Brynjari líst ekkert á stofnun Evu Joly

Formaður Lögmannafélags Íslands gefur lítið fyrir hugmyndir um stofnun Evu Joly á Íslandi og segir nærtækara að Norðmenn eða Frakkar skjóti stofnun undir konuna, sem eytt hafi örfáuum dögum á Íslandi.

Engilbert framkvæmdastjóri Þróunarsamvinnustofnunar

Utanríkisráðherra hefur skipað Engilbert Guðmundsson til að gegna embætti framkvæmdastjóra Þróunarsamvinnustofnunar Íslands.

Enn fækkar í Þjóðkirkjunni

Á síðastliðnu ári fækkaði sóknarbörnum Þjóðkirkjunnar, 16 ára og eldri, um 3.247. Þann 1. desember voru 191.656 manns yfir 15 ára aldri skráðir í Þjóðkirkjuna. Þetta jafngildir hlutfallslegri fækkun á milli ára úr 78,9% í 77,4%. Þetta kemur fram á vef Hagstofunnar.

Bruggurum og fíkniefnabrotum fjölgar á milli ára

Áfengislagabrotum hefur fjölgað gríðarlega á síðustu árum samkvæmt afbrotatölfræði Ríkislögreglustjóra fyrir nóvember 2010.

0,2% fólksfjölgun á Íslandi - mest fækkar á Vestfjörðum

Þann 1. desember 2010 voru íbúar með lögheimili á Íslandi 318.236. Ári áður var íbúafjöldinn 317.593 og fjölgaði því milli ára um 643 íbúa eða 0,2%. Þetta kemur fram á vef Hagstofunnar.

Finnst sjö ára bíll of gamall fyrir sveitastjórnina

Meirihlutinn í sveitastjórn Rangárþings ytra hefur samþykkt beiðni sveitastjóra um að keyptur verði sjö ára gamall bíll fyrir sveitarfélagið. Um er að ræða bifreið af tegundinni Honda Jazz sem kostar 800 þúsund krónur. Guðmundur Ingi Gunnlaugsson, fulltrúi sjálfstæðismanna, í sveitastjórn var á móti kaupunum og finnst eðlilegra að kaupa nýrri bíl.

Tunglmyrkvinn er búinn

Tunglmyrkvi var í morgun og sást hann greinilega á höfuðborgarsvæðinu . Almyrkvinn hófst klukkan 7:40 og stóð yfir til klukkan 8:54. Tunglið er því farið að gægjast út úr skugganum á nýjan leik. Tunglmyrkvann ber upp á vetrarsólstöður, stysta dag ársins og sést hann í Norður-Ameríku, Mið-Ameríku, hluta Suður-Ameríku, á Grænlandi og Íslandi. Seinast sást almyrkvi frá Íslandi aðfaranótt 21. febrúar 2008.

Leigubílstjóra ógnað með sprautunál og hann rændur

Leigubílstjóra var ógnað í nótt með sprautunál og hann rændur. Atvikið átti sér stað í Trönuhjalla í Kópavogi um klukkan hálfeitt og hafði árásarmaðurinn fjármuni af leigubílstjóranum. Að sögn lögreglu er ákveðinn aðili grunaður um verknaðinn og er hans leitað.

Danadrottning fengi ekki lendingarleyfi í Reykjavík

Verði utanríkisráðuneytið og flugmálayfirvöld við áskorun borgaryfirvalda um að stöðva umferð herflugvéla um Reykjavíkurflugvöll útilokar það komur erlendra fyrirmenna og umsvif vegna erlends samstarfs vegna öryggismála á vellinum.

Miklu minna framboð af fíkniefnum

„Það er miklu minna af ólöglegum fíkniefnum í umferð hér á landi eftir hrun,“ segir Þórarinn Tyrfingsson, yfirlæknir á Vogi.

Skeljungur gefst upp á mótbyr í Hrútafirði

„Það er með þungum huga sem ég rita þér þetta bréf.“ Þannig hefst bréf forstjóra Skeljungs, Einars Arnar Ólafssonar, til íbúa í Bæjarhreppi varðandi áform félagsins um byggingu söluskála í Hrútafirði.

Besta tunglmyrkvamyndin

Samkeppni Fréttablaðið og Vísir efna til samkeppni um bestu myndina af tunglmyrkvanum sem verður í dag frá 7.40 til 8.54.

