Hálka á Hellisheiðinni og víðar

Það er hálka á Sandskeiði og Hellisheiði en víða hálkublettir eða snjóþekja á Suðurlandi, einkum í uppsveitum samkvæmt upplýsingum frá Vegagerðinni.

58 sagt upp um mánaðamótin

58 manns var sagt upp í tveimur hópuppsögnum nu um mánaðamótin. 38 starfsmönnum Heilsustofnunar Náttúrulækningafélags Íslands í Hveragerði var sagt upp þar sem stofnunin verður lokuð í sumar vegna fjárskorts.

Þrír stútar teknir

Þrír ökumenn voru teknir úr umferð á höfuðborgarsvæðinu í nótt fyrir ölvunarakstur og var einn þeirra réttindalaus eftir að hafa áður verið tekinn ölvaður á bíl.

Ungmenni handtekin við innbrotstilraun

Lögreglumenn á höfuðborgarsvæðinu gómuðu þrjú ungmenni þar sem þau voru að reyna að brjóta upp hurð á söluturni í Grafarvogi í nótt, og beittu kúbeini við það

Goðafoss mengar líka í Svíþjóð

Olíuleka varð vart frá flutningaskipinu Goðafossi, þegar það var á leið frá Noregi til skipasmíðastöðvar á Fjóni í gærkvöldi, þar sem á að gera við það eftir strandið við Noregsstrendur nýverið.

Bílvelta á Norðurlandi - Gekk blóðugur að næsta bæ

Ökumaður á stórum flutningabíl var hætt kominn þegar bíll hans rann út af veginum í Kelduhverfi í nótt og valt.

Ríkiskaup auglýsa Efri-Brú

Ríkiskaup hafa auglýst eftir tilboðum í húseignir og 37 hektara land að Efri-Brú í Grímsnes- og Grafningshreppi. Húsakosturinn samanstendur af gisti- og þjónustumiðstöð og sambyggðu íbúðarhúsi, þremur parhúsum og tveimur íbúðarhúsum, samtals rúmlega 1.400 fermetrar að stærð, auk útihúsa.

Tvö kærumál á borði landsdóms

Fyrsta opna þinghald landsdóms fer fram næsta þriðjudag klukkan eitt í Þjóðmenningarhúsinu. Fyrir dómnum liggur að úrskurða um tvö atriði.

Sorpbrennslu hætt í Svínafelli

Bæjarráð Hornafjarðar og rekstraraðilar sorpbrennslustöðvarinnar í Svínafelli í Öræfum hafa ákveðið að hætta starfseminni vegna umræðu um mengun sem stafar af sorpbrennslum. Flosalaug, sem hefur verið hituð með orku sem sorpbrennslan gefur, verður jafnframt lokað.

Öryggistilfinning Dalamanna dofnar

„Fólk upplifir nú mikið öryggisleysi eftir að hér hefur verið lögreglubíll á staðnum frá árinu 1966,“ segir Baldvin Guðmundsson, íbúi í Búðardal, en þaðan hvarf eini lögreglubíllinn í gær til Borgarness vegna hagræðingar.

Boða aðgerðir vegna eldsneytishækkunar

Starfshópur fjármálaráðuneytis um viðbrögð við verðhækkunum á eldsneyti mun skila fyrstu tillögum sínum hinn 1. apríl næstkomandi. Það var ákveðið á fundi ríkisstjórnar í gær, en hann verður skipaður fulltrúum úr fjármálaráðuneyti, innanríkisráðuneyti, iðnaðarráðuneyti og umhverfisráðuneyti.

Ólína og hundurinn hífð í þyrluna

"Ég var hræddust um hundinn, svo brá mér svolítið þegar ég sá myndirnar eftir á. En þetta gekk allt vel,“ segir Ólína Þorvarðardóttir þingkona, sem var í vikunni í fyrsta sinn hífð upp í þyrlu ásamt áhöfn TF-LÍF. Skutull, hundur Ólínu, var með í för.

