Hirti krúnuna með látum en þarf að verja hana með kjafti og klóm Runólfur Trausti Þórhallsson skrifar 21. apríl 2024 08:01 Frægðarsól Fanneyjar Ingu reis hratt á síðasta ári. Sebastian Christoph Gollnow/Getty Images Fanney Inga Birkisdóttir kom, sá og sigraði Bestu deild kvenna í bókstaflegri merkingu á síðasta ári. Hvað gerist í markmannsmálum deildarinnar í ár? Þessi táningsmarkvörður gerði sér lítið fyrir og varð Íslandsmeistari með Val á sínu fyrsta tímabili og hirti síðan stöðu A-landsliðsmarkvarðar með ótrúlega þroskaðri frammistöðu gegn Danmörku í Þjóðadeildinni. Það er ljóst Fanney Inga fær verðuga samkeppni enda töluvert magn af bæði góðum sem og efnilegum markvörðum í Bestu deild kvenna í ár. Til að mynda má benda á samkeppnina innan Vals en Íris Dögg Gunnarsdóttir gekk í raðir Íslandsmeistara Vals fyrir komandi tímabil. Undanfarin ár hefur hún varið mark Þróttar en ákvað að söðla um og færa sig yfir lækinn. Telmu-tími runninn upp? Telma Ívarsdóttir, markvörður Breiðabliks, lék leiki Íslands í umspilinu um sæti í A-deild Þjóðadeildar UEFA en þarf að sætta sig við að verma bekkinn þegar Fanney Inga er heil heilsu. Fanney Inga og Telma á góðri stundu.Vísir/Hulda Margrét Hún vonast eflaust til hirða krúnuna sem besti markvörður Bestu deildarinnar sem og landsliðssætið af Fanneyju. Byrjaði tímabilið með látum Nýliðar Víkings mæta með markvörð sem Vísir hefur nú þegar bent lesendum sínum á að fylgjast með. Sigurborg Katla Sveinbjörnsdóttir er nafnið og þrátt fyrir ungan aldur og enga reynslu í efstu deild er búist við miklu. Hún varð bikarmeistari með Víking síðasta sumar og spilaði svo gríðarstóra rullu þegar liði lagði Íslandsmeistara Vals í Meistarakeppni KSÍ eftir vítaspyrnukeppni. Sá leikur markar í raun upphaf nýs tímabils og þar gat Sigurborg Katla vart farið mikið betur af stað. Sigurborg K. Sveinbjörnsdóttir varði tvær vítaspyrnur gegn Valskonum. Aðeins ein taldi en það dugði til sigurs.Vísir/Anton Brink Samkeppni í Garðabæ Auður Sveinbjörnsdóttir Scheving gekk í raðir Stjörnunnar fyrir síðustu leiktíð í von um að spila meira en hún hafði vermt bekkinn hjá Val þar áður ásamt því að leika með ÍBV og Aftureldingu á láni. Aftur kíki ég á Bestu kvenna og sé mögulega markvörslu sumarsins. Take a bow Auður Scheving Afsaka myndgæðin! Kannski að @St2Sport bjóði upp á alvöru upptöku við tækifæri #MarkmannshornRT pic.twitter.com/OW5rBJYYfs— Runólfur Trausti Þórhallsson (@Runolfur21) June 7, 2023 Auður deildi markmannsstöðunni hjá Stjörnunni með gamla brýninu Erin McLeod en sú er að nálgast fertugt og er fyrrverandi landsliðsmarkvörður Kanada. Þó Erin hafi aðeins spilað þriðjung leikja Stjörnunnar á síðustu leiktíð þá byrjaði hún fimm af sex leikjum liðsins í Lengjubikarnum í ár. Auður byrjaði einn en kom inn af bekknum í hálfleik í hinum fjórum leikjum Stjörnunnar. Það verður fróðlegt að sjá hvort Kristján Guðmundsson, þjálfari, haldi sig við það eða hvort önnur þeirra muni einfaldlega spila alla leiki sumarsins. Stormsveipur í Hafnafirði Aldís Guðlaugsdóttir mætti með látum í Bestu deildina á síðustu leiktíð. Alls lék hún 16 leiki fyrir spútniklið FH og sýndi oftar en ekki frábær tilþrif. Hún fór hins vegar til Bandaríkjanna í háskólanám og kláraði hin unga Herdís Halla Guðbjartsdóttir tímabilið í marki FH-inga. Ein af markvörslum sumarsins í boði Aldísar Guðlaugsdóttur Vona samt innilega að