Upp­gjörið og við­töl: Tinda­stóll - Grinda­vík 101 - 109  | Grinda­vík er Ís­lands­meistari

Grinda­vík er Ís­lands­meistari karla í körfu­bolta í fjórða sinn í sögunni eftir sigur í Síkinu í kvöld gegn heima­mönnum í liði Tindastóls. Lokatölur 101-109. Grinda­vík hafði betur í úr­slita­ein­víginu 3-1. Fyrsti Ís­lands­meistara­titill liðsins síðan árið 2013.

Grinda­vík hóf leikinn í kvöld án Deandre Kane, Ólaf Ólafs­son og Daniel Mor­ten­sen og því á brattan að sækja fyrir gestina. Tindastóll með full­mannað lið og því voru strákarnir frá Sauðárkróki sigur­strang­legri fyrir leik kvöldsins.

Grinda­vík byrjaði betur í upp­hafi leiks og var það Jeremy Pargo sem stal senunni í upp­hafi. Hann setti hvert stigið á fætur öðru og Tindastóll gat ekkert gert til að stöðva hann. Grinda­vík voru að spila frábæra vörn og voru að setja Tindastól í erfiða stöður. Grinda­vík leiddu eftir fyrsta leik­hluta en staðan var 19-31.

Grinda­vík byrjuðu 2 leik­hluta betur og juku muninn upp í 15 stig. Þá settist Jeremy Pargo og Tindastóll gekk á lagið og minnkaði munin strax niður í 4 stig. Þá kom Pargo inn á aftur og byrjaði þetta á að skora enn eina körfuna. Grinda­vík héldu út hálf­leikinn og leiddu í hálf­leik 45-48. Jeremy Pargo var með 27 stig í hálf­leik.

Upp­hafi á seinni hálf­leiknum var alveg eins og upp­hafið á 1 leik­hluta. Grinda­vík byrjaði betur og Tindastóll átti fá svör. Arnór Tristan Helga­son sem var varla búinn að sjá gólfið alla seríuna setti 11 stig í fjórðungum og var gjör­sam­lega frábær. Jordan Semple kom með helling að borðið líka með fráköstum og stigum. Vand­ræði Tindastóls héldu bara áfram og þeir höfðu lítil svör við sóknar­leik Grinda­víkur sem settu 36 stig í fjórðungnum. Grinda­vík leddi 72-84 fyrir loka fjórðunginn.

Tindastóll byrjaði betur í seinasta fjórðungnum og minnkuðu þeir muninn strax niður í 5 stig. Grinda­vík stressuðust ekkert upp og héldu áfram að spila sinn leik og aftur juku þeir for­ystuna og um miðjan fjórðunginn leiddu strákarnir úr Grinda­vík með 13 stigum. 

Tindastóll reyndi loka áhlaup og minnkuðu muninn niður í 1 stig. Adomas Drungi­las skoraði þrjár 3 stiga körfur á þessum kafla og hjálpaði Tindastól að minnka þetta en Grinda­vík stóðst þetta áhlaup og var það maðurinn sem átti kvöldið Jeremy Pargo skoraði þriggja­stiga körfu sem kláraði leikinn og Tindastóll komst ekki nálægt þeim aftur og gestirnir kláruðu þennan leik 102-109.

Grinda­vík standa því uppi ís­lands­meistarar og eru þeir vel að þessu komnir. Þeir voru gjör­sam­lega frábærir og áttu þennan sigur skilið.

At­vik leiksins

Jeremy Pargo var at­vik leiksins. Gaurinn var óstöðvandi í kvöld og var valinn leik­maður loka úr­slitana. Hann skoraði 10 þriggja stiga körfur í leiknum.

Stjörnur

Hjá Tindastól var Adomas Drungi­las með 26 stig, Taiwo Bad­mus var með 22 stig og 13 fráköst og Dedrick Basi­le með 20 stig og 12 stoð­sendingar.

Hjá Grinda­vík var Jeremy Pargo stur­laður með 48 stig, 8 fráköst og 8 stoð­sendingar, Jordan Semple var með 25 stig, 14 fráköst og 8 stoð­sendingar. Arnór Tristan var með 11 stig og komu þau öll í 3 leik­hluta.

Dómararnir

Stóðu sig vel í kvöld. Erfitt að dæma þennan leik og komust þeir vel frá því.

Stemmingin og um­gjörð

Geggjað hérna í kvöld. Allt upp á tíu hjá þeim sem sjá um þetta

Viðtöl