Innlent

Faðirinn á­fram í gæslu­varð­haldi

Jón Þór Stefánsson skrifar
Ómerktur lögreglubíll við Krýsuvík í kjöflar þess að málið kom upp.
Ómerktur lögreglubíll við Krýsuvík í kjöflar þess að málið kom upp. Vísir/Bjarni

Karlmaður sem er grunaður um að hafa orðið barnungri dóttur sinni að bana um miðjan septembermánuð var í dag úrskurðaður í áframhaldandi gæsluvarðhald til 14. nóvember næstkomandi.

Þetta staðfestir Elín Agnes Kristínardóttir, aðstoðaryfirlögregluþjónn hjá miðlægri rannsóknardeild, í samtali við fréttastofu.

Stúlkan sem var tíu ára gömul fannst látin við Krýsuvíkurveg þann 15. september síðastliðinn. Faðir hennar, Sigurður Fannar Þórsson, gerði lögreglu sjálfur viðvart um málið. Hann var handtekinn á vettvangi og hefur setið í gæsluvarðhaldi síðan þá.

Í byrjun mánaðar sagði Grímur Grímsson við fréttastofu að ekkert benti til aðkomu neinna annara en Sigurðar í málinu, en orðrómur hefur verið á kreiki um að málið hafi tengst undirheimunum. Grímur sagði lögreglu hafa fylgt slíkum ábendingum eftir.

Sigurður hefur áður komið við sögu lögreglu. Fyrir hálfum öðrum áratug var hann dæmdur í tæplega fjögurra ára fangelsi fyrir fíkniefnainnflutning, og rúmum áratug síðar hlaut hann skilorðsbundinn dóm fyrir vörslu kannabisplantna og marijuana.

Lögreglumál Grunaður um að hafa myrt dóttur sína

Tengdar fréttir

Engu um að kenna nema „hand­ó­nýtu kerfi“

Inga Dagný Ingadóttir, móðir hinnar tíu ára Kolfinnu Eldeyjar sem ráðinn var bani í síðasta mánuði, segir um að ræða hörmulegan og ófyrirsjáanlegan atburð sem ekki sé hægt að kenna neinu öðru um en „handónýtu kerfi“.

Mest lesið


Fleiri fréttir

Sjá meira


×

Mest lesið