hún hafi urðað yfir varnarmennina sína, guð minn! @bestadeildin @fhingar pic.twitter.com/C9G1bEXylR— Runólfur Trausti Þórhallsson (@Runolfur21) May 24, 2023 Herdís Halla, sem er fædd árið 2007, kom á láni frá Breiðabliki og hefur aftur verið lánuð í Hafnafjörð. Lék hún til að mynda alla leiki liðsins í Lengjubikarnum í ár. Það er því óvíst hvort Aldís gangi svo glatt í byrjunarliðið þegar hún snýr heim en ef marka má frammistöðu hennar á síðustu leiktíð gerir hún klárlega tilkall til þess. Snýr aftur reynslunni ríkari Í Árbænum er bara eitt í boði, það er að spila ungum og efnilegum markvörðum. Tinna Brá Magnúsdóttir, sem verður tvítug á þessu ári, mun verja mark liðsins. Þrátt fyrir ungan aldur á hún að baki yfir 100 KSÍ leiki og einn A-landsleik. Hún átti erfitt uppdráttar þegar hún spilaði alla leiki í fallliði Fylkis sumarið 2021 en er nú reynslunni ríkari og þeim mun betri markvörður en þá. Þrjár eða fjórar? Líkt og vanalega er töluvert af erlendum markvörðum í deildinni. Alls eru þær fjórar talsins í ár, þar af eru tvær á sínu öðru ári í deildinni. Vera Varis gekk í raðir Keflavíkur fyrir síðasta tímabil og stendur enn vaktina í marki liðsins. Að sumrinu loknu gæti hún hafa spilað 50 leiki fyrir Keflavík. Sömu sögu er að segja af Monicu Elisabeth Wilhelm. Sú gekk í raðir Tindastóls fyrir síðustu leiktíð og er enn á Króknum. Hún gæti einnig brotið 50 leikja múrinn í sumar spili hún alla leiki Stólanna. Staðan er nokkuð forvitnileg á Akureyri en Harpa Jóhannsdóttir stóð vaktina í Lengjubikarnum þar sem Akureyringar unnu riðil sinn nokkuð örugglega. Undir lok síðasta mánaðar var hins vegar tilkynnt að markvörðurinn Shelby Money myndi leika með Þór/KA í sumar en það ætti þó endanlega eftir að ganga frá félagaskiptunum. Það verður því forvitnilegt að sjá hver standur í marki Þórs/KA þegar liðið sækir Íslandsmeistara Vals heim síðar í dag. Að lokum er það Mollee Swift sem mun verja mark Þróttar í sumar. Sú kemur úr bandaríska háskólaboltanum eins og svo margar sem koma hingað til lands. Besta deild kvenna hefst klukkan 15.00 í dag þegar Valur tekur á móti Þór/KA. Leikurinn er sýndur beint á Stöð 2 Sport 5. Fótbolti Besta deild kvenna Tengdar fréttir Kunnugleg andlit á nýjum slóðum og spennandi nýliðar Besta deild karla í knattspyrnu fer af stað á morgun, laugardag. Þar verður Ingvar Jónsson, besti markvörður deildarinnar undanfarin ár, í sviðsljósinu og þá reiknar Vísir með að Árni Snær Ólafsson standi vaktina í marki Stjörnunnar líkt og á síðasta tímabili. 5. apríl 2024 14:00 Mest lesið Uppgjörið: Vestri - KR 1-5 | KR bjargaði sér og sendi Vestra í Lengjudeildina Íslenski boltinn Fáránlegt eða klókt hjá Kristófer? „Ef það má þá gerir fólk það“ Körfubolti Leik lokið: ÍA - Afturelding 1-0 | Stutt frumraun Mosfellinga í Bestu-deildinni staðreynd Íslenski boltinn Uppgjörið: ÍBV - KA 3-4 | KA tryggði sér Forsetabikarinn þriðja árið í röð Íslenski boltinn „Þetta verður bara veisla fyrir vestan“ Íslenski boltinn Freyr á erfitt með að lýsa ógleymanlegu kvöldi Fótbolti Afar stolt eftir tapið gegn Íslandi Fótbolti Ráðast örlög Aftureldingar inni í höll? Íslenski boltinn „Það er æðislegt að kveðja húsið svona“ Körfubolti Sunderland kom til baka gegn Chelsea og dramatík í Newcastle Enski boltinn Fleiri fréttir Leik lokið: ÍA - Afturelding 1-0 | Stutt frumraun Mosfellinga í Bestu-deildinni staðreynd Leik