Innlent

Hand­tekinn eftir eftir­för úr mið­bæ í Mos­fells­bæ

Lovísa Arnardóttir skrifar
Eftirför lögreglunnar hófst í miðbænum og endaði í Mosfellsbæ. Sérsveit aðstoðaði við handtöku mannsins.
Eftirför lögreglunnar hófst í miðbænum og endaði í Mosfellsbæ. Sérsveit aðstoðaði við handtöku mannsins. Vísir/Vilhelm

Karlmaður verður ákærður fyrir fjölda umferðarlagabrota eftir eftirför lögreglu sem hófst í miðbænum síðdegis í gær endaði í Mosfellsbæ. Í dagbók lögreglunnar segir að maðurinn hafi á ákveðnum köflum ekið á 200 kílómetra hraða á klukkustund. 

Lögreglan á höfuðborgarsvæðinu naut aðstoðar sérsveitarinnar við handtöku mannsins sem ók eftir gangstéttum og gangstígum í tilraun sinni til að stinga lögregluna af. 

„Eftirförin hefst í bænum og endar í Mosfellsbæ. Þetta er sama mál,“ segir Þóra Jónasdóttir yfirlögregluþjónn hjá Lögreglunni á höfuðborgarsvæðinu í samtali við fréttastofu.

Glæfralegur akstur

Í frétt Vísis um málið í gær kom fram að mikill viðbúnaður hefði verið í Mosfellsbæ þar sem maðurinn var handtekinn. Fréttastofu barst ábending um glæfralegan akstur og fjöldamarga lögreglubifreiðar. Varðstjóri slökkviliðs staðfesti síðar að sjúkrabílar hafi fylgt bílunum í öryggisskyni.

Fram kom í dagbók lögreglu í morgun að maðurinn verði ákærður fyrir fjölda brota, meðal annars að aka án réttinda og fylgja ekki fyrirmælum lögreglunnar.

Lögreglumál Umferð Reykjavík Mosfellsbær

Tengdar fréttir

Dyraverðir grunaðir um alvarlega líkamsárás

Dyraverðir skemmtistaðar í miðbænum voru handteknir í nótt grunaðir um alvarlega líkamsárás samkvæmt dagbók lögreglunnar. Þar kemur fram að málið sé í rannsókn og að margir hafi orðið vitni að árásinni.

Mest lesið


Fleiri fréttir

Sjá meira


×

Mest lesið