Innlent

Katrín leiðir og hefur töl­fræði­lega mark­tækt for­skot á Baldur

Hólmfríður Gísladóttir skrifar
Katrín og Baldur hafa verið að mælast með mest fylgi í könnunum.
Katrín og Baldur hafa verið að mælast með mest fylgi í könnunum.

Katrín Jakobsdóttir, fyrrverandi forsætisráðherra, mælist með 31,4 prósent stuðning í nýrri skoðanakönnun Maskínu fyrir fréttastofu Stöðvar 2, Vísis og Bylgjunnar þar sem spurt var hvern fólk vildi sjá sem næsta forseta Íslands. Hún hefur tölfræðilega marktækt forskot á Baldur Þórhallsson stjórnmálafræðiprófessor sem nú mælist með 24 prósent fylgi.

Jón Gnarr nýtur samkvæmt könnuninni stuðnings 18,9 prósent þjóðarinnar og Halla Hrund Logadóttir 10,5 prósent. Ekki er tölfræðilega marktækur munur á fylgi Baldurs og Jóns.

Halla Tómasdóttir mælist með 6,7 prósent stuðning, Arnar Þór Jónsson 3,8 prósent, Steinunn Ólína Þorsteinsdóttir með 1,8 prósent og Ásdís Rán Gunnarsdóttir 1,3 prósent.

Aðrir ná ekki yfir eitt prósent.

Könnunin fór fram dagana 12. til 16. apríl. Forsetakosningar fara fram 1. júní næstkomandi.

Forsetakosningar 2024 Skoðanakannanir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið