Fyrstu tvö árin okkar í Kópavogi Ásdís Kristjánsdóttir og Orri Hlöðversson skrifa 7. júní 2024 08:00 Leiðarstef okkar í meirihlutasáttmálanum er að Kópavogur verði farsælt bæjarfélag í fremstu röð. Fyrirséð er að þjónusta sveitarfélaga mun einungis þyngjast í rekstri horft til framtíðar. Því skiptir höfuðmáli að skapa góðan fjárhagsgrunn og koma í veg fyrir ósjálfbæra skuldasöfnun. Þessar áherslur endurspeglast vel í þeim verkefnum sem við höfum sett í forgang á kjörtímabilinu sem nú er hálfnað. 1. Tryggja góðan rekstur Hjá okkur er forgangsmál að efla grunnþjónustu við bæjarbúa, forgangsraða fjármunum og hagræða í rekstri þegar tækifæri gefst. Í ljósi þessa er ánægjulegt að sjá hvernig rekstur Kópavogsbæjar styrkist verulega milli áranna 2022 og 2023. Afkoman batnar og reksturinn skilar fimm milljörðum til að standa undir framkvæmdum og niðurgreiðslu skulda. Heildarskuldir lækka að raunvirði og skuldahlutfall lækkar áfram. Þá er einnig heilbrigðismerki að í samanburði við önnur sveitarfélög á höfuðborgarsvæðinu eru skuldir á íbúa og skuldahlutfall hvergi lægri. Rekstur Kópavogsbæjar er traustur og ársreikningur 2023 er staðfesting þess efnis. 2. Lækka skatta Við viljum byggja upp öflugt samfélag þar sem sköttum á bæjarbúa er stillt í hóf. Of margir stjórnmálamenn líta á skatta sem sjálfsagðan og á köflum vannýtta tekjulind. Þeir freistast til að seilast sífellt dýpra í vasa almennings fremur en að hagræða í rekstri eða forgangsraða fjármunum með skynsömum hætti. Við höfum hins vegar kosið að standa með bæjarbúum en núverandi meirihluti hefur lækkað fasteignaskatta í tvígang, eða bæði árin frá því að hann tók til starfa. Á sama tíma hefur lóðaleigan staðið í stað og vatns- og holræsagjöld lækkað. Á þessu kjörtímabili hafa skattar lækkað um sem nemur rúmlega einum milljarði króna. 3. Framsækni í leikskólamálum Leikskólar gegna lykilhlutverki í grunnmenntun barna og þjónustu fyrir foreldra. Djúpstæður mönnunarvandi, viðvarandi álag og óstöðuleiki í þjónustu á leikskólum var eitthvað sem við vildum breyta. Í ljósi þessa var farið í víðtækt samráð við foreldra, starfsfólk, stéttarfélög og kjörna fulltrúa til að leita leiða til að leysa vandann. Niðurstaðan var Kópavogsmódelið sem í grunninn byggir á að fyrstu sex klukkustundirnar eru gjaldsfrjálsar og aukinn sveigjanleiki er í dvalartíma barna. Árangurinn talar sínu máli. Aldrei hefur þurft að loka leikskólum sökum manneklu frá því breytingar tóku gildi, til samanburðar voru 212 dagar lokunardagar á síðasta skólaári í einhverjum leikskólum Kópavogs. Flestir leikskólar eru fullmannaðir og við erum að bjóða fleiri börnum leikskólapláss. Aukinn stöðugleiki er í þjónustu við barnafjölskyldur, faglega starfið er betra og líðan barna og starfsfólk hefur batnað til muna. Þegar breytingarnar voru kynntar voru skiljanlega áhyggjur þess efnis hvaða áhrif breytingarnar myndu hafa á tekjulægstu heimilin. Nýleg foreldrakönnun bendir til þess að tekjulægstu heimilin eru einna ánægðust með breytingarnar og jafnframt líklegust til að nýta sér gjaldfrjálsa leikskólaþjónustu, sem var ánægjulegt að sjá. Þá er virkilega ánægjulegt að sjá að önnur sveitarfélög eru að fylgja fordæmi okkar og innleiða svipaðar breytingar í sínum leikskólum. 