Rússar gera um­fangs­miklar á­rásir á orkuinnviði Úkraínu

Orkumálaráðherra landsins segir að árásir hafi verið tilkynntar vítt og breytt um landið og að víða sé nú rafmagnslaust. 

Hann hvatti fólk einnig til þess að leita skjóls og snemma í morgun gaf flugher Úkraínu út allsherjar viðvörun fyrir allt landið þar sem von væri á fleiri eldflaugum. 

Á síðustu dögum hafa Rússar gert um það bil 1.500 loftárásir í Úkraínu. 

Borgarstjóri Kharkív, Igor Terekhov, segir að einnig hafi verið ráðist á íbúðahverfi í borginni í nótt og þá berast fregnir af hörðum árásum í borginni Lutsk sem er að stórum hluta án rafmagns. 

Hafnarborgin Odessa var heldur ekki undanskilin en þar hafa heyrst háværar sprengingar.