Milner spilar til fer­tugs í von um að slá leikja­metið

Hinn ávallt áreiðanlegi Milner mun hefja sitt 24. tímabil í ensku úrvalsdeildinni þegar tímabilið 2025-26 hefst í haust.

Sem stendur hefur Milner spilað 638 leiki fyrir Leeds United, Newcastle United, Aston Villa, Manchester City, Liverpool og Brighton. Það er 15 leikjum minna en Gareth Barry gerði á ferli sínum en Barry á leikjamet ensku úrvalsdeildarinnar í dag.

Milner þarf að spila talsvert meira á næstu leiktíð en þeirri sem er nýafstaðin ef hann ætlar sér metið. Hann var að glíma við meiðsli á læri og kom aðeins við sögu í fjórum leikjum þegar Brighton endaði í 8. sæti.