turner, vill koma á fót nefnd sem hefur vald til þess að taka fram fyrir hendurnar á eftirlitsaðilum einstakra ríkja í þeim tilgangi að vernda þjóðir fyrir bankahruni eins og gerðist á Íslandi á síðasta ári.

Landsbankinn tekur yfir Húsasmiðjuna

Eignarhaldsfélagið Vestia hefur eignast Húsasmiðjuna að fullu samkvæmt tilkynningu frá Húsasmiðjunni. Þar kom fram að þann 6. október, á aðalfundi Húsasmiðjunnar, hafi fráfarandi stjórn félagsins samþykkt að afskrifa allt hlutafé þáverandi eiganda í félaginu og gefa út nýtt hlutafé.

New York flugi Iceland Express vel tekið

Sala á flugsætum til New York á vegum Iceland Express næsta sumar hefur fengið fljúgandi start og hefur salan komið forsvarsmönnum fyrirtækisins gríðarlega á óvart. Matthías Imsland framkvæmdastjóri segir að þegar hafi þeir selt rúmlega fjórðung þeirra sæta sem til stóð að selja hér á landi. „Þessi sterku viðbrögð hafa komið okkur mjög á óvart og fólk virðist tilbúið til þess að stökkva á að komast til New York á góðu verði,“ segir hann.

Nýja Kaupþing: Coca Cola hótaði ekki bankanum

Fram kemur í tilkynningu frá Nýja Kaupþingi að Coca Cola fyrirtækið hótaði ekki bankanum líkt og haldið var fram í Fréttaaukanum í Ríkissjónvarpinu síðastliðið sunnudagskvöld. Það sama sagði Þorsteinn M. Jónsson, stjórnarformaður Vífilfells, í gær. Auk þess stæði ekki til að afskrifa skuldir sem tengjast fyrirtækinu.

HB Grandi hækkaði um 52,2% í kauphöllinni

Hlutir í HB Granda hækkuðu um 52,2% í töluverðum viðskiptum í kauphöllinni í dag. Námu viðskiptin 7 milljónum kr. Úrvalsvísitalan átti góðan dag og hækkaði um 1,2% Stendur vísitalan nú í 812 stigum.

Heimsmarkaðsverð á gulli slær nýtt met

Heimsmarkaðsverð á gulli sló nýtt met í dag þegar únsan fór í 1038 dollara á markaðinum í New York. Fyrra verðmet var sett í mars í fyrra þegar únsan náði 1033,90 dollurum.

Skatttekjur Akureyrar hækka um 426 milljónir

Í endurskoðaðri fjárhagsáætlun Akureyrar kemur fram að skatttekjur bæjarins hækka um 426 milljónir kr. og verða 7,4 milljarðar kr. Munar þar mestu um auknar útsvarstekjur upp á 318 milljónir kr.

Iceland Express flýgur til Rotterdam í sumar

Iceland Express ætlar að hefja flug til Rotterdam í Hollandi næsta sumar. Flogið verður einu sinni í viku frá og með 2. júni, á fimmtudögum. Þar með fjölgar áfangastöðum félagsins í 25 og hafa aldrei verið fleiri, að því er segir í tilkynningu frá félaginu.

Verð á þorski og ýsu til skyldra aðila hækkar um 15%

Á fundi Úrskurðarnefndar sjómanna og útvegsmanna var ákveðið að hækka verð á slægðum og óslægðum þorski, sem ráðstafað er til eigin vinnslu eða seldur til skyldra aðila, um 15%.

SI: Bankarnir ráðleggja fyrirtækjum kennitöluflakk

Í nýrri könnun sem starfsmenn Samtaka iðnaðarins (SI) hafa gert meðal umsvifamestu félagsmanna sinna kemur m.a. fram að bankarnir ráðleggja þeim að fara í kennitöluflakk.