Heitir tímabundið MS/MBF

Mjólkursamsalan hefur nú formlega sameinast Mjólkurbúi Flóamanna og hefur nú fengið nýtt nafn sem reyndar er einungis skammstöfun, MS/MBF. Það er til allrar hamingju tímabundin ráðstöfun því ný stjórn ætlar að velja nýtt nafn fljótlega að undangenginni samkeppni meðal starfsmanna og mjólkurframleiðenda þess.

Boeing og Airbus berjast í Asíu

Flugvélaframleiðendurnir Airbus og Boeing keppast nú við að selja flugfélögum í Asíu framleiðslu sína en eftirspurn flugfélaga í álfunni eftir flugvélum hefur aukist mikið með batnandi efnahag. Boeing, sem er bandarískt fyrirtæki, hefur að undanförnu misst fjölmarga samninga til evrópska samkeppnisaðilans Airbus.

Reynt að halda viðskiptum FL Group

Forstjóri Skeljungs, sem selur Icelandair eldsneyti, segir að fyrirtækið ætli að reyna að halda viðskiptunum, en flugfélagið ætlar að hefja eigin innflutning. Flugleiðir keyptu á síðasta ári eldsneyti fyrir tæplega sex milljarða króna, þar af um helminginn hér á landi.

Methagnaður og kaup á banka

KB banki hefur gert bindandi tilboð í breska bankann Singer & Friedlander. Stjórn breska bankans hefur ákveðið að mæla með tilboðinu. Þar með er nánast ekkert sem komið getur í veg fyrir að KB banki kaupi breska bankann. KB banki birti einnig uppgjör sitt í gær og nam hagnaður bankans rúmum ellefu milljörðum á fyrstu þremur mánuðum ársins sem er í samræmi við spár.

Keahótel reka Hótel Borg

Keahótel og Hótel Borg undirrituðu í gær samning um að fyrrnefnda félagið taki við rekstri Hótel Borgar við Austurvöll. Ekki er um kaup á hótelinu að ræða heldur var gerður leigusamningur til næstu 15 ára. Þetta kemur fram í tilkynningu frá Keahótelum.

Vinna saman að tilboði í Símann

Hópur fjárfesta vinnur nú að tilboði í Símann. Í hópnum eru Atorka Group, Frosti Bergsson, Jón Helgi Guðmundsson, Jón Snorrason og Sturla Snorrason. Hópurinn útilokar ekki samstarf við aðra, en í fréttatilkynningu frá þeim segir að fjárfestarnir hafi ekki starfað saman áður. Þeir vonast til að einkavæðingarferlið verði gagnsætt þannig að allir sitji við sama borð.

FL Group íhugar olíuinnflutning

Stærsti kaupandi eldsneytis á landinu íhugar að hefja innflutning sjálfur og hefur fest sér lóð fyrir birgðastöð. Forsvarsmenn FL Group útiloka ekki að hefja sölu á flugvélabensíni til annarra flugfélaga.

Nýta sér forkaupsrétt í Mogganum

Hluthafar í <em>Morgunblaðinu</em> hafa skrifað sig fyrir þeim hlut sem var til sölu í blaðinu og er því útlit fyrir að ekkert verði af sölu hans til hóps tengdum Íslandsbanka.

Gerir tilboð í Singer&Friedlander

Kaupþing banki, sem á tæp tuttugu prósent í breska bankanum Singer og Friedlander, hefur gert bindandi kauptilboð í bankann upp á röska 64 milljarða króna. 

Hagnaður Avion 2,5 milljarðar

Hagnaður af rekstri Avion Group, móðurfélags Atlanta, Íslandsflugs og Exel Airways, nam tveimur og hálfum milljarði króna eftir skatta í fyrra og munaði þar mestu um mikinn hagnað af Exel Airways.

Hagnaður jókst um 266%

Hagnaður af rekstri Kaupþings banka eftir skatta á fyrsta ársfjórðungi nam ellefu milljörðum króna og jókst um rúm 266 prósent frá sama tímabili í fyrra. Hagnaður á hvern hlut nam 17 krónum en var sjö krónur í fyrra.

Verðmæt stofnfjárbréf í SPH

Nýir stjórnendur hafa mikinn hag af því að bæta rekstur Sparisjóðs Hafnarfjarðar. Stofnfjárbréf eru ekki nema brot af eigin fé sjóðsins en fjárfestar gætu verið tilbúnir að borga mjög hátt verð til að komast yfir sparisjóðinn.

