Gíslar á heim­leið og gleði­fréttir af loðnunni

Fjallað verður um málið í hádegisfréttum Bylgjunnar. Þar verður einnig rætt við formann Samtaka fyrirtækja í sjávarútvegi sem fagnar mjög nýjum loðnumælingum Hafrannsóknarstofnunar. Hann vonast til að frekari mælingar gefi tilefni til að gefinn verði út meiri kvóti en nú er áætlað.

Margrét Kristín Blöndal, Magga Stína, lenti í Amsterdam seint í gærkvöldi eftir að hún var látin laus úr haldi Ísraela. Fyrr í vikunni var hún handtekin ásamt öðrum meðlimum Frelsisflotans við tilraun til þess að koma hjálpargögnum á Gasa.

Landsþing Miðflokksins er hafið en flokksmenn munu kjósa sér nýjan varaformann. Þrír þingmenn flokksins af átta berjast um embættið.

Loks heyrum við frá Vík í Mýrdal þar sem mikið stendur til, en Regnbogahátíðin fer þar fram um helgina.

Hádegisfréttir Bylgjunnar eru í beinni útsendingu á Bylgjunni og Vísi klukkan tólf.