Ungir Framsóknarmenn skora á Birki í formennsku

Fufan, Félag ungra Framsóknarmanna á Akureyri og nágrenni, skorar á Birki Jón Jónsson þingmann Framsóknarflokksins í Norðausturkjördæmi að bjóða sig fram til forystu flokksins á flokksþingi Framsóknarmanna sem verður 18-19 ágúst næstkomandi. Stjórn ungra framsóknarmanna á Akureyri telur að nú sé tækifæri til að yngja upp í forustusveit Framsóknarflokksins.

Dæmdur í tveggja og hálfs árs fangelsi

Héraðsdómur Reykjavíkur dæmdi þrítugan Litháa í tveggja og hálfs árs fangelsi í dag. Hann hefur setið í gæsluvarðhaldi frá því í lok febrúar og verður sá tími dreginn frá refsingunni. Ákærði var einnig dæmdur til að greiða rúmlega eina milljón í sakarkostnað. Maðurinn var tekinn þegar hann kom með með flugi frá Heatrow flugvelli í London en í farangri hans fundust fimm vínflöskur sem innihéldu fljótandi amfetamín.

Vöxtum þinglýst hærra en opinberlega er boðið upp á

Lánum hjá KB banka er ekki þinglýst með 4,15% vöxtum heldur 4,9%. Um fimmtíu handhafar íbúðalána KB banka hafa fengið sent bréf frá bankanum þar sem þeim er bent á að þeir uppfylli ekki skilyrði lánanna um bankaviðskipti. Lánum frá KB banka er þinglýst með 4,9% vöxtum en lántökum er síðan gefinn 0,75 prósentustiga afsláttur af vaxtagreiðslum gegn því að þeir séu með launareikning sinn hjá KB banka og nýti sér aðra þjónustu bankans. Ef lántakendur uppfylla ekki þessi skilyrði er því hægt að setja 4,9% vexti á lán þeirra.

Matvælanefnd klofin í afstöðunni um lækkun matvælaverðs

Matvælanefnd forsætisráðuneytisins er klofin í afstöðunni til leiða til að lækka matvælaverð hér á landi, en formaðurinn telur að hægt sé að lækka verðið um fjórðung. Nefndin lauk störfum í dag. Matvælanefnd sem forsætisráðherra skipaði í ársbyrjun kemst ekki að sameiginlegri niðurstöðu um hvernig lækka eigi matvælaverð. Helsta ágreiningsatriðið er lækkun eða afnám tollverndar búvöru. Meðal leiða, sem bent er á í skýrslu nefndarinnar, í því skyni að lækka verð á matvöru eru fyrir utan afnám búvörutolla skattbreytingar, afnám vörugjalds, samræmingu og lækkun á virðisaukaskatti.

Utanríkisráðherra fundar með framkvæmdastjóra UNICEF

Valgerður Sverrisdóttir, utanríkisráðherra átti fund með Ann M. Veneman, framkvæmdastjóra Barnahjálpar Sameinuðu þjóðanna, en hún er hér á landi til að skrifa undir framtíðarsamning við landssamband UNICEF á Íslandi.

Bíll út í Sogið

Mikill viðbúnaður var nú fyrir skömmu við Sogið í Árnessýslu þar sem bíll fór út í ána. Betur fór þó en á horfðist því maðurinn er kominn á þurrt og lítið sem ekkert meiddur.

Ríkisskattstjóri lætur af embætti

Indriði G. Þorláksson, ríkisskattstjóri, hefur tilkynnt samstarfsfólki sínu að hann muni láta af embætti í lok september, næstkomandi. Indriði staðfesti þetta í samtali við NFS, fyrir stundu.

Styrkir til Vestfjarða frá Ferðamálastofu

Ferðamálastofa skrifaði í gær undir samning vegna verkefna í uppbyggingu og úrbótum á ferðamannastöðum á Vestfjörðum.

Eign lífeyrissjóðanna lækkar

Hrein eign lífeyrissjóðanna til greiðslu lífeyris nam 1.333 milljörðum króna í lok maí en lækkaða um rúma 11 milljarða milli mánaða samkvæmt tölum sem Seðlabankinn birti í vikunni.

Morðmáli ekki vísað frá

Dómari í máli bandarískrar konu, sem samstarfsmaður hennar myrti á Keflavíkurflugvelli, hefur neitað að vísa málinu frá, eins og verjendur höfðu farið fram á.

Þrír enn óvinnufærir eftir klórgasslysið

Þrír eru enn óvinnufærir eftir klórgasslysið í sundlauginni á Eskifirði á dögunum. Rafmagnskerfi laugarinnar, sem er glæný, virkar ekki sem skyldi eftir slysið og gæti því þurft að skipta algjörlega um.

Sjálfkjörið í stjórn Straums-Burðaráss Fjárfestingabanka

Sjálfkjörið er í stjórn Straums-Burðaráss Fjárfestingabanka og rann framboðsfrestur til stjórnarinnar út í gær.

Engar loðnuveiðar í sumar

Ekkert verður af loðnuveiðum í sumar þar sem Hafrannsóknastofnun finnur enga loðnu og gefur því ekki út neinn kvóta. Undanfarin misseri eru því þau lélegustu frá upphafi loðnuveiða.

Hugmyndasamkeppni um skipulag Vatnsmýrarinnar

Borgarráð varð á fundi sínum í gær einhuga um að halda áfram með hugmyndasamkeppni um heildarskipulag Vatnsmýrarinnar.

F-listinn krefst leiðréttingar frá borgarstjóra

F-listinn segir upplýsingar borgarstjóra um kynjahlutföll í nefndum, ráðum og stjórnum borgarinnar rangar og krefst þess að þær verði leiðréttar þar sem þær gefi skakka mynd af skipan þessara mála hjá F-listanum.

Framhaldsskólanemar fagna tillögum menntamálaráðherra

Hagsmunaráð íslenskra framhaldsskólanema fagnar tillögum menntamálaráðherra um endurskoðun starfsnáms og eflingu þess til framtíðar.

Aflinn minni í júní í ár en á sama tíma í fyrra

Heildarafli íslenskra skipa í júní í ár var 10,2% minni en í fyrra, sé hann metinn á föstu verði.

Mánaðarlaun hækkuðu um 10,4% frá 2004 til 2005

Á síðasta ári voru regluleg mánaðarlaun á almennum vinnumarkaði að meðaltali 244 þúsund króna, heildarmánaðarlaun 315 þúsund krónur og árslaun 4,2 milljónir króna.

Blóðgjafafélag Íslands 25 ára

Blóðgjafafélag Íslands á stórafmæli sunnudaginn næstkomandi en þá verður það 25 ára gamalt.

Ökumaður sendibíls slasaðist

Ökumaður sendibíls slasaðist þegar lítill senidferðabíll og tveir vörubílar lentu í árkestri á Reykjanesbraut á milli Hafnarfjarðar og Garðabæjar á níunda tímanum í morgun.

Frummatsskýrsla á breytingum Sorpstöðvar Rangárvallasýslu

Lögð hefur verið fram frummatsskýrsla á fyrirhugaðri stækkun og breytingum á móttöku-, flokkunar- og urðunarsvæði í landi Strandar í Rangárþingi.

Bílslys á Reykjanesbraut

Lítill senidferðabíll og vörubíll lentu í hörðum árekstri á Reykjanesbraut á milli Hafnarfjarðar og Garðabæjar á níunda tímanum. Lögreglu- og sjúkrabílar, og tækjabíll slökkviliðsins eru á staðnum og biður lögregla vegfarendur að aka með gát framhjá vettvangi. Ekki liggur fyrir hvort einhver slasaðist alvarlega.

Færð á vegum

Góð færð er á öllu landinu en hvasst á köflum einkum á Fróðarheiði og sterkar vindhviður undir Hafnarfjalli. Vegaframkvæmdir eru á Þingvallavegi frá Kjósarskarðsvegi að Skálabrekku og á Laxárdalsheiði í Sagafirði. Framkvæmdir í Svínadal í Dölum ganga vel og er komið 6 km. að ný lögðu slitlagi þar. Framkvæmdir eru víða á vegum landsins og mikilvægt að ökumenn taki tillit til þess.

Þrítugur maður ákærður fyrir þjófnað

Þrítugur karlmaður hefur verið ákærður fyrir að hafa stolið bíllyklum að bíl á bílasölu í Reykjavík.

SPRON styrkir ÍR

SPRON og körfuknattleiksdeild ÍR hafa undirritað starfssamning. Samkvæmt samningnum mun SPRON vera aðalstyrktaraðili deildarinnar næstu þrjú árin og nær samstarfið allt frá meistaraflokkum félagsins til æskulýðsstarfs.

Stressið kom upp um Litháann

Kreditkortafærslur, staðsetning símtækja og úthringiupplýsingar auk augnskanna í líkamsræktarstöðinni World Class komu lögreglunni á spor Litháans, sem búsettur er hér á landi, og er ásamt öðrum ákærður fyrir stórfellt fíkniefnabrot. Það var í kjölfar þess að landi hans var tekinn með tvær flöskur af fljótandi am-fetamíni í febrúar.

Heimahjúkrun verði efld

Heilbrigðisráðherra kynnti áherslur sínar í öldrunar­málum í gær. Hún segir brýnast að efla þjónustu við aldraða í heimahúsum og verkaskipting öldrunarþjónustu sveitarfélaga og ríkis þurfi að vera skýrari.

Óhapp í Öxnadal

Tveir sluppu ómeiddir en einn handleggsbrotnaði, þegar fólksbíll hafnaði utan vegar í Öxnadal í nótt. Talið er að ökumaður hafi sofnað undri stýri. Hinn slasaði var fluttur á sjúkrahúsið á Akureyri þar sem búið var um beinbrotið.

Huglæg áhrif komin fram

Geir H. Haarde forsætisráðherra telur að sú litla vísitöluhækkun sem varð á miðvikudaginn gefi vísbendingar um að verðbólgubreytingarnar á næstunni geti farið að réna þannig að verðbólgan gangi tiltölulega hratt niður eftir að toppnum er náð.

Fresta verkefnum upp á 656 milljónir

Lagningu þjóðbrautar, sameiningu bæjarskrifstofa og framkvæmdum við Ráðstefnu- og tónlistarmiðstöð í Reykjanesbæ verður frestað um átta mánuði. Með þessu leggur bærinn sitt af mörkum til að stemma stigu við efnahagsþenslunni.

Kringum landið með kyndilinn

Alþjóðlega vináttuhlaupið hófst á Íslandi í gær, en hlaupið er alþjóðlegt boðhlaup þar sem kyndill er borinn á milli hundrað landa af hátt í milljón manns. Hlaupið hófst í Portúgal 2. mars síðastliðinn, en boðskapurinn er að efla vináttu, skilning og umburðarlyndi.

Ráðstöfun Símapeninga óbreytt að sinni

Til umræðu er hjá stjórnarflokkunum að breyta lögum um ráðstöfun Símapeninganna og setja þá í gjaldeyrisvarasjóð Seðlabankans. Forsætisráðherra segir að þetta kalli á sjálfstæða ákvörðun og hún sé ekki tímabær núna.

Norrænu seinkar enn

Ferjunni Norrænu, sem seinkaði verulega eftir að hafa siglt á bryggjukant í Þórshöfn í Færeyjum í fyrrakvöld, seinkaði líka á loka kaflanum til Seyðisfjarðar, þar sem skipið hreppti illviðri á leiðinni.

Ofbeldisalda í Sao Paulo

Sjö manns hafa látist undanfarna tvo daga í árásum glæpagengja í Sao Paulo í Brasilíu.

35 prósent með risvandamál

Um 35 prósent karlmanna á aldrinum 45-75 ára hafa ristruflun á einhverju stigi, samkvæmt rannsókn Guðmundar Geirssonar, Gests Guðmundssonar, Guðmundar Vikars Einarssonar og Óttars Guðmundssonar. Hlutfall risvandamála hérlendis er sambærilegt við önnur lönd.

Viðvörun til Íslendinga

Vegna ástandsins sem skapast hefur í Ísrael, Líbanon og á sjálfstjórnarsvæðum Palestínumanna áréttar utanríkisráðuneytið mikilvægi þess að þeir Íslendingar sem þurfa að ferðast til þessara svæða á næstunni sýni fyllstu aðgát, fylgist með þróun mála og láti vita af ferðum sínum.

Mikilvægt að ekki standi á fjárveitingum

Undanfarin ár hafa Fangelsismálastofnun og dómsmálaráðuneytið unnið að framkvæmdaáætlun fyrir nýtt fangelsi sem fyrirhugað er að muni rísa á Hólmsheiði skammt frá Geithálsi árið 2010.

Afar stolt af hlut kvenna

Steinunn Stefánsdóttir hefur verið ráðin aðstoðarritstjóri Fréttablaðsins. Steinunn hefur verið blaðamaður og ritstjórnarfulltrúi á Fréttablaðinu frá stofnun þess 1. apríl árið 2001. Mér þykir afar vænt um Fréttablaðið og hlakka mikið til að takast á við ný verkefni, segir Steinunn.

Bensín og díselolía mun hækka

Bensín og díselolía munu að öllum líkindum hækka í verði hér á landi vegna mikilla hækkana á heimsmarkaði, þvert ofan í spár.

Bjargað af seglbáti

Karlmanni og 12 ára dreng var bjargað úr sjávarháska á tíunda tímanum í gærkvöldi eftir að litlum seglbáti, sem þeir voru á, hvolfdi við Geldinganes í mikilli vindhviðu.

Guðmundur nýr bæjarstjóri

Aðrir verða líka að spara

Bæjaryfirvöld í Kópavogi eru reiðubúin að skera niður verklegar framkvæmdir að því gefnu að önnur sveitarfélög taki tillit til óska ríkisstjórnarinnar um aðgerðir gegn þenslu og að ríkisvaldið útfæri tillögur um frestun eigin framkvæmda.

Merkur fundur við Skaftafellsjökul

Vísindamenn sem eru við jöklarannsóknir á Skaftafellsjökli rákust á útilegubúnað í síðustu viku sem virðist kominn til ára sinna, auk þess að vera illa farinn. Talið er að búnaðurinn hafi tilheyrt tveimur breskum stúdentum sem fóru í leiðangur á Vatnajökul í ágúst árið 1953 til rannsókna en lentu í miklu óveðri og hefur ekkert spurst til þeirra síðan. Engin mannabein eða aðrar líkamsleifar hafa fundist með búnaðinum.

Lifrabólgutilfellum í hundum fjölgar.

Lifrabólgutilfellum í hundum hefur fjölgað á síðustu árum enda hafa íslenskir hundar ekki verið bólusettir við henni í þrjú ár.

Forvörnum beint að erlendum ferðamönnum

Illa útleiknum fólksbíl hefur verið komið upp á gám við Reykjanesbraut ofan við Flugstöð Leifs Eiríkssonar sem áminning fyrir erlenda ferðamenn um að fara varlega í umferðinni. Framtak þetta er samstarfsverkefni forvarnadeildar Sjóvá og bílaleiga í landinu.