Shearer bauð Owen teyjunúmer sítt

Alan Shearer var svo ákveðinn í að fá Michael Owen til liðs við Newcastle að hann bauð honum meira að segja að fá númerið sitt, níuna frægu. Owen, sem gekk til liðs við Newcastle í gær frá Real Madrid, þáði boð Shearers hins vegar ekki og verður í treyju númer tíu.

Tottenham kaupir Jermaine Jenas

Tottenham Hotspur gekk í morgun frá kaupum enska landsliðsmanninum Jermaine Jenas frá Newcastle fyrir um 8 milljónir punda og þá hefur Suður-Kóreumaðurinn Lee Young-Pyo einnig bæst í hóp liðsins frá PSV Eindhoven, en hann á enn eftir að fá atvinnuleyfi.

Edman til Rennes

Franska liðið Rennes heldur því fram á heimasíðu sinni í morgun að það hafi gert þriggja ára samning við vinstri bakvörðinn Erik Edman hjá Tottenham, en hann er sænskur landsliðsmaður.

Shearer bauð Owen númerið sitt

Alan Shearer, fyrirliði Newcastle var ein af aðalástæðum þess að Michael Owen ákvað að ganga til liðs við félagið í gær, en fyrirliðinn hafði verið mjög ötull við að reyna að lokka Owen til liðsins.

Mourinho hefur ekki áhuga á enskum

Jose Mourinho, knattspyrnustjóri Chelsea, hefur gefið það út að hann hafi engan áhuga á að taka við enska landsliðinu, en segist þó upp með sér að vera nefndur til sögunnar í sambandi við stöðuna.

Beckham farinn að æfa

David Beckham er byrjaður að æfa á fullu með enska landsliðinu eftir að hafa fengið grænt ljós frá læknum, en Steven Gerrard er enn í meðferð hjá læknum og vonast eftir að verða klár í slaginn fyrir slaginn gegn Wales á laugardaginn.

Tap gegn Nígeríu

Íslenska kvennalandsliðið í blaki tapaði í gær fyrir Nígeríu í 4 hrinum í fyrsta leik sínum á fjögurra landa móti sem fram fer í Nígeríu. Íslenska liðið vann fyrstu hrinuna, 25-23, en tapaði þremur næstu, 25-10, 25-13 og 25-14. Íslenska liðið mætir Egyptum í dag en þeir lögðu Englendinga í gær, 3-0.

Poom til Arsenal

Eistneski markvörðurinn, Mart Poom er genginn til liðs við bikarmeistara Arsenal frá Sunderland. Jens Lehmann aðalmarkvörður Arsenal verður í banni fyrstu tvo leikina í Meistaradeild Evrópu. Poom er 33 ára.

Sabrosa til Liverpool

Vængmaðurinn Simao Sabrosa er genginn til lið við Liverpool frá portúgölsku meisturunum í Benfica fyrir 10 milljónir punda. Portúgalinn sem eitt sinn spilaði með Barcelona er núna staddur í Liverpool borg í læknisskoðun.

Þrír á síðasta séns

Þrír leikmenn A landsliðs karla í knattspyrnu eru á gulu spjaldi í undankeppni HM og fara í eins leiks bann ef þeir fá eitt gult spjald til viðbótar. Leikmenn þurfa aðeins að hljóta tvö gul spjöld til að fara bann. Fyrirliðinn Eiður Smári Guðjohnsen, Hermann Hreiðarsson og Gylfi Einarsson hafa allir fengið eitt gult spjald í keppninni hingað til.

van der Meyde til Everton

Everton hafa gengið frá fjögurra ára samningi við Hollendinginn Andy van der Meyde fyrrum leikmann Inter Milan. Lengi vel leit út fyrir að leikmaður kæmi ekki til Everton vegna meiðsla en hann fór í læknisskoðun hjá Everton í dag og gáfu læknar leikmanninum grænt ljós. Kaupverðið er ekki gefið upp.

Roddick úr leik

Óvænt úrslit urðu á opna Bandaríska meistaramótinu í tennis í gærkvöldi þegar Bandaríkjamaðurinn Andy Roddick féll úr keppni í fyrstu umferðinni.  Roddick beið lægri hlut fyrir Gilles Muller frá Lúxemborg.  Muller vann þrjár lotur allar 7-6.  Roddick sigraði á opna Bandaríska mótinu fyrir tveimur árum.