4. Ný nálgun í menningarmálum Fyrir ári síðan boðuðum við breytingar á starfsemi menningarhúsa með það að markmiði að efla starfsemi þeirra og tryggja að hún þróist í takt við nýja tíma. Með breytingunum var fjármunum forgangsraðað með öðrum hætti og hagrætt í rekstri en alls ekki á kostnað lakari þjónustu, síður en svo. Starfsemi menningarstofnana var endurhugsuð með aukinni samþættingu og samstarfi milli stofnana. Stór varða var sett þegar nýtt upplifunarrými lista, bókmennta og vísinda var opnað á afmælisdegi Kópavogs 11 maí sl. Skiljanlega eru breytingar erfiðar en nú þegar bæjarbúar upplifa nýja Náttúrufræðistofu sem flæðir um rýmið í návist við barnabókasafn Kópavogs erum við fullviss um að fæstir myndu vilja hörfa til baka. Menning spilar lykilhlutverk í að búa til fallegan bæjarbrag og við munum áfram standa vörð um menningarstarfið í bænum. 5. Heilsa og hreyfing í forgangi Mikilvægi íþrótta og hreyfingar fyrir alla aldurshópa verður seint ofmetið. Ánægjulegt er að sjá að aðstaða til íþróttaiðkunar er sú besta í Kópavogi samkvæmt þjónustukönnun. Sveitarfélögin leika stórt hlutverk á þessum vettvangi, einkum með stuðningi við skipulagt íþróttastarf og uppbyggingu mannvirkja. Á þessu kjörtímabili höfum við sett aukið fjármagn í heilsueflingu fyrir eldri bæjarbúa, tryggt að yngstu aldurshóparnir geti stundað sína íþrótt endurgjaldlaust. Þá höfum við lagt ríka áherslu á frekari uppbyggingu íþróttamannvirkja í efri og neðri byggðum. Skýr stefna áfram Í Kópavogi er stefna okkar sem myndum meirihluta í bæjarstjórn að nýta sem best fjármuni bæjarins, standa vörð um grunnþjónustu en um leið hlífum við skattgreiðendum við auknum álögum. Þær áherslur endurspeglast í verkum okkar. Við höfum sýnt það í verki að við þorum að ráðast í breytingar sem skila sér í bættri þjónustu. Það er auðvelt að missa sjónar á því sem skiptir máli ef áherslur beinast ekki að þeim verkefnum sem mestu skipta fyrir bæjarbúa hverju sinni. Kópavogur er farsælt sveitarfélag og við munum áfram tryggja að svo verði undir okkar forystu. Höfundar eru bæjarstjóri Kópavogs og formaður bæjarráðs. Viltu birta grein á Vísi? Sendu okkur póst. Senda grein Kópavogur Mest lesið Halldór 19.07.2025 Halldór Þetta er allt hinum að kenna! Helgi Brynjarsson Skoðun Opið bréf til fullorðna fólksins Úlfhildur Elísa Hróbjartsdóttir Skoðun Þjóðþrifamálin sem stjórnarandstaðan fórnaði á altari útgerðanna Heimir Már Pétursson Skoðun Sleppir ekki takinu svo auðveldlega aftur Hjörtur J. Guðmundsson Skoðun Vill Sjálfstæðisflokkurinn láta taka sig alvarlega? Dagbjört Hákonardóttir Skoðun Áfangasigur í baráttunni við hernaðinn gegn heimkynnum villta laxins Ingólfur Ásgeirsson,Árni Baldursson Skoðun Hví borgar útgerðin – ekki malarnáman? Guðmundur Edgarsson Skoðun Óður til opinberra starfsmanna Halla Hrund Logadóttir Skoðun Þjórsá í hættu – Hvammsvirkjun og rof á náttúrulegu ástandi árinnar Gunnar Þór Jónsson Skoðun