Krúttlegir hvolpar léku sér í snjónum

Þeir eru krúttlegir litlu hvolparnir hennar Helgu B. Hermannsdóttur kennara. Þeir tóku snjókomunni fagnandi í dag og Helga ákvað að hleypa þeim út í garð til að viðra sig. Hvolparnir, sem eru sex vikna gamlir, voru undir öruggu eftirliti mömmu sinnar á meðan þeir voru úti.

Erfitt að þola einelti

Nítján ára einhverf stúlka segir erfitt að vera ávallt fórnarlamb eineltis. Bíll stúlkunnar var skemmdur í gær og eru sökudólgarnir enn ófundnir. Sunna Björk er nítján ára gömul og er með einhverfu. Í gær sögðum við frá því að skemmdarverk höfðu verið unnin á bíl hennar, ljós brotin og eggjum kastað í hann. Við hittum Sunnu Björk og móður hennar á kaffihúsi út á Granda - skammt frá vinnustað hennar.

Sjálfstæðismenn gagnrýna skattahækkunina í borginni

Borgarfulltrúar Sjálfstæðisflokksins gagnrýna skattahækkunina sem samþykkt var á vettvangi borgarstjórnar í dag. Segja þeir að sífellt sé verið að hækka skatta í borginni. Benda sjálfstæðismenn á að farið hafi verið í gríðarlegar skatta- og gjaldskrárhækkanir þegar fjárhagsáætlun var lögð fram rétt fyrir áramót. Þær hækkanir hafi falið í sér 100-150 þúsund króna útgjaldaauka fyrir fjölskyldur í Reykjavík. Nú tveimur mánuðum síðar sé enn lagt til að skattar hækki og útsvar fari í hámark í höfuðborginni.

Alltof slakar sýklavarnir

Slakar sýklavarnir eru á hjúkrunarheimilum á Íslandi að sögn formanns Sjúkraliðafélags Íslands. Of fáir sjúkraliðar eru á vakt og menntun ekki metin að verðleikum. Landlæknir treystir á almenna skynsemi.

Tuttugu hófu nám í lögregluskólanum

Alls hófu 20 nýnemar nám á fyrstu önn grunnnámsdeildar Lögregluskóla ríkisins, samkvæmt tilkynningu frá skólanum. Námið á önninni tekur fjóra mánuði, því lýkur í lok júní 2011 og þá fara nemendurnir í starfsnám í lögreglunni.

Vill að Sjúkratryggingar greiði 75% af kostnaði við tannlækningar

Velferðarráðherra vill að Sjúkratryggingar Íslands greiði 75 prósent raunkostnaðar við tannlækningar barna og unglinga. Hann segir tannlækningar lengi hafa verið veikasta hlekkinn í íslenska heilbrigðiskerfinu og því þurfi að breyta.

Enn ein skattahækkunin samþykkt á borgarbúa

Skattahækkun á íbúa Reykjavíkur var samþykkt í dag þegar borgarstjórnarmeirihluti Besta flokksins og Samfylkingarinnar með stuðningi Vinstri grænna samþykkti að hækka útsvar frá 1. júlí upp í hæstu mögulega álagningu.

Alvarlegt að vera dæmdur á Sogn

Það er mun alvarlegra að vera dæmdur ósakhæfur til vistunar á stofnun en í fangelsi, segir yfirlæknir Réttargeðdeildarinnar að Sogni. Hann segir lágmarkstíma vistunar vera að minnsta kosti tvö ár en dæmi eru um að menn dvelji þar í áratugi.

Skilorðsbundið fangelsi fyrir árás með krikketkylfu

Héraðsdómur Austurlands dæmdi í dag karlmann á Fáskrúðsfirði í sex mánaða skilorðsbundið fangelsi fyrir að hafa ráðist á mann á Egilsstöðum í júlí í fyrra og lamið hann í höfuð með krikketkylfu og kýlt hann í andlit og líkama. Maðurinn sem varð fyrir árásinni hlaut fimm sentimetra langt sár á vinstra gagnauga og sár á höfði, auk frekari meiðsla.

