Á­kærður fyrir að keyra á hóp fólks í Liverpool

Paul Doyle, 53 ára Breti frá Liverpool, ók bíl í gegnum þvögu fólks í miðborg Liverpool þar sem það fagnaði sigri karlaliði Liverpool í fótbolta. Talið er að um milljón manns hafi verið í miðborginni.

Maðurinn var handtekinn á vettvangi á mánudag. Alls slösuðust 79 manns en enn eru sjö manns á sjúkrahúsi.

Doyle hefur verið ákærður í sjö ákæruliðum fyrir árekstur af gáleysi og fyrir að valda fólki skaða af ásettu ráði samkvæmt umfjöllun Reuters.

Samkvæmt lögreglu er ekki talið að árásin hafi verið hryðjuverk og að Doyle hafi verið einn að verki. Hann komst á bílnum inn á svæðið þar sem verið var að hleypa sjúkrabíl inn á svæðið.