Einarar tíma­bilsins í Lokasókninni: „Þetta er skugga­legt grip“

„Við erum með eitt svona konsept hérna í Lokasókninni en stundum eru útherjarnir í þessari deild að grípa á með annarri hendi. Við köllum það Einar. Við höfum alltaf verið með Einar vikunnar og við ákváðum að taka saman smá syrpu yfir bestu Einarana,“ sagði Andri Ólafsson og setti syrpuna í loftið.

Þar voru þessi grip sýnd og undir mátti heyra viðbrögðin frá Andra og sérfræðingum þáttarins. Hér fyrir neðan má lesa einhver þeirra en best er að horfa á þessa stórskemmtulegu syrpu hér fyrir neðan.

„Þetta er ljómandi snoturt hjá gamla manninum,“ sagði Eiríkur Stefán Ásgeirsson um einnar handar grip hjá DeAndre Hopkins.

„Mitchell Tinsley. Fyrsta gripið á ferlinum í NFL-deildinni og það er einnar handar grip,“ sagði Eiríkur.

„Það er vinur minn Justin ‚Einar' Jefferson,“ sagði Andri.

„Hann er að taka varnarmanninn í sunnudagsskóla og grípa boltann með hinni,“ sagði Henry Birgir Gunnarsson.

„Þetta hlýtur að vera Einar vikunnar. Hinn er flottur en þessi er rosalegur,“ sagði Gunnar Ormslev.

„Besti Einar tímabilsins. Hann hlýtur að vera hér. Það er enginn annar en Puka Nacua í Rams-liðinu. Þetta er skuggalegt grip,“ sagði Andri.

Super Bowl verður í beinni útsendingu á Sýn Sport á sunnudaginn. Lokasóknin verður í beinni, hitar vel upp fyrir leikinn og fylgir honum síðan þar til úrslitin eru ráðin og nýr Super Bowl-meistari hefur verið krýndur.