Uppselt á báða opnunartónleikana í Hörpu

Uppselt er á báða opnunartónleika Sinfóníuhljómsveitar Íslands í Hörpu sem haldnir verða 4. og 5. maí. Mikið álag myndaðist á miðasölukerfinu á midi.is og sumir þurftu að bíða lengi áður en þeir gátu keypt miða.

Sjálfstæðismenn óska skýringa umhverfisráðherra

Kristján Þór Júlíusson og Birgir Ármannsson, fulltrúar Sjálfstæðisflokksins í umhverfisnefnd, óska eftir opnum fundi umhverfisnefndar vegna staðfestingar Svandísar Svavarsdóttir, umhverfisráðherra, á verndaráætlun um Vatnajökulsþjóðgarð. Þeir óska eftir að umhverfisráðherra mæti til fundarins og upplýsi nefndina um hvernig samráði við helstu hagsmunaaðila hafi verið háttað varðandi takmarkanir á útivist, umferð og veiðum innan Vatnajökulsþjóðgarðsins. Ennfremur er þess óskað að ráðherra færi á fundinum fram rökstuðning sinn fyrir þeim takmörkunum á aðgengi sem ráðherrann hefur staðfest í verndaráætlun um Vatnajökulsþjóðgarðinn.

Dómari ákvað með klukkutíma fyrirvara að dæma Gunnar Rúnar í dag

Fjölskylda og aðstandendur Hannesar Þórs Helgasonar sem myrtur var á síðasta ári gagnrýna harðlega í yfirlýsingu að hafa ekki fengið að vita það með nokkrum fyrirvara að til stæði að dæma morðingja Hannesar í morgun. Í svari frá dómstólnum til Vísis segir að ákvörðunin um að fella dóminn í dag hafi ekki verið tekin fyrr en í morgun og boð þess efnis vor send út með rúmlega klukkutíma fyrirvara.

Innbrotahrina upplýst á Húsavík

Í tengslum við rannsókn á sex innbrotum í heimahús, sumarhús og verslun í nágrenni Lauga í Reykjadal, Þingeyjarsveit í nóvember 2010 hefur Lögreglan á Húsavík síðustu daga og vikur borið saman gögn sem aflað var á vettvangi innbrotanna, svo og aflað annarra gagna og vísbendinga. Í tilkynningu segir að málin varði innbrot, skemmdarverk og þjónaði. „Niðurstaða þessarar vinnu er sú, að grunur féll á tvo aðila vegna þessara afbrota,“ segir ennfremur.

Framsóknarflokkurinn tapaði 41 milljón árið 2009

Framsóknarflokkurinn var rekinn með tæplega 41 milljón kr. tapi árið 2009 en flokkurinn hefur nú skilað inn ársreikningi sínum til Ríkisendurskoðunar fyrir það ár.

4x4 kærir takmörkun aðgengis að Vatnajökulsþjóðgarði

Stjórn Ferðaklúbbsins 4x4 mótmælir harðlega þeirri ákvörðun Svandísar Svavarsdóttur að skrifa undir og samþykkja þá gerræðislegu ákvörðun stjórnar Vatnajökulsþjóðgarðs að takmarka verulega aðgengi almennings að þjóðgarðinum. Vegna þessa mun Ferðaklúbburinn kæra meðferð málsins. Þetta kemur fram í tilkynningu sem Stjórn ferðaklúbbsins sendi frá sér í dag.

Sameinaður leikskóli í Fellunum heitir Holt

Foreldrar, börn og starfsfólk í sameinaða leikskólanum Fellaborg og Völvuborg hafa valið nýtt nafn á skólann. Holt skal hann heita og vísar nafnið til Breiðholts, en leikskólinn er í Fellahverfinu. Leikskólarnir Fellaborg og Völvuborg voru sameinaðir í júlí í fyrra. Starfsmenn vildu breyta nafni hans og var þeim, foreldrum og börnum gefið tækifæri til að koma með tillögur að nýju nafni. Alls bárust þrjátíu tillögur. Þegar stjórnendur leikskólans ásamt tveim fulltrúum frá skrifstofu Leikskólasviðs fóru yfir hugmyndirnar kom í ljós að flestir höfðu lagt til nafnið Holt, eða fimm. Stjórnendum skólans þótti líka nafnið vel við hæfi þar sem það vísar til hverfisins Breiðholts. Allar deildir leikskólans hafa líka fengið ný nöfn sem vísa í götuheiti í hverfinu; Berg, Fell, Sel, Bakki og Hóll.

