Varnar­málaráðherrann verður fjár­málaráðherra og Mili­band utan­ríkis­ráðherra

Frá þessu var greint í gær, þegar Burnham tók við forsætisráðherraembættinu.

Healey sagði af sér sem varnarmálaráðherra í júní síðastliðnum og gagnrýndi Keir Starmer, þáverandi forsætisráðherra, fyrir að leggja ekki nógu mikið fjármagn til varnarmála.

Burnham er að gera ýmsar breytingar á ríkisstjórninni; færði menn bæði til innan embætta og kom dyggum stuðningsmönnum á stóla. 

Shabana Mahmood, sem var nefnd til sögunnar sem mögulegur fjármálaráðherra, verður áfram innanríkisráðherra en Yvette Cooper, utanríkisráðherra í ríkisstjórn Starmer, verður heilbrigðisráðherra.

Wes Streeting, sem sagði af sér sem heilbrigðisráðherra í vor, verður varnarmálaráðherra og Angela Rayner, fyrrverandi ráðherra húsnæðismála, snýr aftur í það embætti.

Streeting átti stóran þátt í því að Keir Starmer neyddist að lokum til að segja af sér en hann lýsti yfir vantrausti á forsætisráðherrann og greindi frá því eftir afsögn sína að hann hygðist skora hann á hólm. 

Það breyttist þegar ljóst varð að Burnham hafði það sama í hyggju en stuðningur við hann innan flokksins virðist hafa verið langt um meiri en við Streeting.

Ný ríkisstjórn Burnham fundar í dag.