Myndlistin í sókn

Tryggvi Páll Friðriksson telur að markaður með myndlist sé vanmetinn og verð muni hækka. Málverk getur verið órjúfanlegur hluti af lífi einstaklings segir hann í samtali við Eggert Þór Aðalsteinsson.

Varað við erlendri skuldasöfnun

Viðskiptahallinn í ár stefnir í að vera sá mesti síðan eftir fyrra stríð og á sér ekki hliðstæðu í þróuðu ríki. Seðlabankastjóri segir skuldasöfnun helst ógna stöðu þjóðarbúsins en fjármálakerfið sé í meginatriðum traust.

Birta skýrslu Morgan Stanley

Einkavæðingarnefnd tekur ákvörðun á fundi sínum í dag um hvort birta eigi ráðgjafaskýrslu Morgan Stanley, sem unnin var í tenglsum við undirbúning á sölu Símans. Samkvæmt heimildum Markaðarins má telja öruggt að það verði gert á næstunni.

Methagnaður BP-olíurisans

Breska risaolíufyrirtækið BP, sem m.a. vinnur olíu úr Norðursjó, skilaði methagnaði á fyrsta ársfjórðungi þessa árs. Olíuhluti Norsk Hydro sýndi líka mjög góða afkomu.

Ekki aðhafst frekar

KB banki segir að Fjármálaeftirlitið hafi lýst því yfir við bankann að það telji ekki tilefni til að aðhafast frekar í máli er varðar ítrekuð tilmæli Fjármálaeftirlitsins til bankans um að hann veiti fyrrverandi viðskiptavini tilteknar upplýsingar.

Hagnaður Straums 4,5 milljarðar

Straumur Fjárfestingabanki hagnaðist um rúma fjóra og hálfan milljarð eftir skatta á fyrsta þremur mánuðum ársins. Það er 127 prósenta hækkun miðað við árið í fyrra en þá nam hagnaðurinn rúmum tveimur milljörðum.

Enn barist um vörumerkið Iceland

Enn er barist um notkun orðsins Iceland sem vörumerkis. Breska verslanakeðjan Iceland, sem er í eigu Baugs, hafði boðist til að draga til baka umsókn um einkarétt á skráningu heitisins í löndum Evrópusambandsins, að beiðni íslenskra stjórnvalda.

Almenningur í klemmu

Almenningur ehf. sem hyggst bjóða í hlut í Símanum er í klemmu milli þess að undirrita trúnaðareið vegna útboðsgagna við sölu Símans og þess að upplýsa væntanlega hluthafa félagsins.

Esso hækkar olíu- og bensínverð

Olíufélagið Esso hefur hækkað verð á bensíni og díselolíu um eina krónu og fimmtíu aura og má rekja hækkunina til hækkunar á heimsmarkaðsverði og lækkunar á gengi krónunnar. Gengi krónunnar lækkaði um liðlega eitt prósent í gær sem er mikil lækkun á einum degi.

Nýr sparisjóðsstjóri í Hafnarfirði

Ný stjórn Sparisjóðs Hafnarfjarðar, sem komst til valda í síðustu viku, hefur þegar skipt um sparisjóðsstjóra. Björn Ingi Sveinsson, fyrrverandi borgarverkfræðingur, sem ráðinn var sparisjóðsstjóri síðastliðið haust hefur nú vikið fyrir Magnúsi Ægi Magnússyni sem starfað hefur hjá Sparisjóðnum í sjö ár.

Skeljungur og Olís í fótspor Esso

Öll stóru olíufélögin, Esso, Olís og Skeljungur, hafa hækkað verð á bensíni og díselolíu um eina krónu og fimmtíu aura og má rekja það til hækkunar á heimsmarkaðsverði og lækkunar krónunnar.

Fékk ekki að kveðja starfsfólk

Nýrri stjórn Sparisjóðs Hafnarfjarðar lá svo á að reka sparisjóðsstjórann í gær að hann fékk ekki að kveðja starfsfólkið á starfsmannafundi eins og til stóð.