Þýfiskaupendur mega búast við ákærum

Í tengslum við rannsókn á fjölda innbrota í heimahús nýverið hefur lögreglan á höfuðborgarsvæðinu síðustu daga lagt áherslu á að endurheimta þýfi sem stolið var í þessum innbrotum.

Fjölskylda Hannesar: Líf hans metið einskis virði

"Það eru algjörlega óásættanleg skilaboð til samfélagsins að líf Hannesar skuli vera metið einskis virði þar sem kaldrifjaður morðingi kemst upp með þann glæp að skipuleggja morðið á Hannesi í næstum heilt ár og myrða hann svo á jafnhrottafenginn hátt!

Miðasölukerfið höktir - hundrað manns í röð eftir miðum í Hörpuna

Miðasölukerfið sem hannað er af Miða.is og átti að nota til að selja fyrstu miðana í Hörpuna hefur virkað illa í dag með þeim afleiðingum að um hundrað manns, sem ætluðu sér að kaupa miða á viðburði í Hörpuna, bíða nú í langri röð inni í anddyri Geysis-hússins. Meðal þeirra er fjölmiðlastjarnan Egill Helgason og stórleikarinn Gunnar Eyjólfsson.

Kennari við Flensborg formlega áminntur

Kennari við Flensborgarskólann í Hafnarfirði hefur verið formlega áminntur af skólanum vegna skrifa sinna á bloggsíðu um níumenningamálið svokallaða. Þá var bréf sent til að allra foreldra barna við skólann þar sem ummæli kennarans voru fordæmd.

Eygló segir mjög mikilvægt að rannsaka sparisjóðina

Frumvarp um að rannsóknarnefnd á vegum Alþingis leiti sannleikans um aðdraganda og orsök rekstrarerfiðleika og falls sparisjóðanna var lagt fram á Alþingi í gær.

Ákvörðun um áfrýjun tekin á næstu dögum

Ákæruvaldið í máli Gunnars Rúnars Sigþórssonar hefur ekki tekið ákvörðun um hvort málinu verði áfrýjað til Hæstaréttar en héraðsdómur úrskurðaði Gunnar Rúnar, sem myrti Hannes Þór Helgason á síðasta ári, ósakhæfan.

Ákærum í efnahagsbrotum fjölgar verulega

Ákærum hjá efnahagsbrotadeild ríkislögreglustjóra hefur fjölgað verulega á milli ára eða úr 21 ákæru á árinu 2007 í 62 ákærur á árinu 2010. Árið 2008 voru gefnar út 42 ákærur og 47 á árinu 2009. Á þessum fjórum árum eru útgefnar ákærur 172 talsins.

Gunnar Rúnar var haldinn amor insanus

„Ég elskaði Hildi. Hún átti að vera hjá mér. Hún átti ekki að vera með honum,“ sagði Gunnar Rúnar Sigurþórsson við yfirheyrslur hjá lögreglunni í september á síðasta ári, en hann var dæmdur í Héraðsdómi Reykjaness til þess að vera vistaður á viðeigandi stofnun fyrir að hafa orðið Hannesi Þór Helgasyni að bana. Hann var því úrskurðaður ósakhæfur. Samkvæmt mati geðlækna var Gunnar meðal annars haldinn ástaræði eða amor insanus.

Háskóli Íslands opnar nýjan sjóðavef: Upplýst um alla styrki

Nýr sjóðavefur Háskóla Íslands hefur verið opnaður. Á vefnum, sjodir.hi.is, er að finna upplýsingar um alla sjóði og styrki sem nemendum, kennurum, vísindamönnum og starfsfólki háskólans standa til boða. Einnig er þar að finna upplýsingar um rannsóknir og verkefni sem fengið hafa styrk úr sjóðum Háskóla Íslands.

