Bátur kastaðist upp á bryggju í hamfaraveðri í Sand­gerði

Sjö manns frá björgunarsveitinni Sigurvon í Sandgerði ásamt áhafnarmeðlimum af björgunarskipinu Hannesi Þ. Hafstein stóðu í ströngu við að tryggja fjóra báta. Á tímabili var það haldið að björgunarskipið sjálft hefði slitið sig laust en í ljós kom að aðeins var kominn slaki á spottana þar.

„Svo mikil voru lætin á tímabili að einn báturinn hafi kastast uppá bryggjuna og stóð þar fastur í smá stund, en mikill áhlaðandi var vegna vinds og sjávarstöðu og höfðu sumir bátar líka slitið sig lausa,“ segir í tilkynningu frá björgunarsveitinni.

Verkefnum var lokið um klukkan tíu í kvöld.