Frum­sýning á Vísi: „Er ég að fara að missa allt?“

Um er að ræða heimildaþáttaröð í sex hlutum og verður fyrsti þáttur sýndur á Stöð 2 Sport sunnudaginn 29. desember. Í þáttunum er íbúum Grindavíkur fylgt eftir í heilt ár eftir að hörmulegar náttúruhamfarir leiða til þess að bæjarbúum er gert að flýja heimili sín.

Körfuboltalið Grindavíkur varð að sameiningartákni bæjarins og leikir liðsins um leið að samverustund fyrir Grindvíkinga. Þættirnir taka á upplifun Grindvíkinga a þessu erfiða ári i gegnum körfuboltalið bæjarins. Grindavík er ekki eingöngu íþróttaþættir, heldur þættir um fólk sem þarf að takast á við þá erfiðu aðstæður að verða flóttamaður í eigin landi og meinað að leita aftur til sinna uppeldisstöðva.

Framleiðsla þáttanna er í höndum Garðars, Sigurðar og Stöðvar 2 Sports. Egill Birgisson aðstoðaði við framleiðslu, Obbosí sér um alla eftirvinnslu á þáttunum. Freyr Árnason hafði yfirumsjón með eftirvinnslu, Leó Þór Lúðvíksson sá um grafík, Gísli Brynjólfsson um litaleiðréttingu. Halldór Gunnar Pálsson sá um tónlistina, Kári Jóhannsson og Sigurður Kr. Ómarsson um klippingu þáttanna. Um kvikmyndatöku sá Sigurður Már Davíðsson og Garðar Örn Arnarson um leikstjórn.