Grindavík sigraði Keflavík í hörku spennandi Suðurnesjaslag í kvöld, 99-105. Leikurinn var að mestu leyti jafn milli liðanna en afhroð í öðrum leikhluta varð Keflavík að falli.

Það var ljóst frá fyrstu mínútu að áhorfendur fengju allt fyrir peninginn sinn. Keflavík byrjuðu á fyrstu þriggja stiga körfu leiksins en Jeremy Pargo nýi/gamli leikmaður Grindavíkur, svaraði þá einnig með þristi.

Grindvíkingar náðu undirtökunum á fyrstu mínútum leiksins og komust í níu stiga forystu þegar Mortensen hitti úr tveimur þriggja stiga skotum í röð á meðan sóknarleikur Keflavíkur hikstaði. Daníel Guðni, þjálfari Keflavíkur, tók þá leikhlé og í kjölfarið náðu heimamenn góðu áhlaupi sem skilaði þeim þriggja stiga forystu.

Jordan Semple minnkaði muninn niður í eitt stig með þristi og tveggja stiga körfu þegar fyrsti leikhluti var flautaður af, 24-23.

Annar leikhluti einkenndist af miklum hita, bæði á vellinum og hliðarlínunni, en þjálfarar liðanna voru bersýnilega ósáttir með dómgæslu leiksins. Grindvíkingar náðu þá yfirhöndinni í leikhlutanum og fór með 16 stiga forystu inn í hálfleikinn.

Keflvíkingur unnu þriðja og fjórða leikhluta en það dugði ekki til og lokatölur því, 99-105.

Atvik leiksins

Ekkert sérstakt sem stendur upp úr en það var hiti í þessum leik sem gerði hann ansi spennandi.

Stjörnur og skúrkar

Jordan Semple var stigahæstur hjá Grindavík með 27 stig, 7 fráköst og 4 stoðsendingar..

Jeremy Pargo kom þar næstur með 24 stig, 4 fráköst og 8 stoðsendingar. Frábær innkoma í þessum leik hjá Pargo sem samdi við liðið aftur á dögunum.

Mirza Bulić var þá stigahæstur hjá Keflavík með 22, 10 fráköst og 3 stoðsendingar.

Stemning og umgjörð

Það var alvöru stemning í þessum Suðurnesjaslag og stúkan full. Það mátti þó greina talsverðan mun á stuðningi liðanna. Grindvíkingar létu mun meira fyrir sér fara í stúkunni á meðan heimamenn voru heldur hljóðlátari.

Dómarar

Bjarki Þór Davíðsson, Bjarni Hlíðkvist Kristmarsson og Birgir Örn Birgisson stóðu vaktina á parketinu í kvöld. Leikurinn reyndi á dómarateymið enda var mikill hiti í húsinu. Mörg atriði þar sem þjálfarar og leikmenn létu ítrekað óánægju sína í ljós.

Viðtöl

Daníel Guðni Guðmundsson: „Eitthvað það versta sem ég hef séð.“

„Mér fannst við vera rosalega soft varnarlega á löngum köflum í leiknum og það vantaði orku. Sérstaklega annar leikhluti sem var náttúrulega bara afhroð. Við vinnum hina þrjá leikhlutana en þessi annar leikhluti var náttúrulega bara eitthvað það versta sem ég hef séð.“

„Við verðum að þétta okkar raðir, sérstaklega varnarlega. Þetta var oft á tíðum alltof opið hérna hjá okkur og það á ekkert lið í efstu deild að fá á sig 36 stig í einum leikhluta. Þannig þetta var mjög slappt af okkar hálfu og það er eitthvað sem þarf að skoða betur.“

Jóhann Þór Ólafsson: „Það var eins og við værum á heima­velli“

Jeremy Pargo: „Mér er al­veg sama hvað aðrir halda“