Skoðun Skoðun Áfangasigur í baráttunni við hernaðinn gegn heimkynnum villta laxins Ingólfur Ásgeirsson,Árni Baldursson skrifar Skoðun Þetta er allt hinum að kenna! Helgi Brynjarsson skrifar Skoðun Þjóðþrifamálin sem stjórnarandstaðan fórnaði á altari útgerðanna Heimir Már Pétursson skrifar Skoðun Sleppir ekki takinu svo auðveldlega aftur Hjörtur J. Guðmundsson skrifar Skoðun Opið bréf til fullorðna fólksins Úlfhildur Elísa Hróbjartsdóttir skrifar Skoðun Vill Sjálfstæðisflokkurinn láta taka sig alvarlega? Dagbjört Hákonardóttir skrifar Skoðun Þjórsá í hættu – Hvammsvirkjun og rof á náttúrulegu ástandi árinnar Gunnar Þór Jónsson skrifar Skoðun Undirbúum börnin fyrir skólann með hjálp gervigreindar Sigvaldi Einarsson skrifar Skoðun Enginn skilinn eftir á götunni Dagmar Valsdóttir skrifar Skoðun Ég hef ofurtrú á manneskjunni í forvörnum og öryggi á bæjarhátíðunum Arnrún María Magnúsdóttir skrifar Skoðun Stúdentar eiga ekki að borga fyrir vanfjármögnun háskólanna Ármann Leifsson,María Björk Stefánsdóttir skrifar Skoðun Hví borgar útgerðin – ekki malarnáman? Guðmundur Edgarsson skrifar Skoðun Vantraust Flokks fólksins á Viðreisn Hjörtur J. Guðmundsson skrifar Skoðun 48 daga blekking: Loforð sem leiðir til lögbrota? Svanur Guðmundsson skrifar Skoðun Frá vinnuþræli til ríkisborgara: Ég er innflytjandi sem þið getið ekki losnað við Ian McDonald skrifar Skoðun Málþóf á kostnað ungs fólks Lísa Margrét Gunnarsdóttir skrifar Skoðun Tóbakslausar nikótínvörur - Tímabært að horfast í augu við staðreyndir Bjarni Freyr Guðmundsson skrifar Skoðun Ómeðvituð vörn í orðræðu – þegar vald ver sjálft sig Þórdís Hólm Filipsdóttir skrifar Skoðun Við krefjumst sanngirni og aðgerð strax Dagmar Valsdóttir skrifar Skoðun Verið öll hjartanlega velkomin á Unglingalandsmót á Egilsstöðum Jónína Brynjólfsdóttir skrifar Skoðun Úrsúla og öryggismálin - Stöndum gegn vígvæðingu Guttormur Þorsteinsson skrifar Skoðun Verðmætatap auðlindagjaldanna – Hverra og hvernig? Haukur V. Alfreðsson skrifar Skoðun Ertu nú alveg viss um að hafa læst hurðinni? Sanna Magdalena Mörtudóttir skrifar Skoðun Sanngirni að brenna 230 milljarða króna? Björn Leví Gunnarsson skrifar Skoðun Strandveiðar eru ekki sóun Örn Pálsson skrifar Skoðun „Ísland mun taka þátt í þvingunaraðgerðum gegn Ísrael náist samstaða fleiri ríkja“ Einar Ólafsson skrifar Skoðun SFS skuldar Sigurjón Þórðarson skrifar Skoðun Hvar er hjálpin sem okkur var lofað? Dagmar Valsdóttir skrifar Skoðun Áform um fleiri strandveiðidaga: Áhættusöm ákvörðun Svanur Guðmundsson skrifar Skoðun Í nafni „sanngirni“ brenndi ríkisstjórn 230 milljörðum – lífeyrir landsmanna fór á bálið Elliði Vignisson skrifar Sjá meira
