Yfir hundrað fíkniefnamál

Um 111 fíkniefnamál komu upp á landinu um helgina. Að sögn Guðmundar Guðjónssonar, yfirlögregluþjóns hjá Ríkislögreglustjóra, má búast við að talan hækki næstu daga, þar sem um bráðabirgðatölur er að ræða.

Með fíkniefni í foreldrahúsum

Tveir voru teknir fyrir helgi í heimahúsi í Reykjavík með áttatíu grömm af hassi og fjörutíu af hvítu efni, væntanlega amfetamíni. Einnig fundust peningar sem lögregluna grunar að hafi fengist með dópsölu. Annar mannanna er nítján og hinn 25 ára.

Bílprófið ellefu daga gamalt

Sautján ára piltur mældist á 141 kílómetra hraða á Reykjanesbrautinni við Stekkjarbakka um ellefuleytið á sunnudagskvöld. Leyfilegur hámarkshraði á þessum stað er sjötíu kílómetrar á klukkustund. Ökumaður framvísaði ökuskírteini sínu, sem var ellefu daga gamalt.

Vitar á Norðausturlandi

Slegin í andlitið og rænd

Þrír tæplega tvítugir menn réðust á konu neðarlega á Laugaveginum aðfaranótt mánudags, slógu hana í andlitið og hrifsuðu af henni veski.

Áhyggjur vegna þurrka

Orkuverð í Noregi mun að öllum líkinum rjúka upp í haust þegar þarlendar vatnsaflsvirkjanir hafa ekki nægilega mikið vatn til að knýja rafala sökum mikilla þurrka undanfarið í Evrópu, að því er fram kemur í dagblaðinu Aftenposten.

Mesta umferðin að norðan

Samdóma álit lögreglumanna víðs vegar um landið er að umferðin hafi gengið vel í gær. Lögreglan í Reykjavík segir mikla umferð hafa legið til borgarinnar allan daginn, sem hafi tekið að þyngjast upp úr hádeginu. Vilhjálmur Stefánsson, lögreglumaður á Blönduósi, segir að góða veðrið fyrir norðan hafi augljóslega trekkt fólk að og veðrið í gær á Norðurlandi hafi orðið til þess að fólk var seinna á ferðinni. Lögreglan á Blönduósi stöðvaði um fimmtíu ökumenn í gær fyrir of hraðan akstur, en sá bíræfnasti ók á 149 kílómetra hraða.

Björgunarsamstarf aukist

Hlýnun jarðar, nýjar siglingaleiðir og breytingar á þjóðréttarsamningum voru meðal umræðuefna á þingmannaráðstefnu um norðurskautsmál sem fram fór í Kiruna í Svíþjóð dagana 2.-4. ágúst. Íslensku þingmennirnir lögðu mikla áherslu á aukið samstarf á sviði leitar- og björgunarmála, vegna brotthvarfs varnar­liðsins frá Íslandi og aukinna flutninga á olíu og gasi við Íslandsstrendur.

Óþarfa afskipti af ferðafólki

Náttúruverndarsamtök Íslands gagnrýna harðlega aðgerðir lögreglu gagnvart mótmælendum og öðru ferðafólki á Kárahnjúkum. Samtökin segja að í lýðræðis­þjóðfélagi hafi fólk rétt á því að mótmæla með friðsamlegum hætti og eigi yfirvöld að sýna mótmælendum fulla virðingu. Lögreglan hefur ítrekað stöðvað ferðir fólks á svæðinu og leitað í bílum þess.

Fór af tjaldsvæði um nóttina

Óskað var eftir aðstoð björgunarsveita í gær við leit að 45 ára gömlum karlmanni í Skaftafelli.

Tjón upp á einn og hálfan milljarð

Tjón á húsnæði vegna eldsvoða var metið á 1.640 milljónir króna á síðasta ári. Það er heldur yfir meðaltali síðustu ára á undan. Þetta kemur fram í ársskýrslu Brunamálastofnunar. Þar kemur jafnframt fram að einn týndi lífi í eldsvoða og er það nokkuð minna en í meðalári. 49 hafa látist í eldsvoðum frá árinu 1979, þrefalt fleiri karlar en konur. Flestir hafa látist í eldsvoðum á laugardegi, tólf talsins, en fæstir á þriðjudögum, eða tveir.

Leitað að manni í Skaftafelli

Lögregla og fjöldi björgunarsveitarmanna leita nú að karlmanni á fimmtugsaldri í Skaftafelli, sem ekkert hefur spurst til síðan um klukkan hálf þrjú í nótt. Slysavarnafélagið Landsbjörg hefur sent um 80 björgunarsveitarmenn á staðinn og er að senda leitarhunda. Þá hefur fjöldi fólks af svæðinu tekið þátt í leitinni í dag. Þegar ljóst var að maðurinn væri ekki í eða við tjaldsvæðið í Skaftafelli var ákveðið að efla leitina.

