Fleiri fréttir

Eyrir skilar 300 milljóna króna hagnaði

Fjárfestingafélagið Eyrir Invest hagnaðist um 298 milljónir króna á fyrstu sex mánuðum ársins samanborið við 2,2 milljarða króna hagnað á sama tíma í fyrra.

Hagnaður MP fjárfestingabanka eykst

Hagnaður MP fjárfestingabanka á fyrstu sex mánuðum ársins 2008 nam 1.525 milljónum króna. Þetta er 36,4% aukning samanborið við fyrstu sex mánuði ársins 2007. Hagnaður bankans fyrir skatta á fyrri helmingi ársins nam 1.540 milljónum króna, sem er 16,5% aukning frá sama tíma í fyrra.

Century Aluminum hækkar mest annan daginn í röð

Gengi hlutabréfa í Century Aluminum, móðurfélagi Norðuráls, hækkaði um tæp 3,4 prósent í Kauphöllinni í dag. Þetta er mesta hækkun dagsins og annar dagurinn í röð sem gengi bréfa í félaginu tekur stökk uppá við. Þá hækkaði gengi bréfa í Eimskipafélaginu um tæp tvö prósent á sama tíma. Gengi bréfa í Kaupþingi hækkaði um rétt tæpt prósent og Landsbankansum um rúm 0,6 prósent.

Gústaf veldur olíuverðshækkun

Fellibylnum Gústaf er um að kenna að heimsmarkaðsverð á hráolíu hefur hækkað um rúma 2,6 dali á tunnu í dag og fór í rúma 117 dali á tunnu. Fellibylurinn olli talsverðum usla á Haítí í gær en reiknað er með að hann komi sterkur inn á Mexíkóflóa síðar í vikunni og nemi land í Bandaríkjunum á mánudag.

Landsvirkjun hagnaðist um sjö milljarða á fyrri árshelmingi 2008

Hagnaður Landsvirkjunar fyrstu sex mánuði ársins 2008 nam tæplega 83,5 milljónum bandaríkjadala, eða um 6,8 milljörðum íslenskra króna, samkvæmt rekstrarreikningi. Rekstrarhagnaður fyrir fjármagnsliði og skatta (EBIT) nam 138 milljónum Bandaríkjadala, eða 11,4 milljörðum króna.

Þrengir að breskum byggingafyrirtækjum

Breska byggingafyrirtækið Taylor Wimpey tapaði 1,54 milljörðum punda, jafnvirði rúmra 235 milljarða íslenskra króna, á fyrstu sex mánuðum ársins. Fall á fasteigna- og lóðamarkaði í Bretlandi, Bandaríkjunum og Spáni skýrir tapreksturinn. Sé fasteignaverðmætið undanskilið afkomutölunum nam hagnaður fyrirtækisins 4,3 milljónum punda.

Atlantic Petroleum fellur um tæp sex prósent

Gengi hlutabréfa í færeyska olíuleitarfélaginu Atlantic Petroleum féll um 5,8 prósent við upphaf viðskiptadagsins í Kauphöllinni í dag. Félagið greindi frá því í gær að það hefði hætt olíuleit á Hook Head-svæðinu þar sem niðurstöður hefðu ekki skilað viðunandi niðurstöðu.

Krónan óbreytt

Gengi krónunnar hefur haldist nær óbreytt frá í gær og stendur gengisvísitalan í 158,6 stigum.

Líkur á hærri stýrivöxtum í Bandaríkjunum

Þegar næst verður hreyft við stýrivöxtum í Bandaríkjunum þá verða þeir hækkaðir. Þetta kemur fram í minnipunktum af síðasta vaxtaákvörðunarfundi bandaríska seðlabankans í síðasta mánuði, sem birtir voru í gær. Ekki liggur þó fyrir hvenær ákvörðun um slíkt mun verða tekin en reiknað er með óbreyttum stýrivöxtum vestanhafs fram í nóvember.

Verðbólgan 14,5 prósent í ágúst

Verðbólgan í ágústmánuði mælist 14,5 prósent eftir að vísitala neysluverðs hækkaði um 0,9 prósent á milli mánaða. Þetta kemur fram í nýjum tölum Hagstofunnar.

Telur að botn­i sé náð

„Þetta er fínn tími til að fara inn, hvort sem botninum er þegar náð eða er skammt undan," segir Sigurður Bollason athafnamaður.

Samdrátturinn sést í sorpinu

„Minni losun sorps frá fyrirtækjum er vísbending um hvert stefnir í hagkerfinu," segir Björn H. Halldórsson, framkvæmdastjóri Sorpu.

Exista kýs að greiða lánið

„Það var ákveðið fyrir nokkru að óska ekki eftir framlengingu á þeim hluta lánsins sem er á gjalddaga og nýta frekar sterka lausafjárstöðu félagsins til að greiða hann upp,“ segir Sigurður Nordal, framkvæmdastjóri samskiptasviðs Existu. Skuldir Existu lækkuðu um einn milljarð evra á fyrri hluta árs.

