Þakkaði guði eftir leik sem gæti verið hans síðasti

„Það eru alls konar tilfinningar í gangi. Guð kom mér á þennan stað. Hann veitti mér blessun til þess að gera það sem að ég gerði í kvöld. Hvað við sem lið náðum að afreka í kvöld. Dýrð sé guði,“ sagði Pargo sem setti niður 48 stig í kvöld, í viðtali við Andra Má Eggertsson eftir leik.

Grindavík spilaði í kvöld án tveggja lykilmanna, DeAndre Kane og Ólafs Ólafssonar en náði samt sem áður að sýna frábæra frammistöðu og sigla heim mögnuðum sigri á erfiðasta útivelli landsins.

„Við stigum upp á stórri stundu. Allir voru að hitta úr stórum skotum, allir að leggja sig fram í varnarleiknum.“

Allt í einu mátti svo sjá tilfinningar brjótast út hjá Pargo í miðju viðtali.

„Ég veit ekki hvort þetta verði minn síðasti leikur á ferlinum. Ég er ánægður með að hafa tekið þátt í því að hafa unnið þennan titil fyrir fólkið okkar.“

Gæti þetta verið þinn síðasti leikur á ferlinum?

„Ég veit það ekki akkúrat á þessari stundu. En endalokin nálgast.“