Meira en tíu þúsund manns á þremur stöðum

Þrjár útihátíðir náðu líklega því marki að fá tíu þúsund gesti. Flestir voru á Akureyri en mikið fjölmenni var einnig í Vestmannaeyjum og á Unglingalandsmóti UMFÍ að Laugum.

Náttúrusamtök Íslands gangrýna framgöngu lögreglu

Lektor við Háskólann í Reykjavík segir að lögregla megi hafa afskipti af mótmælendum, hindra ferðir þeirra eða leita í vistarverum þeirra ef hún telur að af þeim geti stafað einhver ógn eða hætta. Náttúruverndarsamtök Íslands eru þessu ósammála.

Tjaldstæðið við Lindur rýmt

Sýslumaðurinn á Seyðisfirði hefur fjarlægt allt fólk af tjaldsvæðinu við Lindur að ósk Landsvirkjunar. Til átaka kom á svæðinu í nótt þegar lögregla handtók fjórtán mótmælendur. Sumir þeirra höfðu hlekkjað sig við stangir.

Björgunarsveitarmenn grennslast fyrir um mann

Lögreglan á Höfn í Hornafirði og um 20 björgunarsveitarmenn eru nú staddir í Skaftafelli þar sem þeir grennslast nú fyrir um mann sem ekkert hefur spurst til síðan um klukkan eitt í nótt. Enn sem komið er ekki um skipulagða leit að ræða

Ætlar að fjarlægja mótmælendur af svæðinu

Lögreglan ætlar að fjarlægja mótmælendur af Kárahnjúkasvæðinu. Sýslumaðurinn á Seyðisfirði segir að framkvæmdaaðilar við Kárahnjúka hafi farið fram á þetta og hann hafi ákveðið að fara að þeirri ósk.Sýslumaður telur sig hafa lagaheimild til þessa á grundvelli lögreglulaga frá 1996.

Marel kaupir danskan keppinaut

Marel hf. hefur keypt alla hluti í danska matvælavélaframleiðandanum Scanvægt International. Kaupverðið nemur 109,2 milljónum evra eða tæplega tíu milljörðum íslenskra króna.

Vel heppnaður Innipúki

Innipúkahátíðinni lauk í gærkvöldi með stórkostlegri tónleikaröð. Mugison kom, sá og sigraði og var mál manna að tónleikar hans hefðu verið það besta á innipúkanum í ár.

Þétt umferð heim í gærkvöldi

All nokkur umferð var um þjóðvegi landsins í gærkvöld og í nótt þegar fyrstu ferðalangarnir tóku að snúa heim af skemmtunum Verslunarmannahelgarinnar.

Veittist að Árna Johnsen

Þjóðhátíðargestur veittist að Árna Johnsen í brekkusöngnum í Vestmannaeyjum í gærkvöldi og hrifsaði af honum hljóðnemann. Litlu mátti muna að illa færi þegar flugeldur fór í tjald þar sem inni voru þrjú börn auk annarra.

Íkveikja í Vogum

Kveikt var í fiskikari við iðnaðarhúsnæði í Vogum á síðdegis í gær. Talsverður hiti myndaðist en eldurinn náði ekki að læsa sig í húsinu.

Tekinn á ofsahraða með nýtt skírteini

Ungur ökumaður, sem hefur haft ökuskírteini í ellefu daga, var stöðvaður á Reykjanesbraut í gærkvöldi eftir að bifreið hans hafði mælst á 141 kílómetra hraða, tvöfalt meira en leyfilegum 70 kílómetra hámarkshraða.

Kviknaði í tjaldi í Eyjum

Hátíðarhöldum á all flestum útihátíðum lauk formlega í gærkvöldi. Á Akureyri voru níu teknir með fíkniefni sem þýðir að alls hafa sextíu og fjögur fíkniefnamál komið upp þar um helgina. Í Vestmannaeyjum skall hurð nærri hælum þegar flugeldur lenti á einu tjaldanna í dalnum.

Ráðist á konu og hún rænd

Ráðist var á konu í Reykjavík í morgun, hún barin og rænd. Árásarmennirnir létu sig hverfa með veskið sem í voru peningar og kort.

Skoða hvort aðgerðir lífeyrissjóðanna sé löglegar

Öryrkjabandalag Íslands fundar í næstu viku með lögfræðingi til að fá úr því skorið hvort boðaðar aðgerðir lífeyrissjóðanna um niðurfellingu örorkulífeyris standist lög. Eins og fram hefur komið í fréttum fengu um 2500 öryrkjar bréf í síðustu viku þar sem þeim var tilkynnt að greiðslu örorkulífeyris til þeirra yrði hætt eða veruleg skerðing frá og með 1. nóvember næstkomandi.

