Rooney skorar í æfingaleik

Wayne Rooney tók þátt í æfingaleik með Manchester United í dag, gegn Macclesfield. Hann skoraði fyrra markið í 2-1 sigri United, Frazier Campbell skoraði annað markið eftir að Danny Swailes jafnaði fyrir Macclesfield.

Keflavík vann grannaslaginn

Keflvíkingar lögðu granna sína í Grindavík 2-0 í Reykjanesbæ í kvöld. Þeir Þórarinn Kristjánsson og Stefán Örn Arnarson skoruðu mörk Keflvíkinga. Keflvíkingar yfirspiluðu Grindvíkinga í fyrri hálfleik en drógust svo til baka í þeim seinni. Með sigrinum lyftu Keflvíkingar sér upp í þriðja sæti deildarinnar.

Valur og KR sigruðu

Valsmenn rúlluðu yfir Eyjamenn 5-0 á laugardalsvellinum í kvöld. Garðar Jóhannsson skoraði þrennu og Matthías Guðmundsson skoraði tvö mörk. KR lagði Fylki að velli 2-1 í Árbænum þar sem Björgólfur Takefusa skorað bæði mörk KR-inga en Albert Ingason minkaði muninn undir leikslok fyrir Fylkir.

Sigmundur Einar Másson gæti náð langt

Úlfar Jónsson hrósar Sigmundi fyrir gott hugarfar fyrir golfíþróttina. Hann telur að Sigmundur geti náð langt í íþróttinni, ekki síst vegna góðrar æfingaaðstöðu í Bandaríkjunum.

Bologna fylgist með Veigari Páli

Veigar Páll er markahæstur í norsku deildinni og þakkar það ekki síst breyttu mataræði. Mörg erlend lið eru sögð vera að fylgjast með framgangi Veigars Páls, meðal annars Tottenham, Charlton og Bologna.

Framkvæmdir á áætlum

Framkvæmdir á laugardalsvelli eru á áætlun og selt verður í 10.000 sæti fyrir vináttuleikinn við Spánverja, Þriðjudaginn 15. ágúst. Þakið er þó ekki tilbúið og aðstaða veitinga og fjölmiðla verður ekki klárt fyrr enn um áramót.

Skipt um dómara í miðjum leik

Jóhannes Valgeirsson gat ekki haldið áfram dómgæslu í leiknum vegna þeirra meiðsla sem hann varð fyrir í Grindavík fyrir skömmu. Garðar Örn Hinriksson hefur tekið við flautunni en hann dæmdi leik ÍA og FH í gær. Staðan í leiknum er 1-0 fyrir KR, Björgólfur Takefusa skoraði úr vítaspyrnu á 51. mínútu.

Léttur æfingaleikur hjá Arsenal

Arsenal tók austurríska liðið Schwadorf ,sem leikur í þriðju deild, í bakaríið 8 -1 í æfingaleik sem fram fór í Austurríki í dag.

Þjálfarinn fengi einnig bann

Trevor Graham þjálfari Justin Gatlin gæti átt yfir höfði sér allt að tveggja ára keppnisbann ef Gatlin verður fundin sekur um lyfjamisferli. Þetta hefur Nick Davies, talsmaður alþjóða frjálsíþróttasambandsins, staðfest.

Heimsmet í 4x100 metra skriðsundi kvenna

Þýsku stúlkurnar Daniela Goetz, Petra Dallmann, Annika Liebs og Britta Steffen, frá vinstri, sjást hér með gullmedalíur sínar. Þær sigruðu 4x100 metra skriðsund á nýju heimsmeti 3 mínútur og 35,22 sekúndur, á Evrópumótinu í sundi sem fram fer í Búdapest í Ungverjalandi.

Carlos fer hvergi

Roberto Carlos hefur lýst yfir áhuga sínum á því að vera áfram hjá stórliði Real Madríd. Það gerði hann eftir fund með nýja þjálfaranum Fabio Capello. Hann segist vilja vera hjá liðinu fram á sumarið 2008.

Sævar og Rúnar munu þjálfa

Sameining KA og Þórs í handboltanum er á lokastigi. Liðið mun heita Akureyri Handboltafélag og verður bæjarmerki Akureyrar væntanlega merki félagsins. Rúnar Sigtryggson og Sævar Árnason munu þjálfa Akureyri.