Leiðarstef okkar í meirihlutasáttmálanum er að Kópavogur verði farsælt bæjarfélag í fremstu röð. Fyrirséð er að þjónusta sveitarfélaga mun einungis þyngjast í rekstri horft til framtíðar. Því skiptir höfuðmáli að skapa góðan fjárhagsgrunn og koma í veg fyrir ósjálfbæra skuldasöfnun. Þessar áherslur endurspeglast vel í þeim verkefnum sem við höfum sett í forgang á kjörtímabilinu sem nú er hálfnað. 1. Tryggja góðan rekstur Hjá okkur er forgangsmál að efla grunnþjónustu við bæjarbúa, forgangsraða fjármunum og hagræða í rekstri þegar tækifæri gefst. Í ljósi þessa er ánægjulegt að sjá hvernig rekstur Kópavogsbæjar styrkist verulega milli áranna 2022 og 2023. Afkoman batnar og reksturinn skilar fimm milljörðum til að standa undir framkvæmdum og niðurgreiðslu skulda. Heildarskuldir lækka að raunvirði og skuldahlutfall lækkar áfram. Þá er einnig heilbrigðismerki að í samanburði við önnur sveitarfélög á höfuðborgarsvæðinu eru skuldir á íbúa og skuldahlutfall hvergi lægri. Rekstur Kópavogsbæjar er traustur og ársreikningur 2023 er staðfesting þess efnis. 2. Lækka skatta Við viljum byggja upp öflugt samfélag þar sem sköttum á bæjarbúa er stillt í hóf. Of margir stjórnmálamenn líta á skatta sem sjálfsagðan og á köflum vannýtta tekjulind. Þeir freistast til að seilast sífellt dýpra í vasa almennings fremur en að hagræða í rekstri eða forgangsraða fjármunum með skynsömum hætti. Við höfum hins vegar kosið að standa með bæjarbúum en núverandi meirihluti hefur lækkað fasteignaskatta í tvígang, eða bæði árin frá því að hann tók til starfa. Á sama tíma hefur lóðaleigan staðið í stað og vatns- og holræsagjöld lækkað. Á þessu kjörtímabili hafa skattar lækkað um sem nemur rúmlega einum milljarði króna. 3. Framsækni í leikskólamálum Leikskólar gegna lykilhlutverki í grunnmenntun barna og þjónustu fyrir foreldra. Djúpstæður mönnunarvandi, viðvarandi álag og óstöðuleiki í þjónustu á leikskólum var eitthvað sem við vildum breyta. Í ljósi þessa var farið í víðtækt samráð við foreldra, starfsfólk, stéttarfélög og kjörna fulltrúa til að leita leiða til að leysa vandann. Niðurstaðan var Kópavogsmódelið sem í grunninn byggir á að fyrstu sex klukkustundirnar eru gjaldsfrjálsar og aukinn sveigjanleiki er í dvalartíma barna. Árangurinn talar sínu máli. Aldrei hefur þurft að loka leikskólum sökum manneklu frá því breytingar tóku gildi, til samanburðar voru 212 dagar lokunardagar á síðasta skólaári í einhverjum leikskólum Kópavogs. Flestir leikskólar eru fullmannaðir og við erum að bjóða fleiri börnum leikskólapláss. Aukinn stöðugleiki er í þjónustu við barnafjölskyldur, faglega starfið er betra og líðan barna og starfsfólk hefur batnað til muna. Þegar breytingarnar voru kynntar voru skiljanlega áhyggjur þess efnis hvaða áhrif breytingarnar myndu hafa á tekjulægstu heimilin. Nýleg foreldrakönnun bendir til þess að tekjulægstu heimilin eru einna ánægðust með breytingarnar og jafnframt líklegust til að nýta sér gjaldfrjálsa leikskólaþjónustu, sem var ánægjulegt að sjá. Þá er virkilega ánægjulegt að sjá að önnur sveitarfélög eru að fylgja fordæmi okkar og innleiða svipaðar breytingar í sínum leikskólum. 