Þyrla og björgunar­sveitir kallaðar út í Eyja­firði

Þyrla Landhelgisgæslunnar var kölluð út rétt fyrir klukkan sjö í dag á hæsta forgangi til að flytja mann sem hafði slasast út af alfaraleið. Hann var fluttur á sjúkrahúsið á Akureyri. Þetta staðfesti Ásgeir Erlendsson, upplýsingafulltrúi Landhelgisgæslunnar, í samtali við blaðamann.

Þá gat staðgengill upplýsingafulltrúa Landsbjargar staðfest að allar björgunarsveitir í Eyjafirði hefðu sömuleiðis verið kallaðar út vegna málsins. Flytja þurfti manninn úr Glerárdal sem er suðvestur af Akureyri.

Börkur Árnason, varðstjóri hjá lögreglunni á Norðurlandi eystra sagði útkallið á háum forgangi en að það væri vegna þess að maðurinn hafi slasast utandyra, frá þessu er greint í umfjöllun Rúv um málið. 

Fréttin hefur verið uppfærð.