Gatlin gæti farið í ævilangt bann

Heims- og Ólympíumeistarinn í 100 metra spretthlaupi Justin Gatlin gæti átt yfir höfði sér ævilangt keppnisbann. Hann féll á lyfjaprófi í apríl og B prufa reyndist einnig vera jákvæð fyrir testósterón.

Schumacher sigrar þýska kappaksturinn

Michael Schumacher hefur glætt vonir sínar á sigri í heildarkeppni ökuþóra, með því að vinna þýska kappaksturinn í dag á Ferrari bifreið sinni. Hann minkaði forskot Fernando Alonso niður í 11 stig. Alonso lennti í fimmta sæti á Renault.

Räikkönen á ráspól

Finnski ökuþórinn Kimi Räikkönen hjá McLaren vann í dag ráspól í tímatökum Formúlu 1 kappakstursins sem fram fer í Hockenheim í Þýskalandi.

Birgir Leifur naumlega áfram

Birgir Leifur Hafþórsson, atvinnukylfingur úr GKG komst í dag naumlega í gegnum niðurskurð eftir þriðja hring á Ryder Cup áskorendamótinu í Golfi sem fram fer í Wales.

Fram í riðil með Gummersbach

Í morgun var dregið í riðla fyrir Meistaradeild Evrópu í handbolta þar sem Íslandsmeistarar Fram fara beint inn í riðlakeppnina. Útkoman úr drættinum var afar athyglisverð fyrir Fram sem dróst í riðil með Gummersbach sem Alfreð Gíslason mun stýra.

Dennis Siim aftur til FH

Íslandsmeistarar FH í knattspyrnu hafa á ný fengið til sín danska miðjumanninn Dennis Siim. Hann á að fylla í skarð Davíðs Þórs Viðarssonar sem leikur ekki meira með liðinu á árinu vegna meiðsla.

Michael Carrick til Tottenham

Manchester United hefur komist að samkomulagi við Tottenham um kaupverð á miðjumanninum Michael Carrick. Ruud van Nistelrooy yfirgaf Manchester United í gær og skrifaði undir 3 ára samning við Real Madrid.

Strandhandbolti í Nauthólsvík

Íslandsmótið í strandhandbolta fór fram í Nauthóslvík í dag og var mikið um dýrðir þar. Lið úr Íslandsmótinu tóku þar þátt og nota mótið m.a. sem lið í undirbúningi sínum fyrir veturinn.

Indriði Sigurðsson til liðs við KR

Indriði Sigurðsson, landsliðsmaður í knattspyrnu, er genginn til liðs við KR eftir því sem krreykjavik.is greinir frá. Indriði sem leikið hefur með belgíska liðinu Genk er laus allra mála gerði opinn áhugamannasamning við KR og er því heimilt að fara frá félaginu, bjóðist honum atvinnumannasamingur erlendis. KR vonast til að Indriði verði gjaldgengur á mánudag þegar KR mætir Fylki í 12. umferð Landsbankadeildarinnar.

Birgir Leifur áfram í Wales

Birgir Leifur Hafþórsson lék ágætlega á öðrum keppnisdegi áskorendamótsins í Wales í dag og lauk keppni á þremur höggum undir pari. Birgir lék á tveimur höggum yfir pari í gær, en komst naumlega í gegn um niðurskurðinn með góðum leik sínum í dag.

Vill fara frá Brasilíu

Framherjinn skæði, Carlos Tevez, sem fór á kostum með liði Argentínu á HM á dögunum, segist vera að íhuga að fara frá brasilíska félaginu Corinthians eftir að hafa lent í útistöðum við stuðningsmenn félagsins. Þessi tíðindi gætu vakið athygli liða á borð við Manchester United, sem sögð eru renna hýru auga til þessa magnaða knattspyrnumanns.

Lua Lua semur við Portsmouth

Framherjinn Lomana Lua Lua hefur skrifað undir nýjan þriggja ára samning við enska úrvalsdeildarfélagið Portsmouth. Lua Lua er landsliðsmaður Kongó og höfðu West Ham og Manchester United verið á höttunum eftir honum í sumar. Þá hefur miðjumaðurinn Richard Hughes einnig skrifað undir nýjan fjögurra ára samning við félagið.

Draumur að ganga í raðir Real Madrid

Hollenski framherjinn Ruud Van Nistelrooy gekk formlega í raðir spænska stórliðsins Real Madrid í dag og lýsti félagaskiptunum sem draumi sem hefði orðið að veruleika. Hann kallaði Real Madrid stærsta félagslið í heiminum og segist ekki geta beðið eftir að leika við hlið fyrrum félaga síns David Beckham.