Íbúðarverð hækkar um 13%

Hækkun á verðmæti íbúðarhúsnæðis á höfuðborgarsvæðinu á fyrsta ársfjórðungi nemur þrettán prósentum. Það jafngildir 315 þúsund krónum á hvern íbúa samkvæmt morgunkorni Íslandsbanka. Það bætist við drjúga verðmætaaukningu á síðasta ári þegar verð íbúða á svæðinu hækkaði um 23 prósent.

Skattaumhverfi gæti orðið betra

Íslensk fyrirtæki greiða ekki háan tekjuskatt miðað við fyrirtæki í öðrum löndum og skattaumhverfi hér gæti orðið með því besta í heiminum, samkvæmt skýrslu sem Deloitte vann fyrir Samtök atvinnulífsins. Frjáls félagasamtök telja hins vegar skattaumhverfið óhagstætt góðgerðafélögum.

Olíuverð hækkar á ný

Olíuverð fer nú hækkandi á ný eftir að bilanir komu upp í olíuhreinsunarstöðvum í Bandaríkjunum. Að auki ríkir vissa um að jaðra muni við skort þegar sumarleyfatímabilið hefst á Vesturlöndum en þá eykst eldsneytisþörfin jafnan. Á Bandaríkjamarkaði kostaði fatið um 56 dollara.

Frekari fjárfestingar í Hollandi

Samskip hafa keypt frystiflutninga- og geymslustarfsemi hollenska flutningafyrirtækisins Kloosterboer og verður hún sameinuð frystiflutningastarfsemi Samskipa. Með kaupunum eykst heildargeymslupláss Samskipa á frystum sjávarafurðum um 84 þúsund tonn, en fyrir var Samskip með sex þúsund tonna frystigeymslu í Sundahöfn.

Samruni við Línu.Net samþykktur

Samkeppnissráð samþykkti í dag samruna Og Vodafone og Línu.Nets. Þetta kemur fram á heimasíður Kauphallar Íslands. Í ákvörðun ráðsins segir að samkeppnisráð telji ekki ástæðu til að aðhafast frekar vegna samrunans.

Straumur kaupir meira

Straumur fjárfestingarbanki keypti á föstudag bréf í Íslandsbanka fyrir þrjá milljarða króna. Þessi kaup benda eindregið til þess að Straumur muni leggja upp í lokaorrustu um bankann. Kaupin verða tilkynnt á mánudag. Eigendur Landsbankans og viðskiptafélagar þeirra hafa veruleg ítök í hluthafahópi Straums.

Ný stjórn komst til valda í SPH

Óvænt tíðindi urðu á óvenju löngum aðalfundi Sparisjóðs Hafnarfjarðar í gær þegar ný stjórn komst til valda með naumum meirihluta. Páll Pálsson fer fyrir nýju stjórninni en samkvæmt heimildum fréttastofu fara nýju stjórnarmennirnir fyrir þeim hópi stofnfjárfesta sem eru óánægðir með afkomu sjóðsins.

Dregur úr hækkun íbúðaverðs

Verð íbúðarhúsnæðis á höfuðborgarsvæðinu hækkaði um 2,4% milli febrúar og mars samkvæmt upplýsingum frá Fasteignamati ríkisins. Næstu mánuði á undan mældist meiri hækkun á milli mánaða, um eða yfir 5% þegar litið er til janúar og febrúar á þessu ári. Þetta kemur fram í Morgunkorni Íslandsbanka.

50 milljarða kortaviðskipti

Seðlabankinn segir að gríðarleg eyðsla landsmanna að undanförnu geti leitt til þenslu í hagkerfinu sem ástæða sé til að hafa áhyggjur af. Landsmenn hafa sjaldan eytt eins miklu og á fyrstu þremur mánuðum ársins þegar þeir notuðu kreditkort fyrir tæplega fimmtíu milljarða króna.

Tenging rafrænna viðskipta

Síminn hefur sett á markað nýja lausn, svokallaða „Viðskiptamiðju, sem er virðisaukandi þjónusta ofan á IP-net Símans. Lausnin hentar sérstaklega þeim fyrirtækjum sem þurfa að tengjast öðrum fyrirtækjum, stórum sem smáum, í rafrænum viðskiptum, að því er segir í tilkynningu.

Telur hátt olíuverð draga úr áhuga

Forstjóri bílaumboðsins Heklu telur að hátt verð á díselolíu sé í andstöðu við tilganginn með afnámi þungaskatts og dragi úr áhuga almennings á að eignast díselbíl.