Rune Lind farinn heim

Rune Lind, Daninn í liði ÍBV í knattspyrnu er farinn heim til Danmerkur í félagslið þar í landi. Lind hafði leikið vel með Eyjamönnum að undanförnu og á stóran þátt í þeim viðsnúningi sem orðið hefur á liði ÍBV.

Þóra fékk ryksugu

Þóra B. Helgadóttir, markvörður A landsliðs kvenna í knattspyrnu, var valin maður leiksins í viðureign Svíþjóðar og Íslands í undankeppni HM 2007 síðastliðinn sunnudag, en liðin mættust í Karlskoga í Svíþjóð.  Í viðurkenningarskyni fékk Þóra afhenta forláta ryksugu að gjöf frá aðstandendum leiksins.

Breytingar á U21 liðinu

Tvær breytingar hafa verið gerðar á U21 hópnum sem mætir Króatíu á KR-vellinum í undankeppni EM á föstudag í knattspyrnu. Bjarni Þórður Halldórsson, markvörður, og Viktor Bjarki Arnarsson, báðir leikmenn Fylkis, geta ekki tekið þátt í leiknum.

Aðgangur bannaður

Mikil spenna ríkir fyrir leik Tyrkja og Dana í undankeppni HM en liðin mætast í Istanbúl á laugardag.  Nú hefur Morten Olsen landsliðsþjálfari Dana ákveðið að enginn fái að fylgjast með æfingum danska landsliðsins.  Danskir íþróttafréttamenn þurfa að sætta sig við þessa ákörðun Olsens.

Potillo til Club Brugge

Það er ekki bara Michael Owen sem sér að tækifærin til að spila með Real Madrid verða ekki mörg.  Javier Portillo hefur verið lánaður út þessa leiktíð til belgísku meistaranna í Club Brugge en hinn 23 ára Portillo ákvað að taka tilboði Belganna eftir að Real Madríd keypti brasilísku sóknarmennina Julio Babtista og Robinho.

Solano á leið heim

Nolberto Solano er á leiðinni "heim" til Newcastle frá Aston Villa en Solano lék um árabil með Newcastle en fór þaðan til Villa fyrir 18 mánúðum síðan. Gangi félagskiptin eftir fær Aston Villa James Milner frá Newcastle í skiptum fyrir Solano.

Þvílík vika hjá Sigurði Ragnari

Síðasta vika var framherjanum Sigurði Ragnari Eyjólfssyni hjá ÍA ansi eftirminnileg á margan hátt. Hann kom inn á sem varamaður í liði Skagamanna í Keflavík og skoraði þar sigurmark ÍA gegn heimamönnum. Þetta sama kvöld eignuðust hann og kona hans svo litla stúlku og í kjölfarið spilaði Sigurður leik á Skaganum sem hann gleymir ekki í bráð

Breiðablik Íslandsmeistari

Breiðablik varð í kvöld Íslandsmeistari í efstu deild kvenna er liðið sigraði ÍA 5-1 á Akranesi í kvöld. Að loknum 13 leikjum hefur Breiðablik sigrað 12 leiki og gert eitt jafntefli. Breiðablik varð síðast Íslandsmeistari árið 2001. Valur sem hins vegar hefur skorað mest, sigraði Stjörnuna 2-0 í Garðabæ.

Van Exel semur við Spurs

Leikstjórnandinn Nick Van Exel, sem leikið hefur með Portland Trailblazers í NBA deildinni í körfubolta, hefur gert samning við meistara San Antonio Spurs um að leika með liðinu næsta vetur.

Owen kýs Newcastle

Michael Owen samþykkti í morgun að ganga til liðs við Newcastle United og fer í læknisskoðun hjá liðinu í dag. Hann mun því væntanlega skrifa undir samning við norðanliðið fljótlega, en hann verður um leið dýrasti leikmaður í sögu félagsins.

Meiðsli hjá enska landsliðinu

Sven-Göran Eriksson bíður nú milli vonar og ótta eftir því hvort þeir John Terry, Steven Gerrard og Shaun Wright-Phillips verði búnir að ná sér af meiðslum fyrir landsleik Englendinga og Wales um helgina.