Segir aðgerðir lögreglu á Kárahnjúkum ólöglegar

Ragnar Aðalsteinsson, hæstaréttarlögmaður, segir aðgerðir lögreglu á Kárahnjúkasvæðinu stangast á við ákvæði stjórnarskrárinnar. Mótmælendur fullyrða að lögregla komi í veg fyrir að þeim séu færðar vistir, beiti þá harðræði og hindri ferðir fólks til mótmælabúðanna.

Drasl í Raufarhólshelli

Það er draslaralegt um að litast í Raufarhólshelli í Ölfushreppi sem er fullur af rusli og drasli eftir tökur á kvikmyndinni Astrópíu. Tiltekt stóð yfir í hellinum á sjötta tímanum í dag. Ekki er hægt að segja að fyrsti spölurinn um Raufarhólshelli hafi verið mjög grýttur í dag, líkt og varað er við á skilti fyrir utan hann. Innar í hellinum tók við spýtnabrak, stálull og trégrindur, plastpokar og gosflöskur. Yfir einu opi hellisins hafði einnig verið komið fyrir trégrind. Ferðamenn hafa ekki verið par ánægðir með þessa nýju ásýnd Raufarhólshellis. Lögreglan í Árborg kannaðist ekki við að hafa fengið neinar tilkynningar um þennan slælega frágang seinni partinn í dag og vísaði á landeigendur. Hellirinn er í eigu sveitarfélagsins Ölfus. Að sögn skipulags- og byggingarfulltrúa Ölfuss fengu kvikmyndatökumennirnir leyfi til að nota hellinn svo fremi sem þeir gengju frá eftir sig. Ástæðan fyrir draslinu var að tekið var upp atriði fyrir kvikmyndina Astrópíu í hellinum fyrir tæpum tveimur vikum síðan. Nú stuttu fyrir fréttir náðist í annan framleiðanda myndarinnar, Júlíus Kemp, þar sem hann var í Raufarhólshelli við tiltektir. Myndin er ævintýragrínmynd sem tekin var upp á ýmsum fallegum stöðum, þar á meðal í Heiðmörkinni og við Kleifarvatn. Búið var að ganga frá á öllum öðrum stöðum en farið var í Raufarhólshellinn í dag. Það er því hægt að róa göngumenn með því að hellirinn verður bráðum sjálfum sér líkur á ný. Myndin Astrópía verður frumsýnd á næsta ári.

Rigning og ein nauðgunartilraun

Veðrið setti strik í reikninginn í Vestmannaeyjum þar sem hluti flugeldasýningarinnar hvarf í þoku og skýjaþykkni. Stúlka var send á neyðarmóttöku fyrir fórnarlömb kynferðisofbeldis í Reykjavík eftir að hafa orðið fyrir nauðgunartilraun á Þjóðhátíð í nótt.

Þrjár leitað hjálpar eftir nauðgun

Þrjár stúlkur hafa leitað til Afls, systursamtaka Stígamóta, eftir að hafa verið nauðgað á Akureyri um helgina. Þá leituðu tugir manna á bráðamóttöku Fjórðungssjúkrahússins og segist vakthafandi læknir ekki muna aðra eins nótt og þá síðustu.

Íslenskur eftirlitsmaður lenti í skotárás á Sri Lanka

Sigurður Hrafn Gíslason friðargæsluliði, var á meðal norrænna eftirlitsmanna sem lentu í skotárás stjórnarhersins á Sri Lanka í dag. Samkvæmt upplýsingum frá utanríkisráðuneytinu sakaði hann ekki.

Mikið hvassviðri á Tjörnesi

Fellihýsi tókst á loft í miklu hvassviðri á Tjörnesi í dag. Hvort tveggja bíllinn og fellihýsið ultu og urðu minniháttar meiðsl á fólki. Lögreglan á Húsavík varar vegfarendur við hvassviðrinu og ræður fólki frá því að vera þar á ferð með hjólhýsi, fellihýsi eða tjaldvagna.

Hátíðahöld ganga víðast vel fyrir sig

Hátíðahöld hafa víðast hvar gengið vel fyrir sig um helgina. Nokkur erill hefur þó verið í sjúkratjöldum og á heilsugæslustöðinni í Vestmannaeyjum þar sem væta hefur sett nokkuð strik í reikninginn.

Brúnni yfir Jökulsá á Dal lokað

Loka þurfti brúnni yfir Jökulsá á Dal vegna vatnavaxta síðdegis í gær. Þetta hefur þó ekki mikil áhrif á framkvæmdir á Kárahnjúkasvæðinu. Hvort tveggja er að vatnshæðin er ekki meiri en svo að vaða má yfir ána og svo eru menn viðbúnir vatnavöxtunum.