Ætlum að stækka sjóðinn

Páll Pálsson, nýr stjórnarformaður Sparisjóðs Hafnarfjarðar boðar útrás. Gamla stjórnin var felld í æsispennandi stjórnarkjöri. Atburðarásin kemur fráfarandi stjórnarmanni mjög á óvart. </font /></b />

Enn fækkar í Kauphöllinni

Enn fækkar skráðum félögum í Kauphöll Íslands með kaupum Atorku á 65 prósenta hlut í Austurbakka fyrr rúman hálfan milljarð. Kaupendur munu gera öðrum eigendum yfirtökutilboð og væntanlega afskrá félagið úr Kauphöllinni í sumar.

Ævintýraleg ávöxtun á bankabréfum

Allt að 850 prósenta ávöxtun af bankabréfum frá 1998. Átta þúsund krónur í Búnaðarbankanum eru orðnar að 75.000 krónum í KB banka. Sá sem keypti hámarkshlut í Landsbankanum fyrir 104.000 krónur hefur fengið yfir 750 prósenta ávöxtun.

Stjórnarmenn bankans sæti ábyrgð

Stórir hluthafar í Straumi íhuga að láta opinbera matsmenn meta raunvirði Sjóvár-Almennra og að láta þá stjórnarmenn Íslandsbanka, sem gengu frá sölu á Sjóvá-Almennum út úr bankanum, sæta fjárhagslegri ábyrgð á hugsanlegum mismun á matsvirði og söluvirði.

Enn deilt um völdin í Íslandsbanka

Enn og aftur er deilt um völdin í Íslandsbanka. Stærstu hluthafar bankans höfðu áhuga á að kaupa tryggingafélagið Sjóvá en einungis öðrum var boðið að samningaborðinu.

Verðbólga eilítið hærri en á EES

Samræmd vísitala neysluverðs í EES-ríkjum var 116,9 stig í mars og hækkaði um hálft prósent frá febrúar. Á sama tíma var vísitalan fyrir Ísland 129,8 stig, hækkaði um 0,4 prósent frá fyrra mánuði. Frá mars 2004 til jafnlengdar árið 2005 var verðbólgan að meðaltali tvö prósent í ríkjum EES en hún var 2,1 prósent á evrusvæðinu og 2,5 prósent á Íslandi.

Deilir um gögn við eftirlit

Þrátt fyrir ítrekuð tilmæli Fjármálaeftirlitsins um að KB banki afhendi tiltekin gögn hefur bankinn ekki orðið við þeim með fullnægjandi hætti. Þá hefur bankinn á síðari stigum sagst myndu vísa því til kærunefndar ef Fjármálaeftirlitið ítrekaði tilmæli sín enn frekar og hefur aðili málsins sent viðskiptaráðherra til athugunar hvort það samrýmist lögum um fjármálastofnanir og tilskipanir Evrópusambandsins.

Loftleiðir leigja Bretum flugvél

Loftleiðir Icelandic hafa samið við breska flugfélagið British Midland Airways um leigu á einni Boeing 757 þotu. Samningurinn er til 6 mánaða og tekur gildi þann 13. maí næstkomandi að því er fram kemur í tilkynningu frá Loftleiðum.

Þáttur kaupir tvo þriðju í Sjóvá

Íslandsbanki hf. og Þáttur eignarhaldsfélag ehf. hafa komist að samkomulagi um kaup Þáttar á 66,6 prósent hlutafjár í Sjóvá fyrir 17,5 milljarða króna. Íslandsbanki mun áfram eiga 33,4 prósent hlutafjár í Sjóvá og samstarf bankans og vátryggingarfélagsins, einkum á sviði sameiginlegrar vöruþróunar og markaðsfærslu, verður með óbreyttum hætti. Þetta kemur fram í tilkynningu frá Íslandsbanka og Sjóvá.

Síminn kvartar vegna Og1

Landssími Íslands hefur kvartað til Samkeppnisstofnunar yfir auglýsingum vegna Og1, nýrrar þjónustu Og Vodafone. Landssíminn telur að auglýsingar vegna Og1 séu ólögmætar því óheimilt sé að gefa til kynna í auglýsingum eða með öðrum hætti að þjónusta fyrirtækis sé að kostnaðarlausu ef greiða þarf fyrir einhvern þátt þjónustunnar.