4. Ný nálgun í menningarmálum Fyrir ári síðan boðuðum við breytingar á starfsemi menningarhúsa með það að markmiði að efla starfsemi þeirra og tryggja að hún þróist í takt við nýja tíma. Með breytingunum var fjármunum forgangsraðað með öðrum hætti og hagrætt í rekstri en alls ekki á kostnað lakari þjónustu, síður en svo. Starfsemi menningarstofnana var endurhugsuð með aukinni samþættingu og samstarfi milli stofnana. Stór varða var sett þegar nýtt upplifunarrými lista, bókmennta og vísinda var opnað á afmælisdegi Kópavogs 11 maí sl. Skiljanlega eru breytingar erfiðar en nú þegar bæjarbúar upplifa nýja Náttúrufræðistofu sem flæðir um rýmið í návist við barnabókasafn Kópavogs erum við fullviss um að fæstir myndu vilja hörfa til baka. Menning spilar lykilhlutverk í að búa til fallegan bæjarbrag og við munum áfram standa vörð um menningarstarfið í bænum. 5. Heilsa og hreyfing í forgangi Mikilvægi íþrótta og hreyfingar fyrir alla aldurshópa verður seint ofmetið. Ánægjulegt er að sjá að aðstaða til íþróttaiðkunar er sú besta í Kópavogi samkvæmt þjónustukönnun. Sveitarfélögin leika stórt hlutverk á þessum vettvangi, einkum með stuðningi við skipulagt íþróttastarf og uppbyggingu mannvirkja. Á þessu kjörtímabili höfum við sett aukið fjármagn í heilsueflingu fyrir eldri bæjarbúa, tryggt að yngstu aldurshóparnir geti stundað sína íþrótt endurgjaldlaust. Þá höfum við lagt ríka áherslu á frekari uppbyggingu íþróttamannvirkja í efri og neðri byggðum. Skýr stefna áfram Í Kópavogi er stefna okkar sem myndum meirihluta í bæjarstjórn að nýta sem best fjármuni bæjarins, standa vörð um grunnþjónustu en um leið hlífum við skattgreiðendum við auknum álögum. Þær áherslur endurspeglast í verkum okkar. Við höfum sýnt það í verki að við þorum að ráðast í breytingar sem skila sér í bættri þjónustu. Það er auðvelt að missa sjónar á því sem skiptir máli ef áherslur beinast ekki að þeim verkefnum sem mestu skipta fyrir bæjarbúa hverju sinni. Kópavogur er farsælt sveitarfélag og við munum áfram tryggja að svo verði undir okkar forystu. Höfundar eru bæjarstjóri Kópavogs og formaður bæjarráðs.
Áfangasigur í baráttunni við hernaðinn gegn heimkynnum villta laxins Ingólfur Ásgeirsson,Árni Baldursson Skoðun
Skoðun Áfangasigur í baráttunni við hernaðinn gegn heimkynnum villta laxins Ingólfur Ásgeirsson,Árni Baldursson skrifar
Skoðun Þjóðþrifamálin sem stjórnarandstaðan fórnaði á altari útgerðanna Heimir Már Pétursson skrifar
Skoðun Þjórsá í hættu – Hvammsvirkjun og rof á náttúrulegu ástandi árinnar Gunnar Þór Jónsson skrifar
Skoðun Ég hef ofurtrú á manneskjunni í forvörnum og öryggi á bæjarhátíðunum Arnrún María Magnúsdóttir skrifar
Skoðun Stúdentar eiga ekki að borga fyrir vanfjármögnun háskólanna Ármann Leifsson,María Björk Stefánsdóttir skrifar
Skoðun Frá vinnuþræli til ríkisborgara: Ég er innflytjandi sem þið getið ekki losnað við Ian McDonald skrifar
Skoðun Tóbakslausar nikótínvörur - Tímabært að horfast í augu við staðreyndir Bjarni Freyr Guðmundsson skrifar
Skoðun Verið öll hjartanlega velkomin á Unglingalandsmót á Egilsstöðum Jónína Brynjólfsdóttir skrifar
Skoðun „Ísland mun taka þátt í þvingunaraðgerðum gegn Ísrael náist samstaða fleiri ríkja“ Einar Ólafsson skrifar
Skoðun Í nafni „sanngirni“ brenndi ríkisstjórn 230 milljörðum – lífeyrir landsmanna fór á bálið Elliði Vignisson skrifar
Áfangasigur í baráttunni við hernaðinn gegn heimkynnum villta laxins Ingólfur Ásgeirsson,Árni Baldursson Skoðun