Vill að hreinsað verði til í ákærunni

Ógrynni af nýjum upplýsingum hefur komið fram í máli Baldurs Guðlaugssonar, fyrrverandi ráðuneytisstjóra, við rannsókn lögreglu og hjá Fjármálaeftirlitinu (FME) frá því að FME ákvað að hætta fyrri rannsókn sinni á málinu vorið 2009.

13 ára rithöfundur gefur út tvær bækur

„Það var svolítið erfitt að læra á þessi forrit en mjög gaman,“ segir Adrian Sölvi Ingimundarson, þrettán ára rithöfundur. Adrian er búinn að skrifa, myndskreyta og brjóta um tvær barnabækur sem eru komnar í sölu. Hann lærði á Adobe Photoshop og InDesign frá grunni og setti bækurnar sjálfur upp með þeim forritum.

Seðlabankinn mælir með evrutengingu

„Við höfum alltaf litið svo á að það þurfi að endurmeta peningastefnuna í kjölfar hrunsins. Skýrsla Seðlabankans er innlegg í þá vinnu,“ segir Árni Páll Árnason, efnahags- og viðskiptaráðherra.

Fær ekki fleiri dagvistarrými

Félags- og tryggingamálaráðuneytið hefur hafnað ósk Kópavogsbæjar um fjölgun dagvistarrýma. Ráðuneytið bendir á að vegna erfiðrar fjárhagsstöðu ríkissjóðs hafi á árunum 2009 og 2010 þurft að fækka öldrunarrýmum og lækka fjárveitingar til öldrunarmála. Í fjárlögum næsta árs séu engar fjárveitingar til að fjölga dagvistarrýmum.

Ásatrúarmenn halda jól í dag

Ásatrúarmenn halda jól í dag og fagna því að sól fer hækkandi á lofti. Af þessu tilefni fer sólstöðuhátíð Ásatrúarfélagsins fram við Nauthólsvík í dag klukkan 18. Gengið verður með kyndla inn í rjóðrið þar sem stytta Sveinbjörns Beinteinssonar stendur og fer athöfnin þar fram.

Friðarganga á Þorláksmessu

Friðarganga verður gengin niður Laugaveginn í 31. sinn á Þorláksmessu. Samstarfshópur friðarhreyfinga stendur fyrir blysförinni sem fyrr.

Skila ekki upplýsingum á réttum tíma

Tæpur helmingur þeirra sem buðu fram í forvali eða prófkjöri stjórnmálasamtaka vegna borgar- og sveitarstjórnarkosninga í vor hefur skilað upplýsingum um kostnað við framboð sitt.

Bara Hafnfirðingar fá frítt í strætó

Allir Hafnfirðingar yfir 67 ára aldri munu áfram eiga kost á að fá frímiða í strætisvagna þrátt fyrir boðaða hækkun aldursviðmiða Strætó bs.

Facebook mikilvæg fyrir frambjóðendur

Stjórnlagaþing Vandræði hefðbundinna fjölmiðla við að fjalla um þann mikla fjölda fólks sem bauð sig fram til stjórnlagaþings þýddu að frambjóðendurnir urðu að leita annarra leiða til að kynna sig. Samkvæmt nýrri rannsókn notuðu þeir einna helst netið til að reyna að kynna sig fyrir kjósendum.

Sveitarfélögin taka yfir málefni fatlaðra

Lög um flutning málefna fatlaðra frá ríkinu til sveitarfélaga voru samþykkt á laugardag – lokastarfsdegi Alþingis fyrir jól.

HÍ vill takmarkaðri aðgang

Katrín Jakobsdóttir menntamálaráðherra hefur boðað Kristínu Ingólfsdóttur, rektor Háskóla Íslands, á fund sinn eftir áramót til að ræða fyrirhugaðar aðgangstakmarkanir að skólanum. Þetta kom fram í fréttum RÚV í gær.

Tamimi verður ekki Tamímí

Mannanafnanefnd hefur hafnað ósk um hægt verði að breyta rithætti ættarnafnsins Tamimi í Tamímí.