Carrick til United á mánudag

Manchester United og Tottenham hafa nú komist að samkomulagi um félagaskipti enska landsliðsmannsins Michael Carrick. Ef leikmaðurinn stenst læknisskoðun og nær að ganga frá smáatriðum í samingi sínum, verður hann kynntur formlega sem nýr leikmaður Manchester-liðsins á mánudag. Talið er að kaupverðið verði fast að 18 milljónum sterlingspunda.

Schumacher í stuði á heimavelli

Michael Schumacher sendi heimsmeistaranum Fernando Alonso skýr skilaboð á æfingu fyrir Þýskalandskappaksturinn í dag þegar hann náði bestum tíma allra aðalökumanna á Hockenheim brautinni á æfingum. Alonso náði fimmtánda besta tímanum.

Hefur ekki áhyggjur af stjörnustælum

Jose Mourinho, knattspyrnustjóri Chelsea, segist ekki hafa áhyggjur af stjörnustælum í sínum herbúðum þó hann hafi að undanförnu fengið hverja stórstjörnuna á fætur annari inn í leikmannahóp sinn. Hann segir nýju leikmennina aðeins þurfa að búa yfir tveimur kostum til að allt gangi eins og í sögu.

Ég misnota ekki lyf

Bandaríski hjólreiðakappinn Floyd Landis sem féll á lyfjaprófi eftir Frakklandshjólreiðarnar á dögunum, segist alsaklaus. Hann segist alls ekki misnota nein lyf og segir hátt testósterónsmagn í líkama sínum vera eðlilegt.

Glórulaust að fara til Ísrael

Rafa Benitez segir það glórulaust að ætlast til þess að lið Liverpool fari til Ísrael til að spila í forkeppni meistaradeildarinnar á þeim ófriðartímum sem geysa í landinu. Benitez hefur biðlað til stjórnar evrópska knattspyrnusambandsins að láta í sér heyra sem fyrst, því hann segist ekki eiga von á því að leikmenn sínir né stuðningsmenn vilji fara til lands að spila þar sem ástandið sé svo eldfimt.

Reiknar með að landa Carrick í dag eða á morgun

Sir Alex Ferguson segir viðræður langt komnar við Tottenham um kaup á miðjumanninum Michael Carrick. "Hluti af málinu er í höfn og ég reikna með að við náum að ganga frá þessu í dag eða um helgina," sagði Ferguson í samtali við sjónvarpsstöð félagsins nú síðdegis. Talið er að kaupverðið verði nálægt 18 milljónum punda.

Stuðningsmenn Liverpool smeykir við að fara til Ísrael

Formaður alþjóðlegs stuðningsmannaklúbbs Liverpool er lítt hrifinn af því að liðið neyðist til að spila síðari leik sinni í þriðju umferð forkeppni meistaradeildarinnar í Ísrael, en mikill ófriður hefur verið í landinu að undanförnu. Liverpool mætir liði Maccabi Haifa frá Ísrael og á að spila útileik sinn í Haifa þann 22. eða 23. ágúst.

Benni McCarthy til Blackburn

Suður-Afríski framherjinn Benni McCarthy sem leikið hefur með Porto undanfarin ár, er genginn í raðir enska úrvalsdeildarliðsins Blackburn. Kaupverðið hefur ekki verið gefið upp en hinn 28 ára gamli markaskorari hefur skrifað undir fjögurra ára samning við félagið. Blackburn hefur lengi verið á höttunum eftir McCarthy og reyndi til dæmis að fá hann til liðs við sig fyrir ári, en án árangurs.

Carrick til United í dag?

Breska sjónvarpið fullyrðir að enski landsliðsmaðurinn Michael Carrick hjá Tottenham muni ganga í raðir Manchester United í dag. United hefur lengi haft augastað á leikmanninum og talið er að salan á Ruud Van Nistelrooy til Real Madrid verði til þess að United geti gengið frá kaupunum á Carrick undir eins, en talið er að Tottenham vilji fá allt að 20 milljónum punda fyrir miðjumanninn.

Arsenal og Chelsea í viðræðum vegna Ashley Cole

Forráðamenn Arsenal hafa gefið það út að þeir séu í viðræðum við granna sína í Chelsea um hugsanleg kaup meistaranna á bakverðinum Ashley Cole, sem orðaður hefur verið við Chelsea í rúmt ár. Talið er að grunnt sé á því góða milli Cole og forráðamanna Arsenal og margt bendir til þess að leikmaðurinn skipti um heimilisfang í Lundúnum á næstunni.