Landvinningar í Kína

Óskari Jónssyni, forstjóra Green Diamond, datt í hug að framleiða harðkorna skósóla í kjölfar þess að Ólafur Jónsson í Nýiðn hóf framleiðslu á harðkorna dekkjum. Óskar hóf þróun á verkefninu árið 2000 sem leiddi til þess að hann vann nýsköpunarverðlaunin á Íslandi og Evrópuverðlaunin árið 2003 í Belgíu.

Hálfur heimurinn er í eða á barmi kreppu

Efnahagsvandræði þau sem hófust með undirmálslánakreppunni í Bandaríkjunum fyrir tæpu ári hafa nú breiðst út um nær allan heim. Samkvæmt nýrri skýrslu Goldman Sachs sem birt var á fimmtudag í síðustu viku er helmingur heimshagkerfisins í kreppu eða á barmi hennar.

Engin svör frá Samvinnutryggingum

„Við náðum ekki að klára þetta áður en menn fóru í sumarfrí,“ segir Kristinn Hallgrímsson, formaður skilanefndar Eignarhaldsfélagsins Samvinnutrygginga. Hann gerir ráð fyrir því að skilanefndin komi saman í september.

Sólarkísilverksmiðja farin út af kortinu

„Margir þættir réðu þessari ákvörðun. Þar á meðal orkuöflun og verð, aðgangur að hæfu vinnuafli, verksmiðjustæðið og fleira. Staðan í stjórnmálum á Íslandi hefur hins vegar ekki verið neinn lykilþáttur í okkar ákvörðunum,“ segir Erik Thorsen, forstjóri norska stórfyrirtækisins REC (Renewable Energy Corporation).

Engar samrunaviðræður

„Við erum að gæta varfærni, taka niður eignasafnið vegna markaðsaðstæðna og búa í haginn fyrir erfiðan vetur," segir Ragnar Z. Guðjónsson, sparisjóðsstjóri Byrs.

Væntingavísitalan áfram undir svartsýnismörkum

Væntingavísitala Gallup mældist 74,1 stig í ágúst og er því enn undir 100 stiga mörkunum sem skilja á milli bjartsýni og svartsýni. Þetta er lægsta gildi vísitölunnar sem mælst hefur í ágústmánuði en hún hækkar þó um tæp þrettán stig frá því í júlí þegar hún var í lægsta gildi frá upphafi mælinga. Væntingavísitalan hefur þó yfirleitt haft þá tilhneigingu að vera lág í júlí og hækka í ágúst.

Century Aluminum hækkaði mest

Gengi hlutabréfa í Century Aluminum, móðurfélagi álversins á Grundartanga, hækkaði um 2,81 prósent í Kauphöllinni í dag og er það mesta hækkun dagsins. Gengi bréfa í stoðtækjafyrirtækinu Össuri hækkaði um 0,55 prósent á sama tíma, í Icelandair um 0,51 prósent og í Marel um 0,35 prósent.

Olíuverð hækkar sökum veðurfars

Heimsmarkaðsverð á hráolíu rauk upp um rúma tvo dali á tunnu í dag eftir að veðurfræðingar sögðu hætt við því að fellibylurinn Gústaf geti farið inn í Mexíkóflóa. Fimmtungur af olíuframleiðslu Bandaríkjamanna er við flóann og getur skerðing á vinnslunni af völdum veðurfars sett stórt skarð í heildarframleiðslu landsins, að sögn Bloomberg-fréttaveitunnar.

VBS úr plús í mínus

VBS fjárfestingarbanki tapaði 870 milljónum króna á fyrstu sex mánuðum ársins samanborið við 1,1 milljarða króna hagnað á sama tíma í fyrra. Forstjórinn segir tekjustreymi bankans gott og grunnstarfsemina góða.

Siðanefnd gagnrýnir Dagens Næringsliv fyrir frétt um Kaupþing

Siðanefnd norska blaðamannafélagsins fjallaði í dag um kæru Kaupþings vegna fyrirsgagnar sem birtist á forsíðu norska viðskiptalaðisins Dagens Næringsliv þann 10. maí síðastliðinn. Siðanefndin komst að þeirri niðurstöðu að fyrisögnin, „Kúnnarnir flýja", hafi ekkert átt skylt við efni fréttarinnar sem hún vísaði til inni í blaðinu, að því er fram kemur í tilkynningu frá Kaupþingi.

Exista leiðir lækkanalestina

Gengi hlutabréfa í Existu hefur fallið um rúm 3,3 prósent frá upphafi viðskiptadagsins í Kauphöllinni í dag. Þetta er mesta fall dagsins. Gengi bréfa í fjármálaþjónustufélaginu rauk upp í byrjun mánaðar en tók að gefa eftir í síðustu viku.