lokið: Vestri - KR 1-5 | KR bjargaði sér og sendi Vestra í Lengjudeildina Víkingur - Valur | Verðlaun afhent í Víkinni Uppgjörið: ÍBV - KA 3-4 | KA tryggði sér Forsetabikarinn þriðja árið í röð Ráðast örlög Aftureldingar inni í höll? „Þetta verður bara veisla fyrir vestan“ Vestri og KR mætast á fyrsta degi vetrar: „Vona að það snjói ekki í nótt“ Lárus Orri framlengir á Skaganum „Kominn tími á sigur í Sambandsdeildinni“ Tekur við af læriföður sínum Snjó kyngir niður á Akureyri og Evrópuleikur færður inn „Veistu hvað leikmaðurinn sagði við mig?“ „Ég þarf bara að láta verkin tala“ Valur og Sigurður Egill senda frá sér sameiginlega yfirlýsingu Hemmi Hreiðars orðaður við Val Katrín kvödd með fallegum hætti: „Ég hef aldrei séð þetta áður“ Sjáðu þrumufleyg Fred og snöggt svar Stjörnunnar Enginn þjálfari hefur bæði byrjað og klárað Sambandsdeildina Stúkan birti skilaboðin: „Mér finnst þetta ömurlegt“ Uppgjörið: Fram-Stjarnan 1-1 | Úrslitaleikur um Evrópusæti um næstu helgi Sigurður Egill svarar yfirlýsingu Vals: Ómakleg og lágkúruleg setning Valinn dómari ársins í þriðja sinn á síðustu fjórum árum Skoraði meira í sumar en árin þrjú á undan til samans Halldór út og Ólafur Ingi inn hjá Breiðabliki Segja að Halldór verði látinn fara og Ólafur Ingi taki við Yfirlýsing Vals: „Þykir leitt að leikmaðurinn sé ósáttur“ Sendi stjórn FH lítt dulda hótun: „Það er bara ein trappa eftir“ Sjáðu ótrúlegt mark Hallgríms frá miðju Uppgjörið: Valur - FH 4-4 | Bráðskemmtilegur átta marka leikur á Hlíðarenda Uppgjörið: KR - ÍBV 2-1| Einum sigri í viðbót frá því að bjarga sér Sjá meira
Þessi táningsmarkvörður gerði sér lítið fyrir og varð Íslandsmeistari með Val á sínu fyrsta tímabili og hirti síðan stöðu A-landsliðsmarkvarðar með ótrúlega þroskaðri frammistöðu gegn Danmörku í Þjóðadeildinni. Það er ljóst Fanney Inga fær verðuga samkeppni enda töluvert magn af bæði góðum sem og efnilegum markvörðum í Bestu deild kvenna í ár. Til að mynda má benda á samkeppnina innan Vals en Íris Dögg Gunnarsdóttir gekk í raðir Íslandsmeistara Vals fyrir komandi tímabil. Undanfarin ár hefur hún varið mark Þróttar en ákvað að söðla um og færa sig yfir lækinn. Telmu-tími runninn upp? Telma Ívarsdóttir, markvörður Breiðabliks, lék leiki Íslands í umspilinu um sæti í A-deild Þjóðadeildar UEFA en þarf að sætta sig við að verma bekkinn þegar Fanney Inga er heil heilsu. Fanney Inga og Telma á góðri stundu.Vísir/Hulda Margrét Hún vonast eflaust til hirða krúnuna sem besti markvörður Bestu deildarinnar sem og landsliðssætið af Fanneyju. Byrjaði tímabilið með látum Nýliðar Víkings mæta með markvörð sem Vísir hefur nú þegar bent lesendum sínum á að fylgjast með. Sigurborg Katla Sveinbjörnsdóttir er nafnið og þrátt fyrir ungan aldur og enga reynslu í efstu deild er búist við miklu. Hún varð bikarmeistari með Víking síðasta sumar og spilaði svo gríðarstóra rullu þegar liði lagði Íslandsmeistara Vals í Meistarakeppni KSÍ eftir vítaspyrnukeppni. Sá leikur markar í raun upphaf nýs tímabils og þar gat Sigurborg Katla vart farið mikið betur af stað. Sigurborg K. Sveinbjörnsdóttir varði tvær vítaspyrnur gegn Valskonum. Aðeins ein taldi en það dugði til sigurs.Vísir/Anton Brink Samkeppni í Garðabæ Auður Sveinbjörnsdóttir Scheving gekk í raðir Stjörnunnar fyrir síðustu leiktíð í von um að spila meira en hún hafði vermt bekkinn hjá Val þar áður ásamt því að leika með