Rafmagnslaust í Breiðholti

Rafmagnslaust er í Fellunum í Breiðholti og eins Vesturbergi, Rjúpnahæð og hverfunum þar í kring. Talið er að um háspennubilun sé að ræða og er verið er að leita að biluninni.

Mannskæð sprengjuárás á Srí Lanka

Að minnsta kosti sjö létu lífð og tíu særðust þegar sprengja sprakk um borð í vélknúnum léttivagni í Colombo, höfuðborg Srí Lanka, í dag. Sendiherra Pakistana í landinu slapp ómeiddur úr árásinni en talið er að hún hafi beinst gegn honum.

Barist við skógarelda á Spáni

Svo virðist sem slökkviliðsmenn á norð vestur Spáni séu að ná tökum á skógareldum sem þar hafa logað í u.þ.b. viku. Enn logar þá á 40 stöðum. Fjórir hafa farist í eldunum.

11 torfærustólar teknir í notkun

Íþróttasamband fatlaðra tekur í notkun 11 torfæruhjólastóla á morgun, en þeir hafa staðið óhreyfðir í átta mánuði vegna deilna sambandsins við tollayfirvöld hér á landi. Stólarnir komu til landsins í janúar. ÍF sótti um niðurfellingu aðflutningsgjalda en var hafnað. Málið var kært og var niðurfelling gjalda staðfest nú í júlí.

Myndir frá sjúkrabeði Castro

Kúbanska ríkisdagblaðið Granma birti í dag myndir af Fidel Castro, forseta landsins, þar sem hann sem bróðir hans Raul og Hugo Chavez, forseti Venesúela heimsóttu hann á sjúkrabeði hans. Myndirnar, sem eru sjö talsins, voru birtar á vefsíðu blaðsins.

Viðbótarfé til Líbanons

Íslensk stjórnvöld hafa ákveðið að veita viðbótarfé til mannúðar- og neyðaraðstoðar í Líbanon. Það framlag nemur fjórtán komma tveimur milljónum króna. Það kemur til viðbótar tíu milljónum króna sem veittar voru í lok júlí. Framlagið núna skiptist jafnt á milli Matvælaáætlunar Sameinuðu þjóðanna og Alþjóða Rauða krossins.

Flóttamenn halda heim

Líbanskir flóttamenn héldu margir hverjir til síns heima í dag þegar vopnahlé í átökum Ísraela og Hizbollah-skæruliða tók gildi. Þeir vonast til að geta haldið lífi sínu áfram þar sem frá var horfið áður en árásir Ísraela á Líbanon hófust fyrir rúmum fjórum vikum.

Fluttningi úr Heilsuverndarstöðinni slegið á frest

Starfsemi heilsugæslunnar í gömlu Heilsuverndarstöðinni í Reykjavík verður enn um sinn rækt við Bárónsstíg. Samkomulag þessa efnis hefur náðst við nýja eigendur hússins.

Sprengjutilræði í Pakistan á þjóðhátíðardegi

Tveir létust og níu særðust þegar sprengjur sprungu á tveimur stöðu í Suðvestur-Pakistan í dag. Sú fyrri sprakk við sölubás í bænum Hub þar sem verið var að selja pakistanska fánann í tilefni af þjóðhátíðardegi Pakistana og þar létust tveir og sex særðust.

Segir mótmælendur hafa haldið starfsfólki í gíslingu

Hópur andstæðinga Kárahnjúkavirkjunar lét að sér kveða á Reyðarfirði í dag. Samkvæmt upplýsingum frá lögreglunni á Eskifirði fór einn maður inn á byggingarsvæði álvers Alcoa og stöðvaði þar vinnu í eina til tvær klukkustundir. Þá fór um 10 manna hópur inn á skrifstofur.

Kristinn H. vill í ritaraembættið

Kristinn H. Gunnarsson þingmaður Framsóknarflokksins gefur kost á sér í embætti ritara Framsóknarflokksins. Þar með hafa þrír lýst yfir vilja til að gegna embætti ritara flokksins en ný forysta verður kjörin á flokksþingi Framsóknarflokksins um næstu helgi. Auk Kristins hafa Birkir Jón Jónsson þingmaður og Haukur Logi Karlsson formaður SUF gefið kost á sér í embættið.

Sandgerðisvegur lokaður í dag og á morgun

Sandgerðisvegur verður lokaður frá Miðnesheiðarvegi að Garðskagavegi í dag og á morgun vegna. Fram kemur í tilkynningu frá Vegagerðinna að vegurinn verði þó opinn í nótt til kl. níu í fyrramálið. Vegfarendum er bent á að aka Garðskagaveg.

Dregur úr sölu á nýjum íbúðum

Nýjum fullbúnum íbúðum, sem standa tómar og seljast ekki, fjölgar dag frá degi á höfuðborgarsvæðinu. Á sama tíma verður víða vart tómra íbúða í grónum hverfum þaðan sem fólk er flutt í nýjar íbúðir en getur ekki selt þær gömlu.

Ýjar að því að Fons kaupi aftur Sterling

Berlingske Tidende í Danmörku lætur að því liggja að eignarhaldsfélagið Fons, sem í fyrra keypti dönsku flugfélögin Mersk og Sterling og seldi þau sameinuð til FL Group, muni aftur eignast Sterling á næstunni.

Reglur um handfarangur rýmkaðar í Bretlandi

Yfirvöld í Bretlandi hafa lækkað viðbúnaðarstig í landinu vegna hryðjuverkahættu úr hættuástandi í viðbragðsstig. Um leið hafa reglur um handfarangur farþega í flugvélum verið rýmkaðar.

Maður handtekinn fyrir að reyna að aka niður lögreglumenn

Ökumaður á aflmiklum bíl gerði tilraun til að aka niður tvo lögreglumenn á Neshaga í Reykjavík í nótt, en þeir náðu að kasta sér frá á síðustu stundu.

Ólíklegt að friðargæsluliðar verði kallaðir heim

Engar ákvarðanir voru teknar um framtíð friðargæslunnar á Srí Lanka á fundi Valgerðar Sverrisdóttur utanríkisráðherra með starfsbróður hennar frá Noregi sem fram fór í morgun. Ólíklegt er þó talið að íslensku friðargæsluliðarnir verði kallaðir heim.

Stöðvuðu vinnu á byggingarsvæði álvers

Hópur fólk sem er andstæðingar Kárahnjúkavirkjunar stöðvaði í morgun vinnu á byggingarsvæði Bechtel og Alcoa á Reyðarfirði til þess að láta í ljós andstöðu sína við virkjuna. Þetta kemur fram í tilkynningu frá hópnum.

Hjálpargögn farin að berast til S-Líbanons

Hjálpargögn eru farin að berast til Suður-Líbanons, nokkrum klukkustundum eftir að vopnahlé milli Ísraels og Líbanons tók gildi. Ekki geta þó allir íbúar á svæðinu snúið til síns heima strax og hjá mörgum virðist að fáu að hverfa.

Umferð tafðist í göngum eftir slys

Umferð um Hvalfjarðargöng komst í samt lag á ný um klukkan sjö í gærkvöldi en tafir urðu í göngunum eftir að bíl var ekið á gangavegginn um fimmleytið.

Gripinn eftir tvö innbrot í apótek

Lögreglan í Reykjavík handtók í nótt mann sem brotist hafði inn í tvö apótek í Breiðholti, fyrst við Álfabakka og síðan við Iðufell þar sem hann var handtekinn. Ekki fanst mikið af lyfjum á honum en lögregla telur að hann hafi allt eins falið eitthvað utandyra og gistir þjófurinn fangageymslur.

Penguin buys Avoid Us

Slasaðist í veltu á Fljótsdalsheiði

Ökumaður var fluttur á sjúkrahúsið á Akureyri eftir að hann missti stjórn á bíl sínum á Fljótsdalsheiði í gær með þeim afleiðingum að bíllinn valt og er gerónýtur.

Öflug sprenging í Kolombó í morgun

Sjö létust og sautján særðust í árás á öryggissveitir sem fylgdu pakistönskum sendiráðssbíl í Kolombó á Srí Lanka í morgun. Svo virðist sem sprengju hafi verið komið fyrir á veginum og sprakk hún þegar bílalestin ók hjá.

Yfir tvö hundruð látnir eftir fellibyl í Kína

Yfir tvö hundruð manns hafa látist í Kína síðustu daga af völdum fellibylsins Saiomai. Fellibylurinn er sá sterkasti sem gengið hefur á land í Kína í hálfa öld og hefur hann eyðilagt tugþúsundir húsa og skemmt uppskeru á stóru svæðu.

Viðbúnaðarstig lækkað í Bretlandi

Yfirvöld í Bretlandi hafa lækkað viðbúnaðarstig í landinu vegna hryðjuverkahættu úr hættuástandi í viðbragðsstig. Hættuástand hefur verið í gildi frá því á fimmtudag þegar greint var frá því að tekist hefði að koma í veg fyrir að hryðjuverkamenn sprengdu nokkrar flugvélar á leið yfir Atlantshafið í loft upp.

Bendir til aðildar al-Qaida

Michael Chertoff, heimavarnaráðherra Bandaríkjanna, segir rannsókn á yfirvofandi sprengjutilræðum í flugvélum yfir Atlantshafi, sem greint var frá á fimmtudag, benda til aðildar hryðjuverkasamtakanna al-Qaida.

Rafmagnslaust í Tókýó

Rafmagnslaust varð á hundruðum þúsunda heimila í Tókýó, höfuðborg Japans, snemma í morgun eftir að stjórnandi byggingarkrana sleit óvart í sundur mikilvægar rafmagnslínur í borginni.

Enn samdráttur á fasteignamarkaði

Umsvif á fasteignamarkaði halda áfram að dragast saman og var aðeins 67 samningum þinglsýst á höfuðborgarsvæðinu í vikunni eftir verslunarmannahelgina. Það er meira en hundrað samningum færra en í sömu viku í fyrra og 59 samningum undir meðaltali síðustu tólf vikna.

Vopnahlé milli Ísraels og Hizbollah-skæruliða

Vopnahlé milli Ísraels og Hizbollah-skæruliða tók gildi klukkan fimm í morgun að íslenskum tíma. Ísraelsher hélt áfram árásum á skotmörk í Líbanon allt fram á síðustu stundu.

Reyndi að aka niður lögregluþjóna

Ökumaður á aflmiklum bíl gerði tilraun til að aka niður tvo lögrelgumenn á Neshaga í Reykjavík í nótt. Þeir köstuðu sér frá á síðustu stundu en bíllinn lenti utan í öðrum lögreglumanninum,sem slapp ómeiddur, en við það brotnaði baksýnisspegill af bílnum.

Ráðherra segir stefna í sameiningu háskóla

Menntamálaráðherra segir allt stefna í að Kennaraháskóli Íslands og Háskóli Íslands sameinist og verði einn skóli. Sameining verður hugsanlega hinn 1. júlí 2008. Rektorar beggja skólanna líta sameiningu mjög jákvæðum augum.

Rektor segir löngu tímabært að lengja kennaranám

Ólafur Proppé, rektor KHÍ, segir löngu tímabært að lengja kennaranámið og segir skýrslu OECD draga fram mikilvægi menntamála. Meirihluti nemenda við KHÍ hefur hug á því að taka meistaragráðu við skólann að ári.

Segir bankana okra á viðskiptavinum

Neytendasamtökin fá reglulega kvartanir vegna yfirdráttargjalda bankanna. Formaður samtakanna kallar gjöldin hreint okur. Engar reglur gilda um hversu mikið bankar mega rukka þá sem fara umfram heimild á debetreikningi.

Tæplega 400 með lífshættulega offitu

Alls bíða nú um þúsund manns þjónustu fjögurra sviða á Reykjalundi. Lengstur er biðlistinn á næringarsvið en þar bíða 390 manns og er biðtíminn tíu mánuðir. Aukið fjármagn heilbrigðisráðuneytisins mun stytta biðtímann.

Mikið úrval borgarferða

Haustið er tími borgarferðanna og þetta árið bjóða ferðaskrifstofur upp á fjölda helgarferða á spennandi áfangastaði. Borgir Austur-Evrópu virðast vera vinsælastar í dag.

Í gifsi á báðum eftir Gay pride

Juan Gabriel Rios Kristjánsson, hálfþrítugur efnafræðinemi, slasaðist á báðum höndum á sýningu í tilefni Gleðigöngu samkynhneigðra á laugardaginn.

Öryggið orðið óþægilega mikið

Verða vopnaðir verðir helstu ferðafélagar okkar í framtíðinni? Nýjar ógnir í loftferðum gera það að verkum að óþægindi ferðalanga hafa aukist til muna, sérstaklega í ferðum sem tengjast Bretlandi og Bandaríkjunum. Erfitt er að segja til um hversu lengi svo verði í pottinn búið, en nú þegar heyrast óánægjuraddir.

Krefjast svara um flugöryggi

Félag íslenskra flugumferðarstjóra spyr flugmálastjóra hvort flugumferðarstjóri sem telji sig tímabundið óhæfan til að sinna starfi sínu eigi samt að mæta til vinnu frekar en að tilkynna forföll. Þessi spurning kemur fram í bréfi sem félagið hefur sent Þorsteini Pálssyni flugmálastjóra.

Ísraelar samþykkja að gera hlé á hernaðaraðgerðum

Ríkisstjórn Ísraels samþykkti í gær tillögu um hlé á hernaðaraðgerðum í Líbanon. Vopnahléið tók gildi klukkan fimm í nótt að íslenskum tíma. Þrátt fyrir vopnahlé er talið líklegt að átök í Líbanon haldi áfram.

Grunaður um barnamisnotkun

Karlmaður á sextugsaldri hefur verið kærður fyrir kynferðisbrot gegn þremur ungum stúlkum á samkomu línudansara í Heimalandi í Rangárþingi um verslunarmannahelgina.

Skatttekjur ríkisins þriðjungi hærri

Framteljendur og fyrirtæki landsins fengu hærri tekjur og högnuðust meira á fyrri árshelmingi 2006 en á sama tímabili í fyrra. Skatttekjur ríkissjóðs af tekjum og hagnaði þeirra voru þar af leiðandi þriðjungi hærri. Þetta gerist þrátt fyrir að tekjuskattsprósenta á einstaklinga hafi lækkað um seinustu áramót. Almennt verðlag hækkaði um 5,7 prósent frá því í fyrra.

Vædderen lagður af stað

Danska varðskipið Vædderen, sem breytt hefur verið í vísindaleiðangursskip, lagði fyrir helgi upp frá Kaupmannahöfn í hnattsiglingarleiðangurinn Galathea 3.

Hryðjuverkaógn lamar flug í London

Þriðjungi áætlunarflugs frá Heathrow flugvelli í London var aflýst á sunnudag vegna öngþveitis við öryggisleit.

Segir ákvæði í kjara- samningum vera lögmæt

Magnús Norðdahl, lögfræðingur hjá ASÍ, tekur ekki undir álit Elínar Blöndal lögfræðings um að forgangsréttarákvæði í kjarasamningum á Íslandi kunni að brjóta í bága við Mannréttindasáttmála Evrópu.