Húsið var reist árið 1886 en fékk allsherjar yfirhalningu árið 2018 þar sem upprunalegur arkitektúr og glæsileiki var varðveittur. Arkitektar verksins sóttu innblástur frá Mílanó, Berlín og París.
Byggingarstíllinn og skipulag eignarinnar er í anda þess gamla tíma. Bogadregnir gluggar, aukin lofthæð, rósettur í lofti og vegglistar gefa eigninni mikinn glæsibrag.
Í miðri íbúðinni er rúmgott eldhús með stórri og tignarlegri eyju. Engu var til sparað þegar kom að vali á innréttingum, en bæði í eldhúsi og baðherbergi, eru innfluttar innréttaringar frá Ítalíu. Á borðum og á eyju í eldhúsi er einstaklega fallegur ítalskur Bardiglio Nuovolato-marmari. Útgengt er úr eldhúsinu á stærðarinnar svalir.
Stofan er rúmgóð með aukinni lofthæð þar sem bogadregnir gluggar setja sterkan svip á rýmið. Úr stofunni er fallegt útsýni yfir gróðursælan garð, Stureparken.
Samtals eru þrjú rúmgóð herberbergi og þrjú baðherbergi. Auk þess er vínherbergi með stöðugt hitastig kjallara með glæsilegri setustofu.
Nánari upplýsingar um eignina má finna á sænska fasteignavefnum lagerlings.se
