Eftir­minni­legast að hitta Loreen

Fegurðarsamkeppnin Ungfrú Ísland verður haldin í tíunda skipti þann 3. apríl næstkomandi og fer fram í Gamla bíói. Keppendur eru tuttugu talsins og eru á aldrinum 18 til 37 ára.

Lífið á Vísi ræðir við stúlkurnar sem keppast um titilinn Ungfrú Ísland í ár og fær að kynnast þeim aðeins betur. Ungfrú Ísland verður í beinni útsendingu þann 3. apríl á Vísi og Stöð 2 Vísi.

Fullt nafn? Dimmey Rós Lúðvíksdóttir. 

Aldur? 25 ára. 

Starf? Gæludýrabúðin Móri.

Menntun? Undirbúningsnám fyrir Listaháskóla. 

Hvernig myndir þú lýsa sjálfri þér í þremur orðum? 

Jákvæð, viljasterk og traust. 

Hvað kæmi fólki mest á óvart að vita um þig? Ég hef unnið í fullu starfi frá 18 ára aldri til að ferðast heiminn eins mikið og ég get, og er nú að huga að náminu mínu þar sem ég veit loksins hvað ég vil gera við mína framtíð. 

Hver er fyrirmynd þín í lífinu? Amma mín, hún hefur sigrast á alveg ótrúlegum hlutum en tekist á með hvern dag með jákvæðni og stóru brosi. 

Hvað hefur mótað þig mest? Að vera sjálfstæð frá ungum aldri gerði mig að manneskjunni sem ég er í dag. 

Hver er mesta áskorunin sem þú hefur þurft að takast á við, og hvernig komstu þér í gegnum hana? Að missa ömmu mína og afa skyndilega árið 2024 með stuttu millibili, og verið kistuberi fyrir þau bæði. Mun alltaf taka það með mér og vera þakklát fyrir hvað ég var heppin að vera til staðar fyrir þau og fjölskylduna og einnig þakklát fyrir að eiga gott fólk í kringum mig, mikinn stuðning og jákvætt hugarfar. 

Hverju ertu stoltust af? Viljastyrknum mínum og þrjósku til að fara fyrir út fyrir þægindarammann og fara á eftir öllum áskorum sem eru mér kærar. 

Hver er þín mesta gæfa í lífinu? 

Að dreifa hamingju, sköpun og takast á við hvern dag eins og hann verður betri en sá liðni. 

Hvernig tekstu á við stress og álag? Með hugsunarhætti mínum, ég er á réttri leið, allt gerist vegna ástæðu og stundum ”its not that deep”.

Besta heilræði sem þú hefur fengið? Þú getur allt sem þú hugar að. 

Neyðarlegasta atvik sem þú hefur lent í? Ég fékk einu sinni ”kast” sem átti við heilablóðfall þar sem ég missti mál, kunnáttu, skilning og alla vitund um fólkið í kringum mig. Kom í ljós frá læknum að þetta er aukaverkun frá mígreni.

Býrðu yfir einhverjum leyndum hæfileika? Ég er óvenju fljót í að læra nýja hæfileika. 

Hvað finnst þér heillandi í fari fólks? Að vera opinn, bera sig vel og jákvæðni. 

En óheillandi? Neikvæðni, fordómar og græðgi. 

Hver er þinn helsti ótti? 

Að fólk átti sig ekki á því að allt sem þau gera hafa afleiðingar, hvort sem þær eru góðar eða vondar, og að við hættum að bera virðingu fyrir hvort örðu. 

Hvar sérðu þig eftir tíu ár? Búin með nám, að hjálpa til við endurnýtingu á fatnaði þar sem sóunin er gríðarleg og það þarf að finna fleiri lausnir. 

Hvaða tungumál talarðu? Ensku, íslensu, stundum pínu spænsku.

Hvað er uppáhalds maturinn þinn? Gyros. 

Hvaða lag tekur þú í karókí? I need a hero.

Hver er frægasti einstaklingur sem þú hefur hitt? Loreen. 

Hvort kýstu að skrifa skilaboð eða eiga samskipti við fólk í eigin persónu? Í eigin persónu það er allt áhrifaríkara í persónu.

Ef þú fengir tíu milljónir til umráða, hvað myndirðu gera við peningana? Setja það í sparnað, leyfa því að vaxa yfir tíma og reyna nýta það til góðs. 

Hvað var það sem vakti áhuga þinn á keppninni? Það fá ekki allir annað tækifæri til að betrum bæta sig og ég vildi nýta mitt. 

Hvað ert þú búin að læra í ferlinu? Göngulag, betri sjálfsmynd og áhrifin sem gott teymi hefur. 

Hvaða samfélagslega málefni brennur þú fyrir? 

Ég vil vekja athygli á fordómum á Íslandi gagnvart samkynhneigðu fólki. 

Hvaða kosti þarf Ungfrú Ísland að búa yfir? Sjálfstraust, öryggi, heiðarleika, vera góð fyrirmynd fyrir alla með hlía nærveru. 

Af hverju sækist þú eftir því að vera næsta Ungfrú Ísland? Til að vera fyrirmynd fyrir yngri kynslóðina og bæta fjölbreytileikann í fegurðasamkeppnum. 

Hvað greinir þig frá öðrum keppendum? 

Ég hef vitað lengi að ég sé tvíkynhneigð og er svo heppin að eiga stuðningsríka og uppbyggjandi kærustu. 

Hvert er stærsta vandamálið sem þín kynslóð stendur frammi fyrir? Og hvernig mætti leysa það? Hlýnun jarðar og að sagan gegn minnimáttarhópum mun endurtaka sig. Með samvinnu, aukni fræðslu og hafa betra umhald gagnvart falsfréttum á netinu getum við bætt okkur talsvert 

Hvað viltu segja við þá sem hafa neikvæða skoðun á fegurðarsamkeppnum? Að fræða sig betur um hvað fegurðasamkeppnir standa í raun fyrir, þetta er um að vaxa sem manneskja, hafa jákvæð áhrif og gott málefni sem þú stendur fyrir, fólk er mismunandi og við viljum fagna því.