Vand­ræða­leg aug­lýsing og köld kveðja

Valur Páll Eiríksson, Aron Guðmundsson og Ágúst Orri Arnarson fóru yfir sviðið í þætti dagsins.

Sara Björk Gunnarsdóttir verður kynnt sem nýr leikmaður Hauka í dag og rætt við hana í Sportpakka kvöldsins þar sem verður einnig fjallað um landsleik Íslands og Úkraínu sem hefst klukkan 16:00.

Vera má að Ögmundur Kristinsson gangi í raðir Víkings í dag en félagið hefur skilað inn nýrri umsókn um undanþágu til félagaskipta til KSÍ samkvæmt heimildum Vísis.

Körfuboltamönnum okkar, Elvari Má Friðrikssyni og Martin Hermannssyni, gekk ekki nægilega vel í gær og það er komið að úrslitastund hjá Tryggva Snæ Hlinasyni í kvöld. Þá mætast New York Knicks og San Antonio Spurs í kvöld og leikmaður Knicks virðist hata Arsenal og baunaði á blaðamann.

Þá eru æfingaleikir um helgina þar sem Cole Palmer-laust Englandslið hitar upp fyrir HM. Palmer er andlit Nike fyrir mót sem hann tekur ekki þátt í. Channing Tatum var þá áhugavert val sem tvífari Erling Haaland í auglýsingu Nike.

Svo er spurning hvort Arnar Gunnlaugsson hafi náð að lækka forgjöfina í golfi í Japan en hann er mættur með A-landsliði karla til Bandaríkjanna þar sem fram undan er leikur við heimsmeistara Argentínu.

Þáttinn má heyra í spilaranum og öllum helstu hlaðvarpsveitum.