Arsenal kom til baka á móti meisturunum á Anfield

Liverpool og Arsenal gerðu í dag 2-2 jafntefli í mjög fjörugum og skemmtilegum leik tveggja efstu liðanna í ensku úrvalsdeildinni í fótbolta.

Liverpool komst í 2-0 í fyrri hálfleiknum og endaði leikinn ellefu á móti tíu leikmönnum gestanna en tókst samt ekki að tryggja sér sigur.

Liverpoool var fyrir löngu búið að tryggja sér Englandsmeistaratitilinn enda með fimmtán stig forskot á Arsenal fyrir leikinn. Það breyttist ekki en Arsenal menn eru ekki öruggir með annað sætið. Þeir hafa tveimur stigum meira en Newcastle þear tvær umferðir eru eftir.

Liverpool komst í 2-0 í fyrri hálfleik eftir að hafa skorað tvívegis með aðeins mínútu millibili.

Fyrra markið skoraði Cody Gakpo með skalla eftir fyrirgjöf frá Andrew Robertson á 20. mínútu en hitt markið skoraði Luis Diaz af stuttu færi á 21. mínútu eftir óeigingjarna sendingu frá Dominik Szoboszlai.

Arsenal byrjaði seinni hálfleikinn af miklum krafti og Gabriel Martinelli skoraði eftir aðeins tveggja mínútna leik, með skalla eftir fyrirgjöf frá Leandro Trossard.

Mikel Merino jafnaði síðan metin á 70. mínútu þegar hann fylgdi eftir frábæru langskoti Martin Ödegaard sem Alisson varði í slána.

Merino skoraði jöfnunarmarkið en níu mínútum síðar fékk hann sitt annað gula spjald og var sendur snemma í sturtu.

Liverpool var því manni fleiri síðustu ellefu mínútur leiksins en tókst ekki að tryggja sér sigurinn þrátt fyrir nokkur ágæt færi. Liverpool kom boltanum reyndar í markið í uppbótatíma en mark Diego Joto var dæmt af vegna brots í aðdragandanum.