Virgin Atlantic flýgur inn úr góðu ári

Rekstrarhagnaður breska millilandaflugfélagsins Virgin Atlantic nam 34,8 milljónum punda, jafnvirði 5,3 milljarða íslenskra króna, á síðasta ári. Til samanburðar nam hagnaðurinn litlum sex milljónum punda í hitteðfyrra.

Askja og Kia flytja á Krókháls

Bílaumboðin Askja og Kia á Íslandi munu á næstu vikum flytja starfsemi sína að Krókhálsi 11 í nýtt og rúmgott húsnæði þar sem Ræsir hefur verið til húsa. Gengið var frá samningum þess efnis síðdegis í gær.

Atorka tapaði tveimur milljörðum á öðrum ársfjórðungi

Atorka Group tapaði rétt rúmum tveimur milljörðum eftir skatta á öðrum ársfjórðungi eftir því sem fram kemur í tilkynningu frá félaginu til Kauphallar nú fyrir skömmu. Alls nam tapið á fyrri helmingi ársins rétt tæpum fjórum milljörðum.

Teymi stökk upp um 40 prósent

Gengi hlutabréfa í Teymi rauk upp um tæp 40 prósent í Kauphöllinni í dag. Einungis tvenn viðskipti liggja á bak við viðskiptin upp á samtals rétt rúmar fimmtíu þúsund krónur. Gengi bréfa í færeyska olíuleitarfélaginu Atlantic Petroleum stökk upp um 4,85 prósent og í Spron um fjögur prósent á sama tíma. Þá hækkaði gengi bréfa Færeyjabanka um 0,32 prósent og Icelandair um 0,25 prósent.

Hagnaður Byrs dregst verulega saman

Byr sparisjóður hagnaðist um 215,6 milljónir króna á fyrri hluta ársins. Þetta er 95 prósenta samdráttur á milli ára því á sama tíma í fyrra nam hagnaður sparisjóðsins rúmum 4,3 milljörðum.

Olíuleitarfélagið eitt á uppleið

Gengi hlutabréfa í færeyska olíuleitarfélaginu Atlantic Petroleum hefur hækkað um 4,85 prósent frá því viðskipti hófust í Kauphöllinni fyrir um hálftíma. Gengi annarra fyrirtækja hefur lækkað lítillega á sama tíma.

Krónan veiktist lítillega

Gengi íslensku krónunnar hefur veikst um rúm 1,8 prósent í dag og stendur gengisvísitalan í 156,9 stigum.

Óttast frekari afskriftir fjármálafyrirtækja

Gengi hlutabréfa hefur almennt lækkað á evrópskum hlutabréfamörkuðum í dag. Bloomberg-fréttaveitan segir fjárfesta óttast að fjármálakreppan sé dýpri en áður var talið. Muni afskriftir fjármálafyrirtækja halda áfram og muni nú koma harðar niður á gengi annarra fyrirtækja utan fjármálageirans en áður.

Seðlabankinn kaupir Hróarskeldubanka

Danski seðlabankinn mun leiða hóp annarra danskra fjármálafyrirtækja í kaupum á Roskilde Bank. Ástæðan er sú að annar kaupandi fannst ekki að bankanum, sem hefur rambað á barmi gjaldþrots eftir gengisfall á hlutabréfamörkuðum og mikilla afskrifta á fasteignalánum.

Bernanke óviss um verðbólguhorfur

Verðbólguhorfur í Bandaríkjunum eru mjög tvísýnar, að sögn Bens Bernanke seðlabankastjóra. Hann segir jafnframt að verðhækkanir í Bandaríkjunum og lausafjárkrísan þar hafi skollið mjög hörkulega á Bandaríkjamenn.

Kreppan leggur norskt fyrirtæki

Í vikunni varð norska verðbréfafyrirtækið Car gjaldþrota. Starfsemi fyrirtækisins hefur ekki farið hátt hér á landi utan að greinandi þess spáði Kaupþingi miklum hrakförum í júní síðastliðnum.

Gengur sáttur frá Innova

Engilbert Runólfsson, forstjóri Innova og jafnframt eigandi þess, hefur selt fyrirtækið. Gengið hefur verið frá samningum þess efnis. Innova er móðurfélag byggingafélaganna JB Byggingafélag og Ris sem eru með stærri byggingafélögum hér á landi. Það eru starfsmenn fyrirtækjanna sem standa að kaupunum.

Úrvalsvísitalan hækkaði um 0,88%

Íslenska úrvalsvísitalan hækkaði um 0,88% í dag. Mest hækkuðu bréf í Føroya banka, eða um 6,14%. Bréf i SPRON hækkuðu um 2,98% og bréf í Icelandair Group hækkuðu um 2,87%.

Fjárfestar flýja Rússland vegna Georgíu

Innrás Rússa í Georgíu hefur valdið svo miklum flótta fjárfesta frá Rússlandi að annað eins hefur ekki sést síðan í rúblu-krísunni miklu árið 1998.

Sjá næstu 50 fréttir

Mest lesið