Loka sorpbrennslunni að Svínafelli

Sorpbrennslustöðinni Brennu-Flosi hf að Svínafelli í Öræfum verður lokað. Ákvörðun um þetta var tekin á fundi bæjarráðs Sveitarfélagsins Hornafjarðar þann 21. febrúar, að höfðu samráði við rekstraraðila stöðvarinnar. Í tilkynningu frá Hjalta Þór Vignissyni, bæjarstjóra, segir að ástæða lokunarinnar sé umræða um sorpbrennslustöðvar á landinu og umræða um mengum sem af þeim stafar.

Hægt að sækja um sumarstörf í dag

Reykjavíkurborg opnar fyrir umsóknir um sumarstörf í dag. Ungmenni fædd 1994 eða fyrr geta sótt um fjölbreytt sumar- og afleysingastörf á vef borgarinnar, reykjavik.is.

Sakar formann bæjarráðs um hroka

Sigurður Haraldsson, fulltrúi Framsóknarflokks í bæjaráði Árborgar, sakar Eyþór Arnalds, formann bæjarráðs og oddvita Sjálfstæðisflokksins, um hroka og hefur sagt sig úr starfshópi um framtíðarskipan sorpmála.

Gunnar Rúnar úrskurðaður ósakhæfur

Gunnar Rúnar Sigurþórsson var úrskurðaður ósakhæfur í Héraðsdómi Reykjaness í morgun fyrir að hafa myrt Hannes Þór Helgason í ágúst á síðasta ári. Gunnari er dæmdur til þess að sæta öryggisgæslu á viðeigandi stofnun.

Heimilisofbeldi í Vestmannaeyjum og fyrsti ölvunaraksturinn

Ein líkamsárás var kærð til lögreglunnar í Vestmannaeyjum í síðustu viku. Kona kærði þá sambýlismann sinn fyrir ofbeldi. Hún náði hinsvegar að flýja manninn. Samkvæmt upplýsingum frá lögreglunni hlaut konan ekki alvarlega áverka. Málið er í rannsókn.

Yngri kennurum fækkar

Haustið 2010 eru 7.589 starfsmenn í 6.858 stöðugildum í grunnskólum á Íslandi. Þar af eru 4.886 starfsmenn við kennslu í 4.671 stöðugildi. Starfsfólki fækkaði á milli ára annað árið í röð. Starfsmönnum við kennslu, þ.e. skólastjórnendum, deildarstjórum og kennurum fækkar um 92, sem er fækkun um 1,8%. Frá árinu 2008, þegar starfsmenn við kennslu voru flestir, hefur þeim fækkað um 215 manns. Sé litið á stöðugildi hefur stöðugildum sama hóps fækkað um 121 frá fyrra ári, sem er fækkun um 2,5%. Frá árinu 2008 hefur stöðugildum starfsmanna við kennslu fækkað um 345. Öðrum starfsmönnum grunnskólans en starfsfólki við kennslu hefur fækkað um 80 manns frá hausti 2008 og stöðugildum þeirra fækkað um 129.

Stjórnlagaráð skili tillögum í lok júní

Stjórnlagaráð, sem fjalla á um skýrslu stjórnlaganefndar og leggja til breytingar á stjórnarskránni, á að skila Alþingi tillögum sínum í formi frumvarps fyrir lok júní.

Grunnskólanemum fækkar

Nemendur í grunnskólum á Íslandi voru 42.539 haustið 2010, auk þess sem 91 barn stundaði nám í 5 ára bekk í 4 skólum. Grunnskólanemendum hefur fækkað um 390 frá síðastliðnu skólaári eða um 0,9%. Grunnskólanemendur á Íslandi voru flestir haustið 2003, 44.809. Frá þeim tíma hefur grunnskólanemendum fækkað um 2.270 nemendur. Gera má ráð fyrir að nemendum fækki áfram á næstu tveimur árum en þá verði botni í fjölda nemenda náð. Eftir það eru væntanlegir fjölmennari árgangar í grunnskólann en þeir árgangar sem ljúka munu námi.