Síðasti dagur til þess að sækja um aðstoð hjá Fjölskylduhjálp

Síðasti dagur til að sækja um jólaaðstoð hjá Fjölskylduhjálp Íslands í Reykjavík er á morgun þriðjudaginn 21 desember og lýkur skráningu kl. 14.00. Vinsamlegast hringið í síma 892-9603.

Fengu ljósaperur til að lýsa bágstöddum

Fjölskylduhjálpin fékk á dögunum afhentar ljósaperur að verðmæti um hálf milljón króna. Það var Jón Árni Jóhannsson framkvæmdastjóri fyrirtækisins sem afhenti Ásgerði Jónu Flosadóttur forstöðukonu Fjölskylduhjálparinnar perurnar.

Vingaðist við Vísi í morgun og fékk farsíma að gjöf

Það var endurskoðandinn Jóhann Óskar Haraldsson sem sigraði í vinaleik Vísis í dag. Hann fær splunkunýjan N8 síma sem kemur að góðum notum að hans sögn enda sjálfur með gamlan Nokia síma.

Nábítar, böðlar og illir andar höfðu betur í Hæstarétti

Lýsing hf. er ekki heimilt að taka járnabeygjuvél úr vörslu Nábíta, böðla og Illra anda ehf., með beinni aðfaragerð samkvæmt niðurstöðu Hæstaréttar Íslands sem staðfesti þar úrskurð Héraðsdóms Reykjaness.

Fann stolnu dekkin á Barnalandi

Fjórum hjólbörðum var stolið á Selfossi á dögunum. Eigandinn sá þá síðan auglýsta á Barnalandi og lét lögreglu undir eins vita. Í tilkynningu segir að þegar í stað hafi verðið gerðar ráðstafanir til að komast að því hver væri með hjólbarðana. „Leitað var til Lögreglunnar á höfuðborgarsvæðinu um aðstoð við það verk sem leiddi til þess að hjólbarðarnir fundust,“ segir einnig en einn maður var handtekinn í tengslum við málið. Sá gaf þá skýringu að hann hefði fundið hjólbarðana á víðavangi.

Ribbaldar á Selfossi höfðu framið annað rán nokkru áður

Lögreglan á Selfossi hefur lagt mikla vinnu í rannsókn á ránsmálinu frá þarsíðustu helgi þegar þrír menn réðust inn á heimili í bænum og ógnuðu íbúum með hnífum. Við rannsókn málsins hefur komið fram að tveir þeirra höfðu framið annað rán í bænum nokkrum dögum áður, en sá sem fyrir því varð þorði ekki að kæra málið til lögreglu. Vonir standa til að rannsókn ljúki á næstu dögum og málið þá sent ákæruvaldi til frekari ákvörðunar.

Meirihluti frambjóðenda á eftir að skila kostnaðarupplýsingum

Ríkisendurskoðun hefur birt yfirlit um skil frambjóðenda sem tóku þátt í prófkjöri vegna sveitarstjórnarkosninganna í vor á kostnaðarupplýsingum til stofnunarinnar. Af samtals 442 frambjóðendum sem tóku þátt í prófkjöri eða forvali innan stjórnmálasamtaka í aðdraganda kosninganna hafa aðeins 215 skilað upplýsingum um kostnað sinn til Ríkisendurskoðunar.

Húshitun mun ódýrari á Íslandi en á Norðurlöndunum

Íslendingar búa að miklum mun ódýrari húshitun en nágrannar okkar á hinum Norðurlöndunum. Ef miðað er við meðaltals orkuþörf fyrir 135 fermetra einbýlishús í Reykjavík greiðir slíkt heimili rúmlega 85 þúsund krónur á ári fyrir húshitun og heitt kranavatn. Í höfuðborgum hinna Norðurlandanna væri reikningurinn fyrir sömu orkunotkun á bilinu 260 til 530 þúsund krónur, eða 306-623% hærri en í Reykjavík.

Sendibíll fór nokkrar veltur

Bílvelta varð í Skagafirði um klukkan tíu í morgun þegar sendibíll valt nokkrar veltur skammt frá brúnni yfir Vesturós. Á fréttavefnum Feyki segir að ökumaður hafi verið einn í bílnum og slapp hann án teljandi meiðsla en var engu að síður fluttur með sjúkrabíl á Heilbrigðisstofnunina á Sauðárkróki. Feykir hefur eftir lögreglu að á svæðinu sé mikil hálka og því brýnt að keyra varlega.