Rekinn eftir einn leik

Attilio Tesser komst ekki á spjöld sögunnar sem þjálfari Cagliari í ítölsku knattspyrnunni, því í gær var hann rekinn úr starfi sínu eftir að hafa stýrt liðinu í aðeins einum leik.

Loksins sigur hjá Brann

Brann sigraði Fredrikstad með fjórum mörkum gegn engu í norsku úrvalsdeildinni í gær, en Brann vann síðast sigur í deildinni í byrjun júlí. Kristján Örn Sigurðsson lék allan leikinn með Brann sem er í sjöta sæti í deildinni með 29 stig.

Jafnt hjá Landskrona og Halmstad

Landskrona og Halmstad markalaust jafntefli í sænku úrvalsdeildinni í gær. Gunnar Heiðar Þorvaldsson lék allan leikinn með Halmstad. Örgryte tapaði á heimavelli fyrir Gautaborg 2-1. Jóhann B. Guðmundsson var í liði Örgryte en Hjálmar Jónsson sat á varamannabekknum hjá Gautaborg. Kalmar sigraði Helsingborg 1-0 og Hammarby og Elfsborg gerðu markalaust jafntefli.

Siim semur við Randers

Danski knattspyrnumaðurinn Dennis Siim, sem var á mála hjá FH í sumar, hefur samið við danska fyrstu deildar félagið Randers sem er í efsta sæti í deildinni. Siim, sem er 29 ára, lék aðeins sex leiki með FH-ingum í sumar vegna meiðsla.

Þorlákur Árnason hættir með Fylki

Þorlákur Árnason lætur af störfum sem þjálfari úrvalsdeildaliðs Fylkis að lokaleik liðsins í Landsbankadeild karla loknum. Ásgeir Ásgeirsson, formaður meistaraflokksráðs Fylkis staðfesti þetta í samtali við Vísi í hádeginu.

Tap gegn Kína

Íslenska karlalandsliðið í körfubolta tapaði fyrir Kínverjum með 80 stigum gegn 96 í dag í seinni æfingaleik þjóðanna í Kína. Í hálfleik var staðan 52-43 Kínverjum í vil. Íslendingar voru tveimur stigum að loknum fyrsta leikhluta. Magnús Þór Gunnarsson skoraði 21 stig. Hlynur Bæringsson skoraði 18 og tók 11 fráköst.

Bouma til Villa

Enska úrvaldsdeildaliðið Aston Villa hefur fegnið varnarmanninn Wilfried Bouma frá PSV Eindhoven í Hollandi. Villa borgaði 3.5 milljónir punda fyrir Hollendinginn sem er 27 ára gamall landsliðsmaður. Bouma var hjartað í vörn PSV sem fór í undanúrslit Meistaradeildar Evrópu á síðustu leiktíð.

Grétar Rafn orðaður við AZ Alkmaar

Siglfirðingurinn Grétar Rafn Steinsson, landsliðsmaður í knattspyrnu er sterklega orðaður við AZ Alkmaar toppliðið í hollensku úrvalsdeildinni. Grétar Rafn sem er leikmaður Young Boys frá Sviss hefur hlotið verðskuldaða athygli að undanförnu í leikjum sínum með íslenska landsliðinu. Hann er nú staddur í Hollandi að skoða aðstæður.

Rúrik færist nær Charlton

Rúrik Gíslason, 17 ára leikmaður HK í 1.deild, er staddur í London í læknisskoðun hjá enska úrvalsdeildaliðinu Charlton. Sóknarmaðurinn ungi hefur leikið 12 leiki með HK í 1.deild og gert eitt mark. Meiðsli hafa sett strik í reikninginn hjá Rúrik en standist hann læknisskoðun má búast við því að gengið verði frá samningi í dag.

Líkur Gylfa aukast hjá Leeds

Helsti keppinautur landsliðsmannsins Gylfa Einarssonar um stöðu miðjumanns hjá enska 1. deildarliðinu Leeds Utd, hinn norski Eirik Bakke er að öllum líkindum á förum til enska úrvalsdeildarliðsins Aston Villa. Þetta sagði Gylfi í viðtali í Fótboltavikunni á Talstöðinni í dag en Bakke hélt Gylfa á varamannabekknum þar til hann meiddist á dögunum.

