„Maður verður að telja það sterkt and­lega“

„Úr því sem komið var ef svo má segja, mér leið helvíti vel eftir fyrri hálfleikinn“ sagði Höskuldur Gunnlaugsson í samtali við Gunnlaug Jónsson eftir jafnteflið í kvöld. 

„Skemmtilegur leikur og mér fannst við vera með þá ef svo má segja. Þetta var auðvitað fram og til baka ég átta mig alveg á því en svo kemur rauða spjaldið heldur snemma í seinni hálfleik og ég ætla svo sem ekkert að tjá mig um það“

„Við fáum á okkur mark svo tilturlega snemma eftir það. Það krefst þá bara mikils karakters að koma til baka og klára leikinn í jafntefli úr því sem komið var, manni færri og búnir að lenda undir í Víkinni. Maður verður að telja það sterkt andlega“

Breiðablik gerðu taktískar breytingar á sínu sem skilaði sér vel því þeir litu mjög vel út þrátt fyrir að vera einum færri í kvöld.

„Ég er sammála. Þeir áttu ágætis föst leikatriði sem var svo sem það eina sem þeir ógnuðu með eftir það. Ef eitthvað er þá hefði maður bara viljað fara aðeins betur með skyndisóknirnar því þær voru alveg þó nokkrar og Gústi (Ágúst Orri) kemur nátturlega frábærlega inn í þetta og Davíð er við það að slotta honum fyrir“

„Frábærlega brugðist við hjá þjálfarateyminu og þeir sem að komu inn á gerðu ótrúlega vel og þeir sem höfðu verið að hlaupa hérna um allan völl. Maður verðu bara að taka úr þessu jákvætt hugarfar og jákvæð úrslit á erfiðum útivelli og manni færri“

Sterkt stig á erfiðum útivelli hjá Breiðablik og þeir eru enn vel inni í baráttunni um titilinn.

„Já ekki spurning. Þetta er einn af erfiðustu útivöllunum þannig að ná í stig hérna manni færri er bara býsna gott“ sagði Höskur Gunnlaugsson að lokum.