Ísbjarnarhrekkur veldur uppnámi í Skagafirði

Vinnustaðahrekkur um borð í togaranum Málmey varð til þess að í Skagafirðinum fóru menn að svipast eftir ísbjörnum. Á Facebook síðu skipstjórans sagði í nótt að þeir hefðu siglt fram á ísbjarnafjölskyldu, þrjú dýr, sem stefndu beint á Skagann.

„Börnum undir tíu ára aldri er hættara við drukknun“

Á hverju ári lenda um fimm til sex börn í lífshættu þar sem þau eru næstum því drukknuð. Þar er átt við börn sem eru það hætt komin að þau þurfa að fara á sjúkrahús eftir nærdrukknun, eru hætt að anda eða þau hafa fengið hjarta- og öndunarstopp. Hingað til hafa börn átta ára og eldri mátt fara ein í sund en um áramótin verða aldurstakmörkin hækkuð í tíu ár.

Bilun hjá Mílu á Suð-austurlandi

Bilun hefur komið upp í stofnkerfi Mílu á Suð-austurlandi nánar tiltekið við Smyrarbjargará, á leiðinni milli Fagurhólsmýrar og Hafnar. Í tilkynningu frá Mílu segir að um slit á ljósleiðara sé að ræða og að viðgerðamenn séu á leiðinni á staðinn.

Ásatrúarmenn halda jólin á morgun

Á morgun halda ásatrúarmenn jól og fagna því að sól fer hækkandi á lofti. Af þessu tilefni verður sólstöðuhátíð haldin í Reykjavík á lóð ásatrúarfélagsins við Nauthólsvík í Öskjuhlíð kl. 18 og ætla menn að safnast saman á bílastæðinu korteri fyrr.

Varaþingmaður Þráins hefði kosið gegn fjárlagafrumvarpinu

Varaþingmaður Þráins Bertelssonar segist hafa greitt atkvæði gegn fjárlagafrumvarpinu ef hún hefði átt sæti á þingi, en frumvarpið var samþykkt með einum þingmanni í síðustu viku. Hún segist ekki styðja ríkisstjórnina.

Lést í umferðarslysi á Snorrabraut

Karlmaðurinn sem lést þegar ekið var á hann á horni Bergþórugötu og Snorrabrautar á laugardag, hét Hörður Ingvaldsson, fæddur 12.október árið 1960. Hörður lætur eftir sig eiginkonu og tvö uppkomin börn.

Tugur heimila uppvís að tryggingasvindli

Um tugur heimila á suðvesturhorninu hafa á þessu hausti orðið uppvís að því að svíkja bætur út úr Tryggingastofnun. Svikin komust upp eftir að lögregla mætti heim til fólks.

Sérfræðingar rannsaka brunann hjá Alcoa

Aðilar frá Brunamálastofnun er á leið austur til þess að rannsaka hvað olli sprengingu í spennistöð álvers Alcoa á Reyðarfirði á laugardag. Einnig er von á erlendum sérfræðingum í dag eða á morgun. Ljóst er að rannsókn mun taka nokkra mánuði.

Slegist á Akranesi um helgina

Talsverðar róstur fylgdu skemmtanahaldi á Akranesi um síðustu helgi að sögn lögreglu og þurfti að hafa afskipti af mönnum sem var orðið heitt í hamsi.

Heilaspunaleikur á Facebook

Höfundar borðspilsins Heilaspuni, sem sló í gegn fyrir síðustu jól, eru að undirbúa Facebook-leikjaútgáfu af spilinu. Leikurinn verður til að byrja með aðeins á ensku og er ætlaður fyrir hinn gríðarstóra Facebook-markað.

Addi Fannar í ráðinn í Hörpu

Arngrímur Fannar Haraldsson, betur þekktur sem Addi Fannar í Skítamóral, hefur verið ráðinn verkefnastjóri tónlistarviðburða í Hörpu með rafmagnaða tónlist sem sérsvið.

Vinaleikur Vísis: Nokia N8 dreginn út síðdegis

Nú er komið að lokum í vinaleik Vísis á Facebook. Fjölmargir hafa unnið glæsilega vinninga síðustu viku og nú síðdegis verður lokavinningurinn, glæsilegur Nokia N8 sími dreginn út.