Stóðst læknisskoðun hjá Real

Hollenski framherjinn Ruud Van Nistelrooy hefur nú staðist læknisskoðun hjá spænska stórliðinu Real Madrid og verður kynntur formlega sem nýr leikmaður félagsins undir síðla dags.

FH færi til Úkraínu

Í morgun var dregið í þriðju umferð forkeppni meistaradeildar Evrópu og fari svo að Íslandsmeisturum FH takist að slá út pólska liðið Legia Varsjá, mæta þeir úkraínska liðinu Shakhtar Donetsk í næstu umferð.

Breiðablik lagði Víking

Einn leikur fór fram í Landsbankadeild karla í knattspyrnu í kvöld. Breiðablik vann góðan sigur á Víkingi í Kópavogi 1-0. Það var markahrókurinn Marel Baldvinsson sem skoraði sigurmarkið strax á 8. mínútu leiksins. Blikar, sem hafa verið í fallbaráttu framan af sumri, erum með sigrinum skyndilega komnir í þriðja sæti deildarinnar með 17 stig eftir 12 leiki. Víkingur er í sjötta sætinu með 15 stig.

Valur úr leik

Valur er úr leik í forkeppni Evrópukeppni félagsliða eftir að liðið gerði markalaust jafntefli á heimavelli við danska liðið Bröndby í kvöld. Danska liðið vann fyrri leikinn 3-1 og er því komið áfram í keppninni.

Skagamenn úr leik þrátt fyrir sigur

Skagamenn eru úr leik í forkeppni Evrópukeppni félagsliða í knattspyrnu þrátt fyrir 2-1 sigur á danska liðinu Randers á heimavelli sínum á Skipaskaga í kvöld. Hjörtur Hjartarson kom ÍA yfir í fyrri hálfleik, en Danirnir jöfnuðu skömmu síðar. Það var svo Bjarni Guðjónsson sem tryggði ÍA sigurinn með marki úr víti þegar tvær mínútur voru komnar fram yfir venjulegan leiktíma.

Jafnt í hálfleik hjá Val og Bröndby

Ekkert mark hefur litið dagsins ljós í leik Vals og Bröndby í forkeppni Evrópukeppni félagsliða þegar flautað hefur verið til leikhlés. Valsmenn hafa verið sterkari aðilinn á vellinum en hafa þó ekki skapað sér mörg marktækifæri. Danska liðið vann fyrri leikinn 3-1 og því er erfitt verkefni framundan hjá Hlíðarendapiltum.

Jafnt í hálfleik á Skaganum

Staðan í leik Skagamanna og danska liðsins Randers í forkeppni evrópukeppni félagsliða er enn jöfn 1-1 þegar flautað hefur verið til leikhlés. Hjörtur Hjartarson skoraði mark ÍA á 27. mínútu. Gestirnir hafa verið sterkari í fyrri hálfleiknum og fátt í stöðunni sem bendir til þess að heimamenn komst áfram í keppninni.

Tvö mörk komin á Skaganum

Staðan í leik Skagamanna og danska liðsins Randers er orðin 1-1 eftir hálftíma leik. Hjörtur Hjartarson kom heimamönnum yfir á 28. mínútu, en gestirnir jöfnuðu aðeins tveimur mínútum síðar. Danska liðið vann fyrri leikinn 1-0 ytra.

Real segist vera búið að kaupa Nistelrooy

Real Madrid hefur sent frá sér fréttatilkynningu þar sem fram kemur að félagið hafi gengið frá kaupum á hollenska framherjanum Ruud Van Nistelrooy. Sagt er að leikmaðurinn hafi samþykkt að undirrita þriggja ára samning og er kaupverðið sagt vera um 15 milljónir evra. Nistelrooy mun að sögn félagsins gangast undir læknisskoðun á morgun.

United þarf ekki á Nistelrooy að halda

Paul Parker, fyrrum leikmaður Manchester United og enska landsliðsins, segir að hollenski framherjinn Ruud Van Nistelrooy sé ekki sami leikmaður og hann var og er þess fullviss að hans verði ekki saknað ef hann fer frá félaginu. Parker segir United ekki þurfa að kaupa stórstjörnu í stað Hollendingsins, heldur ungan og hungraðan framherja sem sé stoltur af að fá að spila fyrir félagið.