Leik lokið: Ís­land 23 - 30 Spánn | Hrun í síðari hálf­leik

Íslenska landsliðið í handbolta fékk vænan skell er liðið tapaði með sjö mörkum gegn Spáni á HM í kvöld. Liðið byrjaði leikinn af krafti en hrun í seinni hálfleik varð liðinu að falli. Lokatölur 23-30 og ljóst að Ísland endar í neðsta sæti í milliriðlinum.

Ísland byrjaði leikinn vel og var fyrri hálfleikur jafn og skiptust liðin á að leiða leikinn. Spánverjar fóru inn í hálfleik einu marki yfir 13-14.

Ísland gerði vel í síðari hálfleik og komst strax tveimur mörkum yfir með þremur mörkum í röð.

Fyrstu fimmtán mínúturnar í síðari hálfleik voru svipaður og í þeim fyrri. Jafn leikur þar sem liðin skiptust á því að skora. Spánverjar skoruðu svo fimm mörk í röð og komust í þriggja marka forystu, 19-21.

Þá tók við algjört hrun hjá íslenska liðinu sem skoraði einungis tvö mörk á tuttugu mínútna kafla á meðan Spánverjar gerðu afar vel og tókst að komast í níu marka forystu 20-29.

Ekki var aftur snúið hjá íslenska liðinu sem tapaði með sjö mörkum, 23-30.