Stjörnufans á Nesinu og forsetahjónin skella sér í pottinn Kolbeinn Tumi Daðason skrifar 8. apríl 2024 10:05 Guðni Th. Jóhannesson og Eliza Reid bjuggu á Seltjarnarnesinu áður en Guðni var kjörinn forseti Íslands árið 2016. Vísir/Vilhelm Forseti Íslands, Guðni Th. Jóhannesson, og Eliza Reid forsetafrú fara í opinbera heimsókn til Seltjarnarness á morgun í tilefni af 50 ára afmæli bæjarins. Seltjarnarnes hlaut kaupstaðarréttindi í lok mars 1974. Stjörnur á borð við Jón Jónsson, Bubba Morthens, Helga Hrafn og Tinu Dickow, Víking Heiðar og Jóhann Helgason koma fram. Heimsóknin hefst klukkan 07:40 í Sundlaug Seltjarnarness þar sem Þór Sigurgeirsson bæjarstjóri tekur á móti forsetahjónum og fara þau í heita pottinn saman ásamt fastagestum laugarinnar. Að því loknu heimsækja forsetahjón bæjarskrifstofur Seltjarnarnesbæjar þar sem þau njóta morgunkaffis með starfsfólki og fá kynningu á uppbyggingu og helstu verkefnum bæjarins um þessar mundir. Þá ávarpar forseti hátíðarfund bæjarstjórnar í tilefni 50 ára afmælisins. Bæjarskrifstofur Seltjarnarness.Vísir/Arnar Forsetahjón munu að því loknu heimsækja fjölda stofnana og fyrirtækja á Seltjarnarnesi til að fræðast um bæjarlífið og ræða við íbúa. Byrjað verður í Mýrarhúsaskóla, Valhúsaskóla og leikskólanum Mánabrekku. Lúðrasveit tónlistarskólans leiðir göngu milli lóðanna og við Mánabrekku sameinast leikskólabörn og syngja fyrir forsetahjón og föruneyti. Því næst heimsækja hjónin nýsköpunarhúsið Innovation House og Vivaldi á Eiðistorgi og fá þar kynningu á starfsemi ungra frumkvöðla og sprotafyrirtækja sem þar hafa aðstöðu. Þaðan verður gengið yfir á Bókasafn Seltjarnarness og þar sem opnuð verður sýningin „Stiklað á stóru um sögu Seltjarnarness“. Nokkrir Seltirningar segja frá minningum sínum af uppbyggingu bæjarins og forseti ávarpar gesti. Von er á margmenni á Eiðistorg seinni partinn á morgun.Vísir/Vilhelm Þegar líður að hádegi verður haldið í skoðunarferð út í Gróttu. Á leiðinni verður Seltjarnarneskirkja heimsótt og komið við í góðgerðarversluninni Elley auk þess sem numið verður staðar við hitaveituhúsið, hákarlahjallinn og listaverkið Bollastein. Því næst verður fjaran gengin út í Gróttu, náttúran og húsin í eyjunni skoðuð auk þess sem farið verður upp í Gróttuvita. Þá verður hádegisverður snæddur á veitingastaðnum Ráðagerði. Eftir hádegi heimsækja forsetahjón hjúkrunarheimilið Seltjörn og síðan safnasvæðið þar sem þau skoða verðandi Náttúruhús, Lyfjafræðisafnið. Þá verður Tónlistarskóli Seltjarnarness heimsóttur en þar mun Víkingur Heiðar Ólafsson vígja nýjan konsertflygil sem keyptur var í tilefni af 50 ára afmæli skólans. Forsetahjón heimsækja að því loknu félagsstarf í íbúðakjarna eldri bæjarbúa á Skólabraut og líta loks inn á síðdegisæfingum barna í íþróttahúsinu. Opinberri heimsókn forsetahjóna til Seltjarnarness lýkur með þátttöku í afmælishátíð á Eiðistorgi þar sem blásið er til kl. 16:30 fyrir íbúa bæjarins. Þar verður boðið upp á afmælisköku og fjöldi tónlistarfólks frá Seltjarnarnesi kemur fram. Má þar nefna Jón Jónsson ásamt ungum tónlistarskólanemum, einnig Bubba Morthens og Jóhann Helgason ásamt Selkórnum auk hjónanna Helga Hrafns og Tinu Dickow. Eva María Jónsdóttir stýrir veislunni. Eftir því sem fréttastofa kemst næst gefa listamennirnir allir vinnu sína á þessum tímamótum bæjarins. Forseti flytur hátíðarávarp og færir bæjarstjóra gjöf til bæjarins. Seltjarnarnes