Snævar fylgdi Evrópumetinu eftir með því að setja Ís­lands­met

Snævar setti Evrópumet í hundrað metra flugsundi í flokki S19 í gær. Hann synti metrana hundrað á 59,61 sekúndu.

Snævar fylgdi þessu eftir með því að setja Íslandsmet í tvö hundruð metra fjórsundi í flokki S19. Hann kom í bakkann á 2:28,35.

Snævar hefur verið í miklu stuði að undanförnu en fyrr í þessum mánuði setti hann heimsmet í fimmtíu metra flugundi á Íslandsmótinu í 25 metra laug. Hann synti á 26,79 sekúndum.

Fjölmargir íslenskir sundkappar tryggðu sér sæti í úrslitum á Norðurlandameistaramótinu í morgun.

Eva Margrét Falsdóttir, Sólveig Freyja Hákonardóttir og Freyja Birkisdóttir komust í úrslit í fjögur hundruð metra fjórsundi kvenna.

Katja Lilja Andriysdóttir tryggði sér sæti í úrslitum í tvö hundruð metra skriðsundi og Ylfa Lind Kristmannsdóttir komst í úrslit í hundrað metra baksundi kvenna.

Denas Kazulis og Veigar Hrafn Sigþórsson komust í úrslit í hundrað metra skriðsundi karla og Hólmar Grétarsson og Daði Rafn Falsson tryggðu sér sæti í úrslitum í tvö hundruð metra flugsundi karla.

Úrslitin hefjast klukkan 17:00 í dag.