ÍBV og Aftureldingu á láni. Aftur kíki ég á Bestu kvenna og sé mögulega markvörslu sumarsins. Take a bow Auður Scheving Afsaka myndgæðin! Kannski að @St2Sport bjóði upp á alvöru upptöku við tækifæri #MarkmannshornRT pic.twitter.com/OW5rBJYYfs— Runólfur Trausti Þórhallsson (@Runolfur21) June 7, 2023 Auður deildi markmannsstöðunni hjá Stjörnunni með gamla brýninu Erin McLeod en sú er að nálgast fertugt og er fyrrverandi landsliðsmarkvörður Kanada. Þó Erin hafi aðeins spilað þriðjung leikja Stjörnunnar á síðustu leiktíð þá byrjaði hún fimm af sex leikjum liðsins í Lengjubikarnum í ár. Auður byrjaði einn en kom inn af bekknum í hálfleik í hinum fjórum leikjum Stjörnunnar. Það verður fróðlegt að sjá hvort Kristján Guðmundsson, þjálfari, haldi sig við það eða hvort önnur þeirra muni einfaldlega spila alla leiki sumarsins. Stormsveipur í Hafnafirði Aldís Guðlaugsdóttir mætti með látum í Bestu deildina á síðustu leiktíð. Alls lék hún 16 leiki fyrir spútniklið FH og sýndi oftar en ekki frábær tilþrif. Hún fór hins vegar til Bandaríkjanna í háskólanám og kláraði hin unga Herdís Halla Guðbjartsdóttir tímabilið í marki FH-inga. Ein af markvörslum sumarsins í boði Aldísar Guðlaugsdóttur Vona samt innilega að hún hafi urðað yfir varnarmennina sína, guð minn! @bestadeildin @fhingar pic.twitter.com/C9G1bEXylR— Runólfur Trausti Þórhallsson (@Runolfur21) May 24, 2023 Herdís Halla, sem er fædd árið 2007, kom á láni frá Breiðabliki og hefur aftur verið lánuð í Hafnafjörð. Lék hún til að mynda alla leiki liðsins í Lengjubikarnum í ár. Það er því óvíst hvort Aldís gangi svo glatt í byrjunarliðið þegar hún snýr heim en ef marka má frammistöðu hennar á síðustu leiktíð gerir hún klárlega tilkall til þess. Snýr aftur reynslunni ríkari Í Árbænum er bara eitt í boði, það er að spila ungum og efnilegum markvörðum. Tinna Brá Magnúsdóttir, sem verður tvítug á þessu ári, mun verja mark liðsins. Þrátt fyrir ungan aldur á hún að baki yfir 100 KSÍ leiki og einn A-landsleik. Hún átti erfitt uppdráttar þegar hún spilaði alla leiki í fallliði Fylkis sumarið 2021 en er nú reynslunni ríkari og þeim mun betri markvörður en þá. Þrjár eða fjórar? Líkt og vanalega er töluvert af erlendum markvörðum í deildinni. Alls eru þær fjórar talsins í ár, þar af eru tvær á sínu öðru ári í deildinni. Vera Varis gekk í raðir Keflavíkur fyrir síðasta tímabil og stendur enn vaktina í marki liðsins. Að sumrinu loknu gæti hún hafa spilað 50 leiki fyrir Keflavík. Sömu sögu er að segja af Monicu Elisabeth Wilhelm. Sú gekk í raðir Tindastóls fyrir síðustu leiktíð og er enn á Króknum. Hún gæti einnig brotið 50 leikja múrinn í sumar spili hún alla leiki Stólanna. Staðan er nokkuð forvitnileg á Akureyri en Harpa Jóhannsdóttir stóð vaktina í Lengjubikarnum þar sem Akureyringar unnu riðil sinn nokkuð örugglega. Undir lok síðasta mánaðar var hins vegar tilkynnt að markvörðurinn Shelby Money myndi leika með Þór/KA í sumar en það ætti þó endanlega eftir að ganga frá félagaskiptunum. Það verður því forvitnilegt að sjá hver standur í marki Þórs/KA þegar liðið sækir Íslandsmeistara Vals heim síðar í dag. Að lokum er það Mollee Swift sem mun verja mark Þróttar í sumar. Sú kemur úr bandaríska háskólaboltanum eins og svo margar sem koma hingað til lands. Besta deild kvenna hefst klukkan 15.00 í dag þegar Valur tekur á móti Þór/KA. Leikurinn er sýndur beint á Stöð 2 Sport 5.
Fótbolti Besta deild kvenna Tengdar fréttir Kunnugleg andlit á nýjum slóðum og spennandi nýliðar Besta deild karla í knattspyrnu fer af stað á morgun, laugardag. Þar verður Ingvar Jónsson, besti markvörður deildarinnar undanfarin ár, í sviðsljósinu og þá reiknar Vísir með að Árni Snær Ólafsson standi vaktina í marki Stjörnunnar líkt og á síðasta tímabili. 5. apríl 2024 14:00 Mest lesið Uppgjörið: Vestri - KR 1-5 | KR bjargaði sér og sendi Vestra í Lengjudeildina Íslenski boltinn Fáránlegt eða klókt hjá Kristófer? „Ef það má þá gerir fólk það“ Körfubolti Leik lokið: ÍA - Afturelding 1-0 | Stutt frumraun Mosfellinga í Bestu-deildinni staðreynd Íslenski boltinn Uppgjörið: ÍBV - KA 3-4 | KA tryggði sér Forsetabikarinn þriðja árið í röð Íslenski boltinn „Þetta verður bara veisla fyrir vestan“ Íslenski boltinn Freyr á erfitt með að lýsa ógleymanlegu kvöldi Fótbolti Afar stolt eftir tapið gegn Íslandi Fótbolti Ráðast örlög Aftureldingar inni í höll? Íslenski boltinn „Það er æðislegt að kveðja húsið svona“ Körfubolti Sunderland kom til baka gegn Chelsea og dramatík í Newcastle Enski boltinn Fleiri fréttir Leik lokið: ÍA - Afturelding 1-0 | Stutt frumraun Mosfellinga í Bestu-deildinni staðreynd Leik lokið: Vestri - KR 1-5 | KR bjargaði sér og sendi Vestra í Lengjudeildina Víkingur - Valur | Verðlaun afhent í Víkinni Uppgjörið: ÍBV - KA 3-4 | KA tryggði sér Forsetabikarinn þriðja árið í röð Ráðast örlög Aftureldingar inni í höll? „Þetta verður bara veisla fyrir vestan“ Vestri og KR mætast á fyrsta degi vetrar: „Vona að það snjói ekki í nótt“ Lárus Orri framlengir á Skaganum „Kominn tími á sigur í Sambandsdeildinni“ Tekur við af læriföður sínum Snjó kyngir niður á Akureyri og Evrópuleikur færður inn „Veistu hvað leikmaðurinn sagði við mig?“ „Ég þarf bara að láta verkin tala“ Valur og Sigurður Egill senda frá sér sameiginlega yfirlýsingu Hemmi Hreiðars orðaður við Val Katrín kvödd með fallegum hætti: „Ég hef aldrei séð þetta áður“ Sjáðu þrumufleyg Fred og snöggt svar Stjörnunnar Enginn þjálfari hefur bæði byrjað og klárað Sambandsdeildina Stúkan birti skilaboðin: „Mér finnst þetta ömurlegt“ Uppgjörið: Fram-Stjarnan 1-1 | Úrslitaleikur um Evrópusæti um næstu helgi Sigurður Egill svarar yfirlýsingu Vals: Ómakleg og lágkúruleg setning Valinn dómari ársins í þriðja sinn á síðustu fjórum árum Skoraði meira í sumar en árin þrjú á undan til samans Halldór út og Ólafur Ingi inn hjá Breiðabliki Segja að Halldór verði látinn fara og Ólafur Ingi taki við Yfirlýsing Vals: „Þykir leitt að leikmaðurinn sé ósáttur“ Sendi stjórn FH lítt dulda hótun: „Það er bara ein trappa eftir“ Sjáðu ótrúlegt mark Hallgríms frá miðju Uppgjörið: Valur - FH 4-4 | Bráðskemmtilegur átta marka leikur á Hlíðarenda Uppgjörið: KR - ÍBV 2-1| Einum sigri í viðbót frá því að bjarga sér Sjá meira
Kunnugleg andlit á nýjum slóðum og spennandi nýliðar Besta deild karla í knattspyrnu fer af stað á morgun, laugardag. Þar verður Ingvar Jónsson, besti markvörður deildarinnar undanfarin ár, í sviðsljósinu og þá reiknar Vísir með að Árni Snær Ólafsson standi vaktina í marki Stjörnunnar líkt og á síðasta tímabili. 5. apríl 2024 14:00
Leik lokið: ÍA - Afturelding 1-0 | Stutt frumraun Mosfellinga í Bestu-deildinni staðreynd Íslenski boltinn
Leik lokið: ÍA - Afturelding 1-0 | Stutt frumraun Mosfellinga í Bestu-deildinni staðreynd Íslenski boltinn