Guðni Th. Jóhannesson Forseti Íslands Mest lesið „Fötlun fyrir marga að vera með lítið typpi“ Lífið Fullkominn brúðkaupsdagur í frönskum kastala Lífið Ghost of Yōtei: Einhver heimsins fallegasti leikur og skemmtilegur líka Leikjavísir Play gjaldþrota: Hvað geta Laufey og Viagra kennt okkur? Lífið „Þetta er ömurleg fjárhagsleg ákvörðun“ Tónlist Tilkynnti dauða Trés lífsins með brókarmynd Lífið Sjáðu-hjónin kunna að halda partý Lífið Dauðlangar í kynlífsdúkku en óttast álit annarra Lífið Karen og Hjalti orðin tveggja barna foreldrar Lífið László Krasznahorkai hlýtur bókmenntaverðlaun Nóbels Menning Fleiri fréttir „Öðruvísi að vera þarna megin við borðið“ í baráttu við krabbann Sjáðu-hjónin kunna að halda partý Tilkynnti dauða Trés lífsins með brókarmynd Sjónlýsing í fyrsta sinn „Fötlun fyrir marga að vera með lítið typpi“ Karen og Hjalti orðin tveggja barna foreldrar Fullkominn brúðkaupsdagur í frönskum kastala Play gjaldþrota: Hvað geta Laufey og Viagra kennt okkur? Dauðlangar í kynlífsdúkku en óttast álit annarra Fagnar gagnrýni á „rasshausa-ummæli“ sín Silja Rós og Magnús eiga von á dreng Andri og Anne selja í Fossvogi Ljúffeng gulrótarkaka í morgunmat „Þetta fólk myndi ekki rata í Víkina með Google Maps“ Fór á skeljarnar eftir siglingu um Miðjarðarhafið Maður geti þurft að díla við „konu sem er á túr“ og í vondu skapi „Mikilvægt að íslenskt samfélag virði alla sem Íslendinga“ Gefur endurkomu undir fótinn Enginn í joggingbuxum í París Guðrún er með sólarsellurafmagn í sautján fermetra húsi sínu Embla Wigum flytur aftur á Klakann Helgi Ómars útskrifaður sem heilsumarkþjálfi Stelur af Sigga Bond: „Þá ætla ég að tala við Hannes Hólmstein“ „Finn ekki fyrir pressu“ Þórunn Elísabet og Jón selja í Vesturbænum Götulistamaðurinn Jójó látinn Hvernig er best að byggja upp traust? Þótti ekki viðeigandi að gefa fagaðilum gervitittlinga „Guð skapaði þig og hann gerir ekki mistök“ „Finnst við oft gleyma þeim sem geta ekki tjáð sig“ Sjá meira
Heimsóknin hefst klukkan 07:40 í Sundlaug Seltjarnarness þar sem Þór Sigurgeirsson bæjarstjóri tekur á móti forsetahjónum og fara þau í heita pottinn saman ásamt fastagestum laugarinnar. Að því loknu heimsækja forsetahjón bæjarskrifstofur Seltjarnarnesbæjar þar sem þau njóta morgunkaffis með starfsfólki og fá kynningu á uppbyggingu og helstu verkefnum bæjarins um þessar mundir. Þá ávarpar forseti hátíðarfund bæjarstjórnar í tilefni 50 ára afmælisins. Bæjarskrifstofur Seltjarnarness.Vísir/Arnar Forsetahjón munu að því loknu heimsækja fjölda stofnana og fyrirtækja á Seltjarnarnesi til að fræðast um bæjarlífið og ræða við íbúa. Byrjað verður í Mýrarhúsaskóla, Valhúsaskóla og leikskólanum Mánabrekku. Lúðrasveit tónlistarskólans leiðir göngu milli lóðanna og við Mánabrekku sameinast leikskólabörn og syngja fyrir forsetahjón og föruneyti. Því næst heimsækja hjónin nýsköpunarhúsið Innovation House og Vivaldi á Eiðistorgi og fá þar kynningu á starfsemi ungra frumkvöðla og sprotafyrirtækja sem þar hafa aðstöðu. Þaðan verður gengið yfir á Bókasafn Seltjarnarness og þar sem opnuð verður sýningin „Stiklað á stóru um sögu Seltjarnarness“. Nokkrir Seltirningar segja frá minningum sínum af uppbyggingu bæjarins og forseti ávarpar gesti. Von er á margmenni á Eiðistorg seinni partinn á morgun.Vísir/Vilhelm Þegar líður að hádegi verður haldið í skoðunarferð út í Gróttu. Á leiðinni verður Seltjarnarneskirkja heimsótt og komið við í góðgerðarversluninni Elley auk þess sem numið verður staðar við hitaveituhúsið, hákarlahjallinn og listaverkið Bollastein. Því næst verður fjaran gengin út í Gróttu, náttúran og húsin í eyjunni skoðuð auk þess sem farið verður upp í Gróttuvita. Þá verður hádegisverður snæddur á veitingastaðnum Ráðagerði. Eftir hádegi heimsækja forsetahjón hjúkrunarheimilið Seltjörn og síðan safnasvæðið þar sem þau skoða verðandi Náttúruhús, Lyfjafræðisafnið. Þá verður Tónlistarskóli Seltjarnarness heimsóttur en þar mun Víkingur Heiðar Ólafsson vígja nýjan konsertflygil sem keyptur var í tilefni af 50 ára afmæli skólans. Forsetahjón heimsækja að því loknu félagsstarf í íbúðakjarna eldri bæjarbúa á Skólabraut og líta loks inn á síðdegisæfingum barna í íþróttahúsinu. Opinberri heimsókn forsetahjóna til Seltjarnarness lýkur með þátttöku í afmælishátíð á Eiðistorgi þar sem blásið er til kl. 16:30 fyrir íbúa bæjarins. Þar verður boðið upp á afmælisköku og fjöldi tónlistarfólks frá Seltjarnarnesi kemur fram. Má þar nefna Jón Jónsson ásamt ungum tónlistarskólanemum, einnig Bubba Morthens og Jóhann Helgason ásamt Selkórnum auk hjónanna Helga Hrafns og Tinu Dickow. Eva María Jónsdóttir stýrir veislunni. Eftir því sem fréttastofa kemst næst gefa listamennirnir allir vinnu sína á þessum tímamótum bæjarins. Forseti flytur hátíðarávarp og færir bæjarstjóra gjöf til bæjarins.
Seltjarnarnes Guðni Th. Jóhannesson Forseti Íslands Mest lesið „Fötlun fyrir marga að vera með lítið typpi“ Lífið Fullkominn brúðkaupsdagur í frönskum kastala Lífið Ghost of Yōtei: Einhver heimsins fallegasti leikur og skemmtilegur líka Leikjavísir Play gjaldþrota: Hvað geta Laufey og Viagra kennt okkur? Lífið „Þetta er ömurleg fjárhagsleg ákvörðun“ Tónlist Tilkynnti dauða Trés lífsins með brókarmynd Lífið Sjáðu-hjónin kunna að halda partý Lífið Dauðlangar í kynlífsdúkku en óttast álit annarra Lífið Karen og Hjalti orðin tveggja barna foreldrar Lífið László Krasznahorkai hlýtur bókmenntaverðlaun Nóbels Menning Fleiri fréttir „Öðruvísi að vera þarna megin við borðið“ í baráttu við krabbann Sjáðu-hjónin kunna að halda partý Tilkynnti dauða Trés lífsins með brókarmynd Sjónlýsing í fyrsta sinn „Fötlun fyrir marga að vera með lítið typpi“ Karen og Hjalti orðin tveggja barna foreldrar Fullkominn brúðkaupsdagur í frönskum kastala Play gjaldþrota: Hvað geta Laufey og Viagra kennt okkur? Dauðlangar í kynlífsdúkku en óttast álit annarra Fagnar gagnrýni á „rasshausa-ummæli“ sín Silja Rós og Magnús eiga von á dreng Andri og Anne selja í Fossvogi Ljúffeng gulrótarkaka í morgunmat „Þetta fólk myndi ekki rata í Víkina með Google Maps“ Fór á skeljarnar eftir siglingu um Miðjarðarhafið Maður geti þurft að díla við „konu sem er á túr“ og í vondu skapi „Mikilvægt að íslenskt samfélag virði alla sem Íslendinga“ Gefur endurkomu undir fótinn Enginn í joggingbuxum í París Guðrún er með sólarsellurafmagn í sautján fermetra húsi sínu Embla Wigum flytur aftur á Klakann Helgi Ómars útskrifaður sem heilsumarkþjálfi Stelur af Sigga Bond: „Þá ætla ég að tala við Hannes Hólmstein“ „Finn ekki fyrir pressu“ Þórunn Elísabet og Jón selja í Vesturbænum Götulistamaðurinn Jójó látinn Hvernig er best að byggja upp traust? Þótti ekki viðeigandi að gefa fagaðilum gervitittlinga „Guð skapaði þig og hann gerir ekki mistök“ „Finnst við oft gleyma þeim sem geta ekki tjáð sig“ Sjá meira