Schumacher svartsýnn

Nú er sem allur vindur sé úr heimsmeistara Michael Schumacher, því hann viðurkenndi í viðtali að Ferrari ætti tæplega möguleika á verðlaunasæti á Monza brautinni á Ítalíu um helgina.

Keflavík í fjórða sæti

Keflavík sigraði Fylki 1-0 á Fylkisvelli í kvöld í lokaleik 16. umferðar Landsbankadeildar karla. Það var Hólmar Örn Rúnarsson sem gerði mark Keflvíkinga tólf mínútum fyrir leikslok. Keflavík er þar með komið í fjórða sæti deildarinnar en Fylkir er sem fyrr í sjötta sæti.

Eins og að ferðast með Elvis

"Það hefði auðvitað verið betra að ná að vinna þennan leik, en ég er samt mjög ánægður með leik liðsins í dag," sagði Sigurður Ingimundarson, þjálfari íslenska liðsins eftir leikinn í gær. Magnús Þór Gunnarsson var stigahæstur íslenska liðsins með 21 stig, en Hlynur Bæringsson kom næstur með 18 stig og hirti 11 fráköst.

Van Exel til meistara Spurs

Bandarísku NBA meistararnir í körfubolta San Antonio Spurs hafa fengið hinn gamalreynda leikstjórnanda, Nick Van Exel til liðs við sig frá Portland Trailblazers. Van Exel sem er 33 ára hefur komið víða við m.a. hjá Lakers, Mavericks, Warriors og  Nuggets.

Rusedski og Henman úr leik

Bestu bresku tenniskapparnir Tim Henman og Greg Rusedski eru báðir úr leik strax í fyrstu umferð á Opna bandaríska meistaramótinu í tennis. Henman tapaði fyrir Spánverjanum Fernando Verdasco í þremur settum og Rusedski tapaði fyrir Bandaríkjamanninum James Blake í fjórum settum.

Fjögur lið geta fallið með Þrótti

Síðustu tvær umferðirnar í Landsbankadeild karla verða æsispennandi því fjögur lið geta fallið niður í 1.deild með Þrótti en það eru <strong>Grindavík, ÍBV, Fram og Fylkir</strong>. Veldu meira til að sjá hvaða lið mætast í lokaumferðunum.

Tudor óákveðinn

Króatíski varnarmaðurinn Igor Tudor hjá Juventus virðist hafa snúist hugur með að fara sem lánsmaður til Bolton í ensku úrvalsdeildinni, því Sam Allardyce, knattspyrnustjóri félagsins segist ekkert hafa heyrt eða séð af varnarmanninum sterka.

Tottenham á eftir Carlton Cole

Tottenham Hotspur hefur nú gert Chelsea 2 milljóna punda tilboð í sóknarmanninn unga, Carlton Cole, en hann hefur fram að þessu ekki verið sagður til sölu. Tottenham er komið í mikil vandræði með framherja eftir að Mido fékk rauða spjaldið um helgina, því þá hefur liðið aðeins tvo leikhæfa framherja í næstu leikjum.

Shearer biðlar enn til Owen

Alan Shearer, fyrirliði Newcastle, er enn að biðla til fyrrum félaga síns í enska landsliðinu um að ganga til liðs við sig í framlínu Newcastle frá Real Madrid og nú hefur hann sagt að Owen verði hetja á St James´ Park ef hann komi þangað sem lánsmaður.

Enn eitt áfallið fyrir Newcastle

Newcastle United á ekki sjö dagana sæla um þessar mundir, enda situr liðið í fallsæti í byrjun tímabilsins og hefur aðeins hlotið eitt stig það sem af er. Um helgina þurfti Kieron Dyer svo að fara meiddur af leikvelli gegn Manchester United og talið er að hann verði frá í nokkurn tíma.

Baros ætlar að skora grimmt

Tékkneski framherjinn Milan Baros hjá Aston Villa ætlar að vera iðinn við kolann í markaskorun fyrir nýja liðið sitt og segir að leikstíll liðsins muni hjálpa sér að skora miklu meira en hann gerði þegar hann var hjá Liverpool.

David James gefst ekki upp

Markvörðurinn David James hjá Manchester City ætlar ekki að gefa upp alla von um að komast aftur í enska landsliðshópinn, þrátt fyrir að vera skilinn eftir úti í kuldanum af Sven-Göran Eriksson fyrir leiki Englands í undankeppni HM á næstu dögum.