Dag­skráin: Fyrsti leikur Thunder og Pacers í úrslitaeinvígi NBA

Í kvöld hefst úrslitaeinvígið í NBA deildinni í körfubolta. Oklahoma City Thunder tekur á móti Indiana Pacers í baráttunni um titilinn í ár. Upphitun fyrir leikinn hefst á miðnætti.

Thunder er sigurstranglegra liðið en Pacers menn hafa komið mörgum á óvart í úrslitakeppninni í ár.

Seinni undanúrslitaleikurinn í Þjóðadeild karla í fótbolta verður einnig sýndur beint þar sem Spánn tekur á móti Frakklandi í Stuttgart. Sigurvegarinn mætir Þýskalandi/Portúgal í úrslitaleiknum um helgina.

Það verður einnig sýnt beint frá KLM golfmótinu og frá móti á Tenerife á LPGA mótaröðinni í golfi.

Hér fyrir neðan má sjá yfirlit yfir beinar útsendingar á sportstöðvunum í dag.

Stöð 2 Sport 2

Klukkan 00.00 hefst upphitun fyrir leik eitt í úrslitaeinvígi NBA deildarinnar í körfubolta 2025.

Klukkan 00.30 hefst útsending frá fyrsta leik í úrslitaeinvígi Oklahoma City Thunder og Indiana Pacers um NBA meistaratitilinn.

Stöð 2 Sport 4

Klukkan 11.00 hefst útsending frá Opna KLM golfmótaröðinni í DP heimsbikarnum.

Vodafone Sport

Klukkan 11.30 hefst útsending frá Opna Tenerife golfmótinu á LPGA mótaröðinni.

Klukkan 18.50 hefst útsending frá undanúrslitaleik Spánar og Frakklands í Þjóðadeild karla í fótbolta.