Lífið

Skákborðsréttir nýjasta matartískan

Svava Marín Óskarsdóttir skrifar
Réttir í skákborðsmynstri slá í gegn á samfélagsmiðlum.
Réttir í skákborðsmynstri slá í gegn á samfélagsmiðlum. Pinterest

Réttir skornir í skákborðsmynstur hafa slegið í gegn á samfélagsmiðlum og má víða sjá myndir af litríku og fallega uppsettu hráefni sem líkist helst listaverki. Ef þú ert að leita að léttum rétti í sumarveisluna sem bragðast jafnvel enn betur en hann lítur út fyrir að gera gæti þessi nýjasta matartíska verið eitthvað fyrir þig.

Sumarið kallar á ferska og létta rétti og þessi framsetning sameinar einfaldleika og sjónræna fegurð á áhrifaríkan hátt. Oft er fetaosturinn í aðalhlutverki, raðaður upp með litríku hráefni á borð við vatnsmelónu, tómata, agúrku eða ólífur. 

Pinterest

Þessi aðferð er ekki aðeins falleg heldur líka bragðgóð og býður upp á endalausa möguleika til að leika sér með hráefni og liti.

Með réttum tólum, smá þolinmæði og örlitlu hugmyndaflugi geturðu auðveldlega breytt einföldu salati í sannkallað listaverk. Það eina sem þú þarft er beittur hnífur og – já, trúðu því eða ekki – reglustiku! Útkoman er öðruvís veisluréttur sem fangar augað, gleður bragðlaukana og fær gestina til að grípa í símann áður en þeir smakka.

Fjöldi áhrifavalda og matgæðinga erlendis hafa þegar deilt myndum af sambærilegum réttum sem eru hver öðrum glæsilegri.

Pinterest
Pinterest
Pinterest
Pinterest
Matur


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.