Hefðum við átt að sjá fram­boð Höllu Hrundar fyrir strax í febrúar?

Eftir að hafa komið sér rækilega á kortið í framboði til embættis forseta var Halla Hrund orðuð við framboð fyrir fleiri en einn flokk í nýliðnum alþingiskosningum. Hún fór á endanum fram fyrir Framsókn, eins og frægt er.

En hefðum við kannski átt að sjá val hennar fyrir strax í febrúar? Halla mætti þá í myndver í kvöldfréttum Stöðvar 2 ansi Framsóknarleg til fara, eins og sýnt er í annál fréttastofu hér fyrir neðan. Yfirferðin hefst á mínútu 3:25.

Umrædd yfirferð hefst á því að farið er lauflétt yfir nokkur af eftirtektarverðustu framboðum kosninganna og lagt mat á það hvort þau geti talist óvænt eða hvort þau hafi, eftir á að hyggja, verið alveg viðbúin.