Innlent

Fengu ó­ljósar á­bendingar um hefndar­að­gerðir

Ólafur Björn Sverrisson skrifar
Lítið er vitað um stunguárás sem átti sér stað á föstudagskvöld í Mosfellsbæ. Lögregla var með mikinn viðbúnað á bæjarhátíð í bænum í gærkvöldi.
Lítið er vitað um stunguárás sem átti sér stað á föstudagskvöld í Mosfellsbæ. Lögregla var með mikinn viðbúnað á bæjarhátíð í bænum í gærkvöldi. vísir

Lögreglu bárust óljósar ábendingar úr ýmsum áttum um helgina um mögulegar hefndaraðgerðir vegna stunguárásarinnar í Skúlagötu á Menningarnótt þar sem 17 ára stúlka lét lífið. Áttu hefndaraðgerðirnar að fara fram í Mosfellsbæ þar sem bæjarhátíðin Í túninu heima er haldin. 

Þetta staðfestir Hjördís Sigurbjartsdóttir aðstoðaryfirlögregluþjónn í samtali við Vísi, en fréttastofa hefur leitað upplýsinga um málið frá því í morgun. Þá var greint frá því að hnífi hafi verið beitt á bæjarhátiðinni en skipuleggjandi kannaðist ekki við málið þegar rætt var við hann í dag. Mbl.is greindi fyrst frá mögulegum ábendingum um hefndaraðgerðir.

„Í sjálfu sér höfum við litlar upplýsingar,“ segir Hjördís. „Lýsingin á geranda hefur ekki skilað neinu og við teljum þetta ekki tengjast neinu öðru, þetta virðist vera einstakt tilvik.“

Þolandi árásarinnar særðist ekki en föt hans skárust í árásinni. 

Varðandi ábendingar um hefndaraðgerðir í Mosfellsbæ segir Hjördís:

„Þetta sneri að því að einhverjar hefndaraðgerðir ættu að eiga sér stað í Mosfellsbæ um laugardagskvöldið. Við bættum í viðbúnað og brugðumst við þessu. Vitum ekki af neinu sem átti sér stað í gærkvöldi.“

Málið verður því til rannsóknar í næstu viku, segir Hjördís. 

Lögreglumál Stunguárás við Skúlagötu Mosfellsbær Vopnaburður barna og ungmenna Ofbeldi barna

Mest lesið


Fleiri fréttir

Sjá meira


×

Mest lesið