Fjölmenni á unglingalandsmóti

Milli átta og tíu þúsund manns eru samankomnir á ungmennamóti UMFÍ á Laugum í Þingeyjarsveit. Mótshaldið hefur gengið mjög vel að sögn Björns Jónssonar, forseta UMFÍ, hann segir að það eina sem hafi komið upp á hafi verið að þrír piltar sáust drekka áfengi og voru þeir þá sendir heim.

Tveir teknir eftir líkamsárás

Tveir menn voru handteknir eftir að þeir réðust á þann þriðja í Austurstræti í Reykjavík í nótt. Sá sem ráðist var á slasaðist nokkuð á höfði og var sendur á sjúkrahús en árásarmennirnir í fangaklefa lögreglunnar.

Árni hættir sem kynnir þjóðhátíðar

Fjölmenni er á skemmtunum víða um land en tíðindi helgarinnar koma sennilega frá Vestmannaeyjum þar sem Árni Johnsen er nú kynnir á Þjóðhátíð í síðasta sinn. Sá sem tekur við af honum er Bjarni Ólafur Guðmundsson, oft kallaður Daddi diskó.

Ökumenn gerðu lögreglu erfitt fyrir á slysstað

Mildi þykir að ekki urðu alvarleg meiðsli á fólki þegar Hummer jeppi skall framan á Yaris smábíl á Suðurlandsvegi við Sandskeið um klukkan tvö í dag. Í kjölfarið mynduðust langar bílalestir og óþolinmóðir ökumenn gerðu lögreglu erfitt fyrir.

Piltar grunaðir um íkveikju

Grunur leikur á að tíu til tólf ára piltar hafi verið að verki þegar kveiktur var eldur í Síldarvinnslu HB Granda á Akranesi í gær. Það hefur þó ekki verið staðfest og á eftir að ræða við piltana.

Búið að opna Suðurlandsveginn

Suðurlandsvegur hefur verið opnaður fyrir umferð að nýju, en honum þurfti að loka vegna fjögurra bíla áreksturs sem varð við Sandskeið um klukkan hálf tvö. Hummer jeppi, sem ók eftir Suðurlandsvegi í átt til Reykjavíkur, ók inn í hliðina á Yaris smábíl sem kom á móti. Smábíllinn hentist til á veginum og við það skemmdust tveir fóksbílar. Í smábílnum voru hjón með barn, en að sögn vakthafandi læknis á slysadeild eru þau ekki alvarlega slösuð. Sömu sögu eru að segja af fullorðinni konu, sem keyrði annan fólksbílinn. Loka þurfti Suðurlandsvegi í rúma klukkustund sem varð til þess að langar bílalestir mynduðust og var erfiðleikum bundið að koma dráttarbílum á slysstað. Lögreglu fannst ökumenn ekki sýna næga biðlund og tillitsemi, en margir reyndu að taka fram úr án þess að árangur af því væri sýnilegur.

7000 manns skemmtu sér fallega í Eyjum í nótt

Fjölmennt var á skemmtunum í Ásbyrgi og Galtalæk og gestir Þjóðhátíðar í Vestmannaeyjum eru um sjö þúsund. Hátíðargestr fá ágætiseinkunn hjá lögreglu um land allt.

Slasaðist alvarlega við fall

Maður slasaðist alvarlega þegar hann féll af stigapalli á steypta stétt á Húsavík í gærkvöld. Hann rifbeinsbrotnaði, axlar- og mjaðmagrindarbrotnaði.

Jeff Who vakti mikla lukku á Innipúkanum í gær

Hátíðin Innipúkinn í Reykjavík er hafin. Innipúkinn er árleg hátíð um verslunarmannahelgi fyrir fólk sem nennir ekki að þvælast út á land og gista í leku tjaldi til að fara á góða tónleika. Innipúkinn er líka fyrir fólkið sem er fast í bænum vegna vinnu en langar samt að lyfta sér upp á kvöldin. Hátíðin er haldinn í fimmta sinn í ár og er hún á Nasa. Dr. Gunni opnaði hátíðina upp úr klukkan sex með hinu góðkunna lagi Snakk fyrir pakk.

Hraðakstur og dóp í Kópavogi

Tveir gistu fangageymslur

Tveir menn fengu að gista fangageymslur lögreglunnar í Reykjavík í nótt. Nóttin var þrátt fyrir það nokkuð róleg í Reykjavík og kann það að hafa ráðið einhverju um rólegheitin að margir eru utanbæjar